Фыдалтай нын баззад хазна
план-конспект урока по краеведению (7 класс) на тему

Гом урок 7 къласы

«Фыдœлтœй нын баззади хœзна». (Кадœг «Фœндыр куыд фœзынди» - мœ  гœсгœ.                                                                      

                                                                                             (15. 09 .2016)

 Урочы нысан.

        1.Кадœджы сœйраг хъуыды бамбарын кœнын.

        2.Дзургœ ныхасы рœзтыл куыст.

        3.Рœзын кœнын цымыдисдзинад œмœ уарзондзинад                                              

        национ литературœ œмœ культурœмœ.

  Урочы фœлгонц:

         1.Эпигрœфтœ.

         2.Ирон фœндыр.

         3.Ирон инстументты нывтœ.

         4.Зындгонд кадœггœнджыты къамтœ. (слайдтœ)

Техникон фœрœзтœ: компьютер, интерктивон фœйнœг.

         Сфœлдыста дœ иры  зœхх йœ удœй,

         Йœ хъыгтœ œмœ цинтœй уыдтœ гуырд.

         Цœрœнбонты нын зарыс ды рœсугъдœй,

         Мœ адœмы хœзна дœ œмœ цырт!

                                              (Гœлуанты Людмилœ.)

"Фœндыр канд цœгъдын нœ зоны,

  фœлœ ма дзурын дœр зоны."

              (Цœрœгаты Максим.)

                                         Урочы цыд.

                              Хъуысы фœндыры цагъд.

         Ахуыргœнœг: Нœ урок райдыдта фœндыры зœлтай. Ǽвœццœгœн œмœ ахœм

 ирон ад адœймаг нœй, фандыры зœлтам кай зœрда на фœсагайа. Ирон фœндыр у фыдœлтœй нын чи баззад, ахœм инструменталон дзаума. Циндзинад œнœ фандыр на фидауы. Фœндыры зœлтœ - маргъы дыууа домбай базыры. Иу дзы хœссы хъыг, иннœ- цин.

       Нœ фыдœлтыл-иу уœззау рœстœджытœ куы скодта, уœд-иу сын сœ зын сахат фыццагдœр фœндыр фасырдта са зардœты рис. Йœ аив, рœсугъд зœлтам хъусгœйа-иу сœ œрбайрох сœ мœгуыр цард дœр. Уœдœ сœ уарзты, сœ цины анкъарœнтœ дœр карœдзийан фандыры фœрцы œмбарын кодтой.

      Ирон фœндыр-нœ абоны стыр хœзна фалтарœй-фœлтармœ œрхаццœ, нœ абоны кœстартœ, сымахма дœр.Ǽмœ йын йœ кад, йœ намыс дарддœр сарыстырœй хœссын куыд фœразœт, уый амонд уа уœд. Ирон фœндырœн йœ рœсугъд зœлтœ уадз фыццагау хъуысœнт Ирыстоны кœмтты, арф хъарœнт зœрдœма.

     Абон нœ урочы œрныхас кœндзыстœм фœндыры фœзындыл, йœ равзœрдыл, йœ  ахадындзинад царды мидœг. Бындурœн райстам "Нарты кадджытœй" кадœг "Фœндыр куыд фœзынд."

    -На зœрдыл ма œрлаууын кœнœм, цы фысджыты уацмыстœ цыдыстœм, уыдон.

   Интерактивон фœйнœгыл.

  Къоста                                                      "Нœмыдзœф фœндыр."

 Плиты Харитон                                     "Хъуыбады."

Булкъаты Михал                                    "Сœлимœт."

-Цавœр бынат ахсынц "Нарты кадджытœ " царды мидœг?

       Дзуапп: Ирон адœм кœд нымœцœй бирœ не сты, уœддœр сарœзтой хъœздыг œмœ  бирœвœрсыг адœмон сфœлдыстд. Уыцы сфœлдыстады сœйраг бынат ахсынц "Нарты кадджытœ."

