Сценарий "Монсуудайхан"
материал на тему

Монсуудайхан

Автор: Урдын урда сагта, али мүнөөшье сагтымуу, Түнхэндымуу али бэшымуу нэгэ мунтишаһан, үсибүү шубуу үгэй, мүнгэ алтаар ядалдадаг теэбеэ таабай хоер һууһан байна.

Нэгэтэ бурханай үдэр хонин жэлээ үдэшэжэ, бишэн жэлээ угтажа, бүтүүлжэ һуухадаа, доллар еврын сэн бодоод, эдеэ хоолой үнтэй болоод байхада….

Үбгэн: Теэбеэ, Сагаалхамнай ерэбэл даа.  Айлшадаа хүндэлхэеэ Монсуудайгаа барииш таа.

Хугшэн: Юун гээшын шэлээтэйм даа. Талхан угээ, тоһоншье үнтэй, саахар дабһамнайшье багтай болоод байна.

Убгэн: Теэбеэ, үтэлжэл байнаштаа, олон юумэ бү зугааладаа. Баряад орси. Юу сэнгээ нэмээнэш? Сагаалха болохоео байнабшаал...

Хугшэн: Барихам-барихам. Барьжа үхым бизэб даа.

Убгэн: Ай, бурхан,  пенсиимнай ехэ болгообда гэлдээд, алим теэ. Магазинда хуу юумэн үнтэй. Юун гээшын беда юм даа!

Хугшэн: Монсуудай бэлэн болобол даа, шагаабар дээрээ хүрэхыень табихамни, .

Убгэн: hайн даа... Хойморойнгоо дасанда хуралда ошожо ерэе.

Монсуудай:  Шагаабар дээрэ намай гансаарым юундэ орситеоб? Үбдэшэхэ гэжэ оройдоо hананагай! (сонхо дээрэhээ буужа, тойрон харана. ) Минии эжы аба плазма телевизортай байна. Эндэ ямар hонин бөө?(телевизор носооно) Ай, бурхан зайлуул, баhа реклама! ( телевизор унтараагаад, толидо дутэлнэ). Хэн иигээд Монсуудайе баридаг юум бэ? (тархяа hэжэрээд, хара очки зуугээд, хара бандана тархидаа боогоод, хэлэнэ) иимэхэн байха ёһотойда мүнөө сагай Монсуудай. Сагаалаад ерэхэм байс.

       (арhан хууртиг умдоод сагаалжа гараба. Шандагантай уулзаба)

Монсуудай: Сайн! Сагаан hараар!

Шандаган : Сагаалганаар! Ши хэмши?

Монсуудай: Би талхаар баригдаhан, тоһон соо болгоогдоһон, шагаабар дээрэ хүргэгдэһэн шара улаан шарайтай, ялагар талагар тархитай Хоймор нютагай Монсуудай гээшэб.

       Шандаган: Юун гээшын амтатай зангаарымштаа. Би шамайе эдьтьхэм байгаадаа.

Холобок : Болииш, хайшан гэнэш! Сагаалган боложо байнабшаал. Би сагаалжа ябаналби. Шамдаа бэлэг барихам. Шандаган ахай, сагаан һайхан дэгэлшни үшөө сагаан болог лэ, алаг улаан зүрхэншни зориг ехэтэй болог лэ.

       Шандаган: hайн даа!

Монсуудай: Сагаалганаар!

Шоно: Сагаан hараар! Ши хэмши? Ямар һонин амитамши?

Монсуудай: Би талхаар баригдаhан, тоһон соо болгоогдоһон, шагаабар дээрэ хүргэгдэһэн шара улаан шарайтай, ялагар талагар тарситай Хоймор нютагай Монсуудай гээшэб.

 Шоно:  Ямар hонин уулзалга гээшэб, би эдеэлхэеэ hаншабаб. Ерэл даа наашаа... би шамайе эдихэм!

Монсуудай:  Бү эдиштаа намайе, хайрлыш,хэшээгыш, би шамдаа бэлэгтэйб. Шоно ахай, жэл бүри шүдэнш хурса, шэхэнш һонор боложо байхань болтогой.

Шоно: болтогой! hайндаа!

       Монсуудай: Сагаан hараар! Хүндэтэ ойн эзэн!

Баабгай   Ши хэмш хүбаа? Яаһан харагдаа үзэгдөөгэй, ондоо шарайтай амитамш? Ерэл даа наашаа...

Монсуудай: Ямар hонин амитад гээшэб, намайе оройдоо танинагайл! Би монсогорхон Монсуудай гээшэб!

Баабгай:  Юун гээшын бэрхэ шамтай уулзашбииб даа, эдеэлхэеэ hанашоод мунтижа ябабаб, гүдhэмни нюргандаа няалдахаяа байгаа. Шамай хараад шүлһэм гоожоно. Мэнэ байсар наашаа ерэ! Эдихэм шамай!

Монсуудай:  Болиит, үндэр түрэлтэ Баабгай ноен! Бэлэгыем тогтоожо хайрлыт. Баян дээрэ баян боложо, олон дээрэ олон болохотной болтогой!

Баабгай: hайндаа!

Монсуудай: Шэнэ жэлээр! Ямар сэбэрхэн басаган гээшэб. Танилсая. Би талхаар баригдаhан, тоһон соо болгоогдоһон, шагаабар дээрэ хүргэгдэһэн шара улаан шарайтай, ялагар талагар тарситай Хоймор нютагай Монсуудай гээшэб. Танай нэрэ хэн бэ?

Унэгэн : Сагаан hараар! Би хурсахан шүдэтэй, зөөлэн шарахан дэгэлтэй, түргэн мэрэгэн ухаатай Үнэгэн гээшэб. Ямар амтатайхан унэртэй гээшэбши. Би шамайе амталха дурамни хүрэнэ!

Монсуудай: Угы, намаяа бү амталыштаа, бишни мухари мухариһаар олон нүхэдтэй болооб. Ши баһа минии нүхэр боло.

Нүхэдни, хуу барандаа манайдаа ошоё, аба эжындэм айлшалая.