Класс шагы "Кижи болуру чажындан..."
классный час (6 класс) на тему

  Класс шагыны¸ темазы :   «Кижи болуру чажындан…..»

Класс шагының сорулгазы: 1) Уругларны эвилеӊ-ээлдек, дузааргак, биче сеткилдиг болурунга ѳѳредир.

2) Өѳреникчилерге ажыктыг сүмелерни бербишаан, кижизидилге хамаарышкан бодалдарын үлежип, сайгарары.

3)  Уругларны эки аажы-чанга болгаш хундулээчел, чараш,чаагай сеткилдиг, дузааргак кылдыр уругларны кижизидери.

Дерилгези: компьютер, улегер домак, карточка, дурумнер.

Класс шагынын планы:

1.Сценажыткан көргузуг.

2. Дараазында улегер домактарны төндур чугаалаар.

3.Оюн аукцион «Эвилен-ээлдек сөстерниң» аукционун.

4. Хоруглуг чүүлдер.

5.Физминутка  «Арын хөөнүн оскертири».

6. Сактып, сагып чоруӊар! Тос дүрүм:

7. Кроссворд «Улегер домактар».

Класс шагыныӊ чорудуу.

1.Организастыг кезээ.

Бис бѳгүнгү клазывыс шагыны¸ адын «Кижи болуру чажындан, аът болуру кулунундан» деп тыва улусту¸ дорт, чиге сѳглээн ханы уткалыг үлегер домаанга даянып эрттирер бис, уруглар.Силер класс шагында эвилеӊ-ээлдек, дузааргак, биче сеткилдиг болурунга , мен силерге ажыктыг сүмелерни бербишаан, бодалдарынарны үлежип, сайгарар бис, эки аажы-чанга болгаш хундулээчел, чараш,чаагай сеткилдиг болуру ойнап тургаш билип алыр бис .

Чүге кижи болуру чажындан деп адап турарыл?

Кижиниӊ өске дириг-амытаннардан кол ылгалы чудел, уруглар?

Чүге аът болуру кулунундан деп чугаалап турарыл?

1. Сценажыткан көргузуг. (Өөреникчилер боттары күүседир)

1.Школада чурум чок оолдарны көргүзер.

2.Кандыг-бир кижиге хамааржыр чүүл оорлапкан оолдарны көргүзер.

3.Автобуста кырган-авага олут чайлап бээр уругларны көргүзер.

4.Кичээлде шимээргеп орар оолдарны көргүзер.

- Ам чаа күүсеткениңер чурум чок чоруктардан богунгу класс шагында чунун дугайында чугаалажыры силерге билдинип келди бе, уруглар?

Бо болза амгы үеде силер ышкаш бичи чаштарның кылып турар чазыглары-дыр . Он тос векте Тывага кээп чораан орус эртемденнерниң демдеглелинден алгаш көөрге, тывалар ажы-төлүнге аажок ынак, оларын эргеледип часыдар болган. Оларның уруглары, оолдары база кончуг кижизиг. Улуг улустуң чугаазын дыңнаар, ылбыргай бак аажы, тенек чорук шуут чок болган. Оларны кончуп, эттеп турган чоруктарны шуут көрбээнин бижип турар.Ооң чылдагааннарын амгы эртемденнер мынчаар үндүрүп турар. Тыва кижи ажы-төлү 13 хар четкиже чаңчылдарга, аас чогаалының хевирлеринге даянып алгаш,чагып, чүнү кылып болур, болбазын айтып бээр чораан-дыр. Ол айтып бээрде албадал, дужаал хөөнү чок, бүзүреп чугаалаарга-ла олар ону чоок хүлээп ап турганын М. Кенин-Лопсан айыткан.

Ынчангаш ам тыва чоннуң ажы-төлүн кижизидеринге ажыглап чораан аргаларын көөрү-биле кичээлдиң дараазында кезээнче кирээлиңер.

2. Дараазында улегер домактарны тондур чугаалап корээлинерем.

Шугум чазаарда ……..,(шыгаар)                        Багын соглээрге

Шуугаар бетинде …….(боданыр).                     бачыды …..(арлыр).

Оттунчек ооренир,                                              Сеткилдин …… (бичези) херек

Ожеш ……….(оонделевес).                                 Эртемнин……. (улуу) херек.

Аът  болуру ….(кулунундан),                           Кижи экизи……(найыралда),

Кижи болуру ……(чажындан).                        Аът экизи ……(мунужунда).

                                         Эки кижээ … хой,

                                         Эки аътка ….хой.

Үстүнде чугаалаан үлегер домактарның дузазы-биле чүс-чүс чылдарда кончуг кижизиг, чурумнуг салгалдарны тыва чоннуң өгбелери кижизидип келген-дир, уруглар.

3.Оюн аукцион «Эвилен-ээлдек состерниң» аукционун  чорудуптаалыңар.

Аукционнуң дүрүмү: 1.Соолгу эвилен-ээлдек состу адаан кижини  садып алыкчы деп чарлаар.

                                2. Мурнунда адаттынган состерни катаптавас. (1,2,3 эгелээн)

а) Эртен-эрте оттуп келгеш, чанынарда кижилерге азы клазынарга, школага кирип келгеш чүнү чугаалаар силер?

б) Кудумчуга эжиңерге таваржы бергеш, чугааны чүден эгелээр силер?

в) Бажыңыңарга келген кижи чоруп турда канчаар силер?

г) Аалчыларны кандыг состер-биле уткуп хүлээп алыр?

д) Шимчээшкин дузазы-биле экии деп состү коргүзүп корүңерем.

е) Эжинден дилеп алган карандашты чуу деп сос-биле эгидер силер?

Шын алдынарынга хамаарыштыр чугааны чорудар.

Башкы: Бо хүннерде бис тыва кижилер хүнде чаңгыс катап экилежир бис. Орус чоннуңкультуразында олар ар хүнде каш-даа катап аңгы-аңгы состерниң дузазы-биле мендилежирлер: «Доброе утро!», «Добрый день!», «Добрый вечер!». Шаг шаанда тыва чонузун домактар дузазы-биле мендилежир чораан, чижээлээрге: «Ал-бодуң эки бе? Аал-ораныңда думаа-ханаа ыңай-ла бе? Ажы-толүң эки-ле бе?...».

4. Хоруглуг чүүлдер:

Тыва чоннуң чаагай чаңчылдарынга хамааржыр болгаш силер хире 12-13 харлыг оолдар уругларның кылып болбас, хоруглуг чүүлдерин Монгуш Кенин-Лопсан башкы кончуг эки чагыгларны берип турар (номну коргүзер, видео «Тыва» кино уе: 11.15- 11.50 чедир).

Делегейниё дириг эртинези – Монгуш Борахович Кенин-Лопсан – тоогу эртеминин доктору, тываларнын чанчылдарын, сагылгаларын, оюннар, бурунгу ужурларны «Тыва чанчыл» деп номнунда чыып бижээн . Ам улуг огбевистиң чагыгларынга хамаарыштыр оюнну чорудаалыңар. (Слайдылар-биле ажылдаар).

- Силер ол дугайында чүнүбилир силер уруглар?

- От-биле ойнап болбас. От дээрге тыва кижиниң бурганы боор.

- Кижи чок болган черже барбас .Чок болган кижиниң чанынга дааш-шимээн үндүрүп болбас.

- Бичии кижилер өске кижиниң чүвезин оорлап болбас. Актыг кижиниң чүвезин оорлаан кижи хилинчектенип өлүр дижир.

-Эш-өөрүн мегелевес. Оор, мегениң оруу чаңгыс доо оранга баргаш, караңгы тамыже кирердээр.

- Бичии кижи таакпылап болбас. Бичиизинден таакпылап турган кижиниң чеди өкпези эстип калырдижир.

- Бичии кижи арага ижип болбас. Ол кырып келгеш, кирер өгтыппас, түреп чорааш чок болур дижир.

- Улуг улус чугаазыдыңнавас. Улуг улус чугаазынга киришпес. Шак ындыг чүүл кылыр болза сөөлүнде барып кулаа дүлейлепболур.

- Улуг кижини хундулээр. Бичии кижи улуг улус мурну-биле эртпес.

- - Улуг кижини хундулээр Бичии кижи улуг улус адын адавас, ойзу адаар.

-- Улуг кижини хундулээр.Улуг улус аяк сунарга ийи холдап алыр.

- Суг бистин амыдыралывыс, чемгеричивис . Сугже чүү-даа чүве октап болбас. (М. Кенин-Лопсан «Тыва чаңчылдар»).

5.Физминутка  «Арын хөөнүн оскертири».