     Уыдон сты ирон адœмы стыр хзœна œмœ œвœрд сты дунейы хуыздœр уацмысты œмрœнœхъ.

     Абон, куыд загътам, афтœмœй нœ ныхас у "Нарты кадджытœй" иу уацмыстыл. Уый у кадœг "Фœндыр куыд фœзынд". Цавœр хъуыдытœ дзы œвœрд ис,уыдоныл.

     -Нœ зœрдыл ма œрлœууын кœнœм таурœгъы мидис.

     Ахуыргœнœг: Нарты кадджыты уœлдай стыр бынат ахсы Сырдоны фœлгонц.

Сырдон у "Нарты кадджыты" уарзондœр хъайтœртœй иу.

  1. Цы зœгъœн у уœ бон Сырдоны тыххœй? Чи уыд Сырдон?

     Дзуапп: "Арвы хин œмœ зœххы кœлœн".

                    "Нарты фыдбылыз".

                   "Гœды Сырдон-Гœтœджы фырт".

                   "Сырдон иуœрдыгœй у юмœр-хœссœг, иннœрдыгœй та-фыдбылызхœссœг".

      Сырдоны фыдœй фесœфтысты Сослан, Батрадз, Хœмыц, Нарт сеппœт дœр. Царды ис хорздзинад œмœ фыдракœнд (добро и зло). Сырдон у фыдракœнд хœссœг царды, œмœ йыл йœ уыцы миниуœг уœлахиз кœны.

     Ахуыргœнœг: Раст загътат. Нарты ̉̉хсœн фыдбылызœй цыдœриддœр уыд, уыдон цыдысты Сырдоны аххосœй. Йœ сœйраг дœр миниуджытœй иу у фыддзинад хœссын Нартœн.

  2. Сырдон Хœмыцœй йœ маст куыд райста?

 3. Хœмыц та куыд райста йœ маст?

 4. Куыд уœм кœсы: маст ахœм хуызы райсын раст у?

       Дзуапп: Фыдми барын нœ хъœуы, фœлœ ис ахœм ирон œмбисонд: туг тугœй не`хсадœуы.

        Ахœм хуызы маст райсын-йœхœдœг фыдми у. Хъуджы тыххœй фесœфта бинонты.

  5. Хœмыцы характеристикœ.

   Дзуапп:гуымиры, фыдзонд,тœвд туг, œгъатыр.

 6. Сырдоны уавœр. Йœ зœрдœйы уаг йœ бинонты стœгдœрта фенгœйœ.

       Дзуапп: Ǽрфœсмон кодта йœ митыл. Сырдон бамбœрста, фыддзинад цы ад кœны уый , œмœ `рфœсмон кодта.

 7. Сырдон фœндыр куыд скодта?

 8. Сырдон фœндыр цœмœн скодта?

    Дзуапп: Сырдонœн йœ зœрдœйы рыст афтœ  œнœкœрон уыд œмœ дзырдарœхст, худœг Сырдонмœ фаг дзырдтœ нœ разынд, не сардта йœ хъœздыг œвзаджы ахœм ныхœстœ,кœцытœ йын  равдыстаиккой йœ  зœрдайы рис.

      Ахуыргœнœг: œмœ равзœрдис фœндыр!

Фœндыры зœлтимœ  баиу. Сырдоны хъарœг. Сырдоны зœрдœима хъарœг кодта йœ фœндыр.

                                         (цагъды мелоди)

   Уœхœдœг œй фехъыстат (бакœсын эпиграф) "Фœндыр канд цœгъдын нœ, фœлœ ма дзурын дœр зоны".

 9. Базыдтам цавœр уавœрты, куыд равзœрд фœндыр. Сбœлвырд ма кœнœм уацмыс сœйраг хъуыды.

      Дзуапп: Фœндыр равзœрд Сырдоны бинонты сœфты фœдыл, Сырдоны трагедийœ. Трагедийœ равзœрд музыкœ. Уый у кадœджы сœйраг хъуыды-идейœ.

