Сагаалган-манай hайндэр саг үедэ мандахань болтогой!
классный час на тему

Сагаалган-манай hайндэр саг үедэ мандахань болтогой!

Зорилго: Сагаалган тухай, Сагаан hара угталгын гурим  тухай хѳѳрэлдѳѳ-  

                наада эмхидхэжэ, буряад арадайнгаа ёhо заншалнуудые    

                тайлбарилха, элинсэг хулинсагуудайнгаа соелтой танилсуулха.

Зорилго бэелүүлхын түлѳѳ үхибүүдтэ

• Сагаалганай золголго харуулха, удхыень тайлбарилха,
• Сагаан hарын үреэлнүүдые сээжэлдүүлхэ,
• Дасан дугангуудта Сагаан hара угтамжа тухай видеоролигуудые харуулха,
• буряад арадай заншалта хубсаhан тухай хѳѳрэлдѳѳ эмхидхэхэ,

•  «Шагай» наадантай танилсуулха.
• Суг хүдэлхэ дадал олгуулха, буряад арадайнгаа ёhо заншалда дурлал хүгжѳѳхэ.

Хэрэгсэлнүүд: проектор, компьютер, «Буряад арадай соел» гэhэн выставка.

Найр-наадан

1-дэхи хүтэлбэрилэгшэ:

Сагаалганаар!

Yргэн дайдын хурьhэн дээрэ

Yнэр ябахатнай болтогой!

Мандаха наранай туяа доро

Мэндэ ябахатнай болтогой!

Мүнѳѳдэр Сагаалганай орон нютаг руу аяншалхыетнай бултыетнай уринабди.

Угтамжын хатар.

2-дохи хүтэлбэрилэгшэ

Чингис хаанай аша Хубилай хаанай зарлигаар монгол туургатан Сагаан hарын hайндэрые XIII-дахи зуун жэлhээ  февраль hарада угтадаг болоhон юм.  

Совет засагай үедэ энэ hайндэрнай хорюултай байгаа. Гансал 1991 ондо гүрэнэй hайндэрнүүдэй тоодто ороhон түүхэтэй.  

1-дэхи хүтэлбэрилэгшэ: Сагаалган гээшэмнай гэр бүлын hайндэр гээшэ. Сагаан hара соо буряадууд дасандаа ошожо, он жэлэйнгээ түлѳѳ,  амгалан байдалайнгаа түлѳѳ бурхандаа зальбардаг юм.  (видеоматериал)

Сагаалганhаа хоер үдэр  урда тээ дасан дугангуудта «Дүгжүүбэ» болодог.(видеоролик)

2-дохи хүтэлбэрилэгшэ Жэлэй hүүлшын үдэр  “бүтүү удэр” гэжэ нэрэтэй. Энэ үдэр гэртээ аха дүүнэрээрээ үнгэргэдэг, зулаа бадаргадаг, бурхандаа табаг табидаг.  

1-дэхи хүтэлбэрилэгшэ: Сагаалганай үдэр эртэ бодожо, эгээ гое хубсаhаа үмдэжэ шэнэ жэлээ угтадаг.

( «Буряад арадай заншалта хубсаhан» презентаци)

Гэрэй эзэн газаа гаража, hангаа бадаргадаг, нютагайнгаа хада бурхадта эдеэнэйнгээ дээжэ үргэдэг.

2-дохи хүтэлбэрилэгшэ: Сагаан hарада бэе бэедээ айлшалжа, золгодог заншалтай байгаа. Золголго тухай.  Үреэл заатагуй хэлэхэ ёhотой hэн.

 Залиршагyй залитай

Унтаршагуй гуламтатай,
Олон зоной дунда
Тэгшэ hайхан hуугты!
Yргэн сагаан дэлхэй дээрэ
Энхэ hайхан жаргалтай
Yритэй, бэетэй
Yнэр баян жаргагты!

1-дэхи хүтэлбэрилэгшэ. Үреэлнүүдэй конкурс

2-дохи хүтэлбэрилэгшэ Сагаалганай үдэр заатагуй эжы абаяа, аха захатанаа амаршалжа, бэлэг бариха ёhотой. Эгээ хүндэтэй айлшадтаа хадаг баридаг. Үхибүүдтэ амтатай эдэеэ, конфетэ бэлэглэдэг.  

Сагаан hарын бэлэг болгон тандаа дуу  барихамнай.

1-дэхи хүтэлбэрилэгшэ. Ямар найр наадагуй үнгэрдэг юм? Шагай наада наадая.

2-дохи хүтэлбэрилэгшэ

Наhан дээрээ

Наhа нэмэжэ байхадаа,

Айл аймагтаа, арад зондоо

Үшѳѳ ута наhа

Удаан жаргал Үреэел!

Гаража ерэhэн Шэнэ жэлдэ

Газар дайдамнай Үрэжэлтэй байг лэ,

Хото город, хҮдѳѳ нютаг бҮридэ

Хонин тѳѳлэй, сагаан эдеэн дэлгэрэг лэ!

Дахин уулзатараа баяртай! Сагаан hараар! Сагаалганаар!”