Зœгъинаджы арœзт. Хуымœтœг œмœ вазыгджын зœгъинœгтœ.
план-конспект урока (8 класс) на тему

Темœ: Зœгъинаджы арœзт. Хуымœтœг œмœ вазыгджын зœгъинœгтœ.

Урочы нысантœ:

• Скъоладзауты хуымœтœг œмœ вазыгджын зœгъинœгтимœ базонгœ кœнын;
• Вазыгджын зœгъинаджы номон хайы цавœр ныхасы хœйтты дзырдтœ вœййы, уый зонын;
• Культурон компетондзинад œвзœрын кœнын;

Урочы хœстœ:

1. Райрœзтон (развивающие):

• Хуымœтœг œмœ вазыгджын зœгъинœгтœ иртасын;
• Скъоладзауты дзургœ ныхасыл бакусын;
• Скъоладзауты культурон дунеœмбарынад фœуœрœхдœр кœнын, ирон œгъдœуттыл œнцойгœнгœйœ.

2. Ахуырадон (образовательные):

• Универсалон: анализ кœнын зонын, œвзаджы œмхуызон фœзындтœ абарын;
• Сœрмагонд: лингвистикон компетентондзинад œвзœрын кœнын (терминтœй пайда кœнын, зонадон хъуыдыкœнынад райрœзын кœнын).

3. Хъомыладон:

• Патриотизм хъомыл кœнын;
• Ирон дзырдмœ уарзондзинад œвзœрын кœнын.

Урочы хуыз: ног œрмœг амонын.

Œмхасœнтœ урокмœ: ахуыргœнœн чиныг «Ирон œвзаг 8-œм къласœн, автор Тахъазты Х.,                   тетрадтœ, компьютер, проектор.

Урочы цыд.  1.Организацион хай.  Дзырдуатон куыст: фœйнœгыл фыст дзырдтœ Уацилла œмœ Уастырджы.

Ахуыргœнœг: - Ацы къуыри ирон адœммœ стыр кувœнбонтœ сты: кувœм œмœ табу кœнœм Лœгты дзуарœн. Куыд œй зонœм,афтœмœй  ирон сылгоймагœн бар нœ уыдис œмœ нœй ацы бардуаджы ном дзурын. Фœлœ дзы абон œз хатыр курын. Ацы урокыл мах ацы дзырдтœ цымыдис кœнындзысты зонадон цœстœнгасœй. Ныххатыр нын œй кœнœд œмœ нœ урок райдайœм.

  - Æрбакœсут ма фœйнœгмœ, цы иудзинад ис ацы дзырдты ʹхсœн, œмœ сœ цы хицœн кœны?

Дзуапп: - Ацы дзырдтœ сты ирон динуырнынады бардуœгты нœмттœ: Уастырджы – Лœгты дзуар, Уацилла – арвнœрды œмœ хоры бардуаг. Дыууœ дзырды дœр ис иу уидаг Уац – йœ синоним  хабар. Ирон динуырнынады ацы дзырдтœй пайда кодтой культон нысаниуœджы.

Фарст: - Æрхœссут ма мын ноджыдœр цœвиттон ацы дзырдимœ.

Дзуапп: - Уацамонгœ – Нарты диссаджы нуазœн.

2. Х/к сбœрœг кœнын.

Ахуыргœнœг: - Ацы дзырдтимœ-ма мын хъуыдыйœдтœ œрхъуыды кœнут.

• Уастырджи дœ рахиз фœрсты цœуœд!
• Дыууœ фыры Уациллайœн акусарт кодта.

Фарст: - Хъуыдыйœдтœ сœ арœзтмœ гœсгœ цавœртœ сты?

Дзуапп: - Хъуыдыйœдтœ сты сœ арœзтмœ гœсгœ хуымœтœджы даргъ.

Фарст: - Иувœрсыг œви дывœрсыг?

Дзуапп: - Фыццаг хъуыдыйад у дывœрсыг, уымœн œмœ дзы сœйраг уœнгтœ сты дыууœ дœр, дыккаг та – иувœрсыг, уымœн œмœ дзы сœйраг уœнгтœй ис œрмœстдœр зœгъинаг.

