Сценарий "Сагаалган"
методическая разработка

«Сагаан һара- 2018»

1 ведущий:  Мэндээ! Амар сайн, ажана түбшэн һууна гүт? Адуу мал тарган, саг дулаан, саһан нимгэн, буруун булшантай, дааган далантай гү? Сагаан һарын һайдэрөөр үнэн зүрхэнһөө амаршалнабди та бугэдэниие

Ведущий 2. 

Саһан шэнги сагаан һанаатай,
Сэсэг мэтэ сэбэр шарайтай,
Сасалсажа байһан сагаан харгытай
Сайн байна, сарюун айлшад, хүндэтэ нүхэд!

В1: Мүнөөдэр бидэ хадаа Сагаа hарын найр нааданда суглараад байна гээшэбди. Эндэ бидэ 2 бүлгэм боложо хубаараабди: 1-дэхи -4-дэхи ангинууд. 5-дахи – 9-дэхи ангинууд.

Ведущий 2. 

Сагаа һарын нааданаймнай программа.

1. Дуунай конкурс- арадай дуун.

2.  Дуунай конкурс – мүнѳѳнэй дуун.

 3. Уянгата шүлэг

4. Блиц-урилдаан.
5. Буряад эдеэн.

7. Шог хөөрөөн.

8. Ёохор

Нэгэдэхи шата. Арадайнгаа урданай дуу дуулахыетнай уринабди.

В.2:  дуулажа байһан  дуунууднай,

        Дурдан шэбшэһэн шүлэгүүднай

        Дууһан баринабди таанадтаа.

Мүнѳѳ үеын дуунай конкурсто хабаадагшадые уринабди.

В1:  

Сагаан һарамнайшье бултайба,

Сархаг эдеэгээ дэлгээд,

Сагаан үбгэн буубал даа,

Сан, хэнгэрэг нэергээд.

Уянгата шүлэгүүдые унхахыетнай уринабди.

Вед. 2: . Буряад зон эртэ урда сагһаа хойшо өөрын баян түүхэтэй, уянгата һайхан түрэл хэлэтэй, һайн һайхан ёһо заншалаар элбэг, баян арад гээшэбди. Манай буряад арад үри бэеэ  хүмүүжүүлхэ талаар аргагүй сэсэн зон гээшэ. Тиимэһээ манай хүбүүд басагад хэр угһаа ёһо заншалнуудые мэдэдэг гээшэб гэжэ шалгая. Aсуудалнууд үгтэхэ, тэрээндэ түргэн харюу үгэхэт.

1. эртэ урда сагһаа хойшо буряад зон Шэнэ жэлые ямар һараһаа эхилжэ тоолодог байгааб? (сентябрь)

2.Гэрһээ гаража ябаһан хүн орожо ябаһан хүнтэй золгошоо һаа, алиниинь гэдэргээ сухарихаб? –    

   гаража ябаһаниинь

3. хубсалхадаа хаанаһаа эхилжэ хубсалдаг бэ? –дороһоо

4. хүндэтэй айлшанаа юугээр угтадаг бэ?-төөлэйгөөр

5.долоон хоногой ээлжээтэ үдэр? –гараг

6. ээдүүлһэн сагаан эдеэн – тараг.

7. һэмжээр орёогоод, сог дээрэ шараһан эдеэн – һугабша.

1.Хубсаһаа хаанаһаа эхилжэ тайладаг бэ? – дээрэһээ

2.Ямар амитанай яһаар һээр шаадаг бэ? –үхэрэй

3.Эрэ хүниие төөлэйгөөр хүндэлдэг, эхэнэр хүниие юугээр хүндэлдэг бэ? – уусаар

4.Үдэр, һүни, үдэшэ, үглөө – хамта дээрээ – хоног.

5.Һама сахюусан ямар сагта эрьедэг бэ? –шэнын нэгэндэ

6. Зуураһан талхан хабтайлгажа, хэбтэ сохёод, тоһондо бусалгажа болгоһон эдеэн – бообо

7.Хониной дотороор хэгдэһэн эдеэн – орёомог

Блиц-урилдаанай мүрысѳѳн

В. 1.

  Дуунай бии хада, дуулажа ябая

Дуранай бии хада, дурлажал ябая.

Хатарай бии хада, хатаржал ябая

Шог зугаагай бии хада, зугаалжал ябая.

Шог хөөрөөнүүдээ хөөрэхэ, наадаха мүрысөөн.

В2: 

Хун сагаан хонидтнай

хошоолон сула олошорог лэ.

Унажа ябаһан унаатнай

унагалан сула олошорог лэ,

ууган тэгшэ бүлэтнай

уураг тарагаар олошорог лэ.

Ута наһа наһалжа,

удаан жаргал эдлэжэ,

үнэр баян һуугты даа.

Амтан эдеэн конкурсто хүбүүдээ, басагадаа уринабди.

           В1.

Ямар сэсэг һайхан бэ? (ягаан сэсэг һайхан даа)

Ямап наадан һайхан бэ? (ёохор наадан һайхан даа)

Анги бүхэн ёохор наада харуулна.

В1.Жюридэ үгэ үгтэнэ.

В.1 Сагаан hараар Сагаалганаар
Yргэн дайдын хурьhэн дээрэ
Yнэр ябаха болыт!
Мандаха наранай туяа доро
Мэндэ ябаха болыт!
Дахин уулзатараа баяртай.