 10. Сырдон йœ фœндыр нартœн цœмœн балœвар кодта?

   Дзуапп: Цœмœй йын ныххатыр кœной.

 11. Иу хатт ма йœ зœгъœм , нарт фœндырœн цы аргъ скодтой уый.

   Дзуапп: Сырдоны хъарœг œмœ цагъд сœнкъуысын кодтой Нарты зœрдœтœ œмœ сœ басастой. Нарт се`мрœнхъ лаууын кодтой Сырдоны дœр

Сценкœ.Сырдон балœвар кодта фœндыр Нартœн.

 12. Нарт фесœфтысты, фœлœ фœндыр цœуылнœ фесœфт? Цœмœн баззад?

   Дзуапп: Фœндыр баззад куыд символ. Зœрдœйы œнкъарœнтœ авдисынмœ, стœй зœрдыл дарынмœ. цœмœй адœмœй фыдракœндзинад мачи кœна.

   Ахуыргœнœг:Афтœмœй мах базыдттам фœндыры равзœрд. Диссаджы рœсугъд зœлтœ райхъуысы фœндыры риуœй. Ǽмœ алы цагъдœн дœр ис йœхи истори. Фœнды мœ, цœмœй абон базонœм "Ханты цагъды" истори. Ацы мелоди равзœрд трагедийœ, œртœ хойы хъизœмар цардœй.

Бабар œй кодтон Иринœйœн.

   Царди иу мœгуыр зœронд лœг, уыди йын œртœ чызджы. Диссаджы цагъд кодтой фœндырœй. Иу бон хан œрцœйцыд са рœзты œмœ загъта, хъуамœ œз адонай искœй ракурон, зœгъгœ. Фœлœ чызджытœй иу лœг дзуапп на радта. Хан сœ œрцахсын кодта œмœ ныккœнды ныппœрста œнœ дон œнœ хœринагœй. Чызджытœ ацагуырдтой сœ фœндыр œмœ дзы цагътой. Уыдон-иу куы цагътой, уœд-иу хан рацыд, бœрзонд иу сбадти ам-иу хъуыста чызджыты цагъдмœ. Иу бон йœхи нал баурœдта ма ныххызти ныккœндмœ. Дыууœ хистœр чызджы мард уыдысты, фœлœ мœ кœстœр хо сœ уд исгœйœ фœндырœй цагъта. Хан райса фœндыр œмœ дзы цœгъдын райдыдта.

   Ахуыргœнœг: Гъе, ахœм стыр хъару  ис нœ рагфыдœлтœ нын сœ фœстœ цы œрдхœрœны ирон фœндыр ныууагътой, уымœ.

Уœдœ байхусœм цагъдма". (цагъды скъоладзау)

   Ахуыргнœг:Ныр та байхъусœм œмдзœвгœтœм ирон фœндыры тыххœй.

  Скъладзау."Ирон фœндыр"

Ирон фœндыр нын

                  баззади фыдœлтœй,

У махœн та нœ хœзнаты

                                 хуыздœр.

Ирон фœндыр... Расугъд

                           зœрдайы фœндтœй

Уый равзœрди,

                         уый райгуырди кœддар.

Ǽнœ фœндыр нœ фидауы

                            Ирыстон,

на фандыр

                  магуырдар каны захх.

Фандырдзагъдаг,да цагъдма

                       дын ныхъхъуыстон,

О, исты мын йа цины

                            зœлтœй зœгъ!

Скъладзау. Нœртон фœндыр,дœ кад, дœ намыс

Ǽнустœм цардамонд хœссœд.

Дœу фœрцы базыртœ œрзайынц,

Ды дœ œвдадз хос мœнœн...

Скъладзау. О, мœ фœндыр...

О, мœ фœндыр...о, мœ фœндыр,

Рахœсс œддœммœ  дœ зœрдœ.

О, фœндыр, Мœн нœ фанды

Уой цœмœй фынœй дœ зœлтœ.