Ахуыргœнœг: - Адарддœр-ма мын кœнут уœдœ: сœйрат у..( хъуыдыйады мидœг цы предметы тыххœй  дзурœм, уый œвдисœг сœйраг уœнг);

Зœгъинаг у…( сœйраты тыххœй цы фœзœгъœм, уый œвдисœг сœйраг уœнг).

Ахуыргœнœг: - Æркœсœм нœ зœгъинœгтœм ацы хъуыдыйœдты. Сœ арœзтмœ гœсгœ кœрœдзийœ цœмœй хицœн кœнынц?

Дзуапп: - Фыццаг хъуыдыйады зœгъинаг арœзт у иу дзырдœй, дыккаджы та – дыууœ дзырдœй.

Ахуыргœнœг: - Уœдœ иу дзырдœй арœзт зœгъинаг хонœм хуымœтœг, дыууœ кœнœ фылдœр дзырдœй арœзт зœгъинаг та – вазыгджын. Нœ ног темœ цавœр у уœдœ?

Дзуапп: - Хуымœтœг œмœ вазыгджын зœгъинœгтœ.

Ахуыргœнœг: - Фœнысан œй кœнут уœ кусœн тетрœдты.Вазыгджын зœгъинаджы вœййы номон хай œмœ œххуысгœнаг хай. Æркœсœм ма нœ вазыгджын зœгъинагмœ:

акусарт кодта

Фарст: - Кœцы афоны, цœсгомы,нымœцы œмœ здœхœны ис œвœрд?

Дзуапп: - Æртыккаг цœсгомы, иууон нымœцы,ивгъуыд афоны, œргомон здœхœны.

Ахуыргœнœг: - Аифтындзœг ма кœнœм нœ зœгъинаджы:

Œз акусарт кодтон

Ды акусарт кодтай

Уый акусарт кодта

Фарст: - Вазыгджын зœгъинаджы кœцы хай ивы?

Дзуапп: - Ивы œххуысгœнœг хай.

Ахуыргœнœг: - Уœдœ Вазыгджын зœгъинаджы номон хай œвдисы дзырды лексикон нысаниуœг,                                                       œххуысгœнœг хай та  œвдисы грамматикон нысаниуœг, ома здœхœн, афон, нымœц œмœ цœсгом. Номон хайы вœййынц алы ныхасы хœйтты дзырдтœ дœр. Æрбакœсут-ма фœйнœгмœ(слайд).

• Чидœр Сау денджызœй Цъœх денджызмœ хъœр кодта.(номдар)
• Чидœр бирœгъы мардыл кœугœ кодта.(фœрсдзырд)
• Уый дын дœ хœйрœджы ном зœгъын кœндзœн.(мивдисœджы œбœлвырд ф.)
• Гино аргъœуттœм дœсны уыд, Гино аргъœуттœ кœны.(миногон, номдар)
• Хорз хœлœрттœн сœ маст дœр, сœ цин дœр иу у.(нымœцон)
• Лœг хъуыдыты ацыд.(фраз. дзырдбаст)

Интерактивон фœйнœгыл текст фыст. Уагъд дзы ис дамгъœтœ. Скъоладзаутœн сœ разы гœххœттыл фыст ацы тыкст. 1-аг къорд œвœры дамгъœтœ, 2-аг агурынц вазыгджын зœгъинœгтœ, з-аг къорд та 3, 6, 8-œм хъуыдыйœдтœ œвзарынц сœ арœзтмœ гœсгœ.

Х/к  § 8. Фœлт. 36.

4. Хатдзœгтœ скœнын ( нысœнттœ нывœрын)
5. Рефлексии: кœронмœ ахœццœ кœнут фразœтœ

• Абон œз базыдтон……………………………..
• Мœ зœрдœмœ фœцыд………………………………..
• Мœнœн мœ бон у……………………………………..
• Æз бамбœрстон…………………………………………