Корга бергенин,

Амырай бергенин,

Бүзүревейн турарын,

мунгараанын,

кайгап ханмаанын,

хорадай бергенин,

билбээнин,

ажырганы бергенин,

күзелиңер бүде бергенин.

Ам чаа коргүскен хѳѳннерни кандыг-даа таварылга ажыглап билир болза эки. Бир эвес шын эвес кылдыр хѳѳнүңерни кѳргузер болзунарза,   ѳске кижиге чүгле арныңарда кѳргүскен хѳѳннер эпчок анчыг,аарышкылыг чүүлдерни сѳс чокка кѳргүзүп болур-дур силер.

6. Кроссворд «Улегер домактар».

1.Чидиг балдаа ыяш чымчак.

2.Ие созун ижип болбас.

3. Оолдугда ада омак.

4. Багын соглээрге, бачыды арлыр.

5. Тайгазынга анчы ынак, тараачын ховаа ынак.

6. Чепти эжип ооредир, чеченни сактып ооредир.

7.Угбалыг кижи ус, дунмалыг кижи дыш.

8. Шугум чазаарда шыгаар, шуугаарда боданыр.

Узун дургаар: 1. Чечен-менде. 2 чечек – черде. 3. Уер сугда балык чок.

7. Сактып, сагып чорунар! Тос дурум: (номчудар)

1) Ээлдек кижини чон хундулээр. Бодун оске улус мурнунга алдынып билир херек. Сээн-биле оске кижилер база ээлдек болурун чедип ал.

2) Кезээде кижилерге кичээнгейлиг чор. Ужурашкан улузу-биле албан мендилежип, сенээ чуве берген, дузалаан кижилерге четтиргенинни илерет, чоруптарда байырлаш.

3) Автобуска, кудумчуда сандайларга, театрга, клубка улуг кижилерге, олар дилевээнде-ле, олуду¸ чайлап берип чор.

4) Дуза хереглээр кырган, бертик-бежел, караа багай улуска ургулчу дузалажып чор. Ие кижини, кыс уругларны онза хундулээрин утпа.

5) Кажан-даа айыткан шактан озалдавайн чор. Оскелерни¸ безин унеле. Халас чидирген уезинге хомудаар кижи – эн-не мерген кижи болур. Хостуг уелери¸ черле халас эрттирбе.

6) Чоок кижилери¸ хомудадып, оларны дувуретпе. Кайнаар, чуге барганынны, кажан келиринни дыннадырын утпайн чор.

7) Могаттынчак болба, ындыг аажы-биле эштеринни¸ ойнаар хоонун азы оорушкузун уреп каап болур сен.

8) Бажы¸нарга кире бергеш, ээлери чалаваанда, дорже эрте халый бербес. оске ѳглерге, бодунун ѳѳнге дег, хостуг чаннавас. Бугу чувелерге чѳпшээрел херек.

9) Дузааргак, биче сеткилдиг болуп, кымнын-даа айбызындан ойталавайн чор: «Кежээнин мурнунда хунду, чалгаанын мурнунда кочу» деп чагыгны утпа!

Ынчангаш, уруглар, эштеринерни¸ бо чугаалаан дурумнерин, угаан-медерелин хун-буруде ону шуптузун ажыглап, сагып чоруур болзунарза, кандыг-даа кижилерни¸ чуректеринде шоочаны ажыдып билир «хуулгаазын алдын дулгуурлуг бис» деп бодап алыр силер.

8.Туннел

Бо класс шагындан чогум кандыг чаңчылдар, дурумнер билип алдыңар, уруглар. Класс шагынын Тренинг дузазы-биле хынаптаалынар.

- Школа иштинге чурумнуг болур.

- Оске кижинин чувезин айтырыг чокка ап болбас.

- Хой ниити черинге алгыржып чугаалажып болур бе?.

- Улуг улуска олудун чайлап бээр.

- Кичээлдерге шимээргеп болур бе?.

- Отче бок октап бужартадып болур бе?

- Улуг улус чугаазынга киржип болур бе?

- Эш-оорү, таныыр улузу, торелдери, башкылары-биле үргүлчү мендилежип чоруур.

- Арага, таапкыга дээп болбас.

- Улуг улус мурнундан эртпес.

-класс шагы силерге кандыг болду?

Башкы:  Культурлуг эвилең-ээлдек   кижиниң состерин аажы-чаңын хоонун билип алдывыс. Ону моон-даа соңгаар утпайн чанчыл кылдыр амыдыралга ажыглап чоруурунарны кузедим.