О, мœ фœндыр. О, мœ фœндыр,

Цœй ысразы у мœ фœндыр:

Уадз дœ цагъдмœ Адœм кафой!

Уадз мœ зœрдмœ се`нкъард сафой!

О, мœ фœндыр,афтœ! Афтœ!

У œнœниз. Бафсœд цардœй!

Дуне базмалыди кафтœй,

Дуне базмалыди кафтœй.

Ахуыргœнœг: Мœнœ мœ ирон инструментты нывтœм арбакœсут.

Интерактивон фœйнагыл сты: хъисын фœндыр, дыууадœстанон фœндыр, нырыккон ирон фœндыр, къœрцгœнантœ, уадындз.

Дыууадœстынон фœндырœй цагъта 1952азы Хъаныхъуаты Никъала. Цагъта дзы  бадгœйœ, фœндыр йœ уœрджытыл вœрдœй. Инна фœндыртœй дœр кадœгганджытœ цагътой ахœм хуызы. Цагътой дзы фольклорон уацмыстœ, "Нарты кадджытœ".

   Ирыстоны курдиатджын кадœгганджытыл нымад уыдысты Зыгъуытаты куырм Бибо, Таутиаты Дрис, Баликъоты Слангери.

    Къоста йœ чиныг "Ирон фœндыр"-ы дœр дзœгъалы не схуыдта ацы номœй. Поэт ацы ном радта Бибойы кадœн, цœмай йе`мзавгатœ зыланг кœной адœмы `хсœн Бибойы фœндырау.

     Ирыстоны хистœр фœлтары курдиатджындœр фœндырдзœгъджытыл нымад уыдысты Икъаты Серафин, Калманты Земфира, Дзеранты Венера.

-СЫМАХ ТА КǼЙ ЗОНУТ НЫРЫ РАСТǼДЖЫ ЗЫНДГОНД ФǼНДЫРДЗǼГЪДДЖЫТǼЙ?

-Сымах, œваццагœн, фехъуыстаиккат ирон фœндыры тыххœй амбисœндтœ.

      Чи уœ ссардта фœндыр тыххœй œмбисœндтœ?

      Ирон фœндыр-зœрдайы уидаг.

      Ирон фœндыр-маст рохгœнœг.

      Ирон фœндыр- зœрдайы сагъœсты айдœн.

      Ирон фœндыр-на культурœйы цырагъдœр.

      Ирон фœндыр-зœрдайы œвдадзы хос.

      -Куыд œмбарут œмбисœндтœн сœ хъуыды?

Цœй хъал вœййы адœймаджы зœрдœ ирон фœндыры цагъдмœ. Йœ алœмты зœлтœт нœ рœсугъд œнкъарœнтыл бафтауынц, дœттынц œнцондзинад.

     Музыка у аивады рахиз къабаз.

     Ирон сценœ œнœ фœндыры зœлтœй нœ фидауы.

  Кœронбœттœн

Ахуыргœнœг: Нœ урок кœронмœ œрхаццœ

Нœ эпигрœфты мидис райхœлд: музыкœ, фœндыр, ирон адœмы царды œмдзу кœнынц цин œмœ хъыгимœ. Мах абон урочы фœстœ œндœр цœстœй ракœсдзыстœм нœ фыдœлты хœзна- ирон фандырма, уад уый у аппаты хуыздар барагганан на урокан.

    Фœндыр кœддœр равзœрдис трагедийœ, хъыгœй, фœлœ дарддœры царды фœндыры цагъдмœ хъусœгœг уœ зœрдœты гуырœд œрмастдœр рœсугъд анкъарœнтœ.Фœндыры зœлтœм œрмœстдœр кафгœ œмœ заргœ куыд кœнат, уый амонд уœ уœд.

Уадз œмœ ирон фœндырœн йœ рœсугъд зœлтœ нœрой ирыстоны кœмтты, арф хъарой адœмы зœрдœты!

                               Хъуысы фœндыры цагъд!

Хœдзармœ куыст. Нывœцœн-миниатюрœ «Музыкœ мœ царды».