Визитнэ карточк
статья на тему

Визитнэ карточк

                 Мы дунай нэфым апэрэ псалъэр

                 Щыщ сфэзыш1ыгъэр синыдэлъфыбз,

                 Гур зыгъэгушхоу сигугъэ хаплъэ

                 Илъэгэ 1уатэу бгъэгум дизыбз.

                 Ным ибыдзыщэу с1упэ 1уфагъэр

                 Дыджыпсыджые таущтэу сфэ1он,

                  Ц1ыфыгъэ дахэу ащ къысхилъхьагъэр

                 Жьы щэгъу се1эфэ гум щыбэгъон.

                 Ч1ылъэм сехыжьэу сыкъытехьажьмэ,

                 Сыхарэгъади, сымыдэхъун.

                 Хъухэщтэп яс1оу сыбзэ ясхъожьмэ,

                А сыхьат дэдэм сыл1эжьми хъун!

Ныдэлъфыбзэм нахь лъап1э дунаем тетэп. Ц1ыф лъэпкъым ар ижь, тдунай, ипс, ихьалыгъу. Авар поэт ц1эры1оу Расул Гамзатовым ы1ощтыгъэ: «Неущ сыбзэ щымы1эжьыщтмэ, непэ сыщырэмы1эжь». Ныдэлъфыбзэр ц1ыфым ян, ят, икъашъу, иород, игумэк1, игухахъу, игуш1уагъу. Убзэ ш1у умылъэгъоу уилъэпкъ идэхагъэ, идэгъугъэ, ишэн-хабзэ зэхэтык1эхэр сыдэущтэу къыбгуры1она? Нарт Саусэрыкъорэ нарт Шэбатныкъорэ зи1э лъэпкъым ыбзэ зэбгъаш1э пш1омыигъон плъэк1ына?

Тауж къэк1ырэхэм тыбзэ ащымыгъупшэнэу, лъэпкъым рыгушхохэу щы1эныгъэр лъагъэк1отэным сэ си1ахьышхуи хэсш1ыхьэ сш1оигъоу к1элэегъэджэ сэнэхьатыр къысэсхыгъ.

                          Л1эш1эгъоу ик1ыгъэм

                          Сыкъыхэхъухьагъ,

                          Лъэпкъыр къэзы1этыщтым

                          Сырил1ык1уагъ.

                          Илъэсих сабыеу

                          Бзэм сыхэхьагъ,

                          Илъэс пш1ык1ухэу

                          Сянэрэ сятэрэ ягъогу хэсхыгъ.

                          Тыжьын бгъэхэлъыр

                          Къэсылэжьыгъ

                          Диплом плъыжьыр

                          Къысатыжьыгъ.

                          Аспирантурэм сэ сыч1эхьагъ

                          Силъэпкъы гупсэ

                          Сыфэлэжьэнэу

                          Сичылэ к1асэ

                          къэзгъэзэжьыгъ.

Сш1эщтыгъэр сш1эрэп усимы1агъэмэ

О сиеджап1эу, еджэп1э лъап1.

Сш1эщтыгъэр сш1эрэп усимы1агъэмэ

О сиеджап1эу, еджэп1э к1ас.

Одыджын макъэу щызэхэсхыгъэр

Сщымыгъупшэжьынэу сыгум къинагъ.

К1элэегъаджэу сезыгъэджагъэхэр

Сыгуми илъхэу къыздесэхьак1.

Сэш1э сэнэхьатыбэ тет тидунае

Зым нахьи зыр нахь дэгъужьэу

Ахэм сахаплъи, сэ къахэсхыгъэр –

К1элэегъадж – ар си1энат1.

Къыхэсхыгъэм сык1эмыгъожь.

Доскэм сы1утэу къэс1уатэ зыхъук1э

Тамэр къызгуак1эу ренэу къысщэхъу.

Сабый 1уш ц1ык1ухэр къэда1охэ зыхъук1э

К1уач1э къысхалъхьэу ренэу къысш1ош1.

Сш1эщтыгъэр сш1эрэп усимы1агъэмэ

О сиеджап1эу, еджёп1э лъап1.

Сш1эщтыгъэр сш1эрэп усимы1агъэмэ

О сиеджап1эу, еджэп1э к1ас.

Еджап1эу къыздэзгъэзэжьыгъэр дэгъоу, къысфэчэфэу къыспэгъок1ыгъ.

Сызхэхьэгъэ к1элэегъаджэхэм псынк1эу сакъыгуры1уагъ, цыхьэу къысфаш1ыгъэр къэзгъэшъыпкъэжьынэу, ш1эныгъэу си1эр зэк1э сабыймэ алъызгъэ1эсынэу, слъэпкъы инэмыс, ишэн-хабзэхэу язгъаш1эрэм готэу адэс1отэнэу, сыгук1и сшъхьэк1и езгъаджэрэмэ сырягъусэнэу, цыхьэ афэсш1ын ежьыми къыздязгъэш1ынэу гущы1э пытэ зэстыжьыгъэ.

Насыпэу щы1эмэ анахь иныр –

Уи1офыш1эгъухэм о уалъытэныр

Насыпэу щы1эмэ анахь иныр –

Уи1офш1эн уфэшъыпкъэныр.

Насыпэу щы1эмэ анахь иныр –

Гъунэнчъэу сабыйхэм ш1у уалъэгъуныр

Насыпэу щы1эмэ анахь иныр –

К1элэеджак1ор игъогу тебгъэхьаныр.

Насыпэу щы1эмэ анахь иныр –

1эшэ1гъэ дахэ о къэбгъэнэныр.

Сырыпагэу, сырыгушхоу къэс1он слъэк1ыщт.

К1элэегъаджэр – сек1оу, сыфэщэгъэшъыпкъэу сисэнэхьат!