"Йорт хайваннары"
план-конспект занятия по теме

Беренче кечкенәләр төркемендә үткәрелә торган дәрес планы

Скачать:

ВложениеРазмер
Файл План занятия22.59 КБ

Предварительный просмотр:

Казан шәһәре Совет районы мәгариф бүлегенең мәктәпкәчә тәрбия һәм белем бирү муниципаль автоном учреждениясе “127-нче номерлы катнаш төрдәге балалар бакчасы”

Дәрес планы

Тема: “Йорт хайваннары”

Беренче кечкенәләр төркеме

                                                                                 Тәрбияче:

                                                                                 Сәитова Г. Ә.

                                                                                                                 2013 ел

   Максат:

    Йорт хайваннарының исемнәрен дөрес әйтүгә ирешү. Аларның яшәү рәвеше, кыяфәте турында әңгәмә кору. Йорт хайваннары турында шигырьләр уку, аларны урман хайваннарыннан аера белергә өйрәнү.

   Җиһазлау:

    Йомшак уенчык персонажлар, ширма, “Йорт хайваннары нәрсә ярата?” дидактик уены.

   Дәрес барышы:

Тәрбияче: Балалар, безгә кунакка нарсә килгән?

Балалар: Песи.

Тәрбияче: Карагыз әле, бу песи нинди матур! Күзләре ничек ялтырый! Балалар, песинен йоны йомшакмы?

Балалар: Йомшак.

Тәрбияче: Ул ничек кычкыра әле?

Балалар: “Мияу-мияу”, “мыр-мыр”...

Тәрбияче: Әйе, нәниләрем, песи “мияу” диеп, ашарга сорый, ә “мыр-мыр” диеп, рәхмәт әйтә.  Песикәй нәрсә ярата икән соң?

Балалар: Сөт.

Тәрбияче: Балалар, әйдәгез, песи турында шигырь сөйләп алыйк әле.

                                              Пескәем

                                       Бар кечкенә пескәем,

                                       Бик акыллы дускаем.

                                       Ап-ак йонлач күлмәге

                                       Бизи безнен бүлмәне. (М.Хөсәен)

Без кунагыбыз турында бик матур җыр да беләбез бит әле

                                              Песи-нечкэбил

                                        Песи, песи-нечкәбил,

                                        Бала тирбәтергә кил.

                                        Җылы җирдә яшәрсең,

                                        Ап-ак күмәч ашарсың.

                                        Тәмле сөтләр эчәрсең,

                                        Ашап туйгач, уйнарсың. (Халык авыз иҗаты)

Тәрбияче: Карагыз әле, нәниләрем, безгә кунакка Акбай исемле эт тә килгән. Акбай нәрсә ярата икән? Ничек уйлыйсыз, балалар?

Балалар: Сөяк.

Тәрбияче: Дөрес, ә кайда яши икән ул?

Балалар: Ишек алдында.

Тәрбияче: Эт ничек итеп өрә әле?

Балалар: ” Һау-һау!”

Тәрбияче: Балалар, әйдәгез әле, эт турында да шигырь сөйлик.

                                               Маэмай

                                        Тешләмшсен  Акбаем,

                                        Сезгә өрә маэмаем:

                                        “Ташлар ыргытмагыз,-ди,-

                                        Мине котыртмагыз”,-ди. (Җ. Тәрҗеманов)

                                             Баю-бай

                                        Баю-бай, баю-бай,

                                        Ты, собачка, не лай.

                                        Белолапа, не скули,

                                        Нашу Таню не буди.

Тагын бер кунагыбыз бар икән, балалар. Ә монысы нәрсә була?

Балалар: Кәҗә.

Тәрбияче: Дөрес, акыллыларым. Кәҗә нәрсә ярата?

Балалар: Кәбестә ярата.

Тәрбияче: Ул ничек итеп кычкыра?

Балалар: “Ми-ки-ки!”.

Тәрбияче: Кәҗә абзарда яши. Без аның турында русча шигырь беләбез.

                                       Я, козочка, ме-ке-ке,

                                       Я гуляю на лужке.

                                       Острые рожки,

                                       Тоненькие ножки.

Балалар, игътибар белән карагыз әле, тагын нәрсә килгән икән кунакка?

Балалар: Сыер.

Тәрбияче: Ә сыер нәрсә ашарга ярата?

Балалар: Үлән.

Тәрбияче: Сыер безгә нәрсә бирә?

Балалар: Сөт бирә.

Тәрбияче: Сыер да, кәҗә кебек, абзарда яши. Ничек кычкыра соң безнең кунагыбыз?

Балалар: “Муу-муу!”.

   Йомгаклау:

Тәрбияче: Балалар, песи, эт, кәҗә, сыер-йорт хайваннары. Ә хәзер без сезнең белән уен уйныйбыз, “Йорт хайваннары нәрсә ярата?” дип атала.

Бик яхшы, нәниләрем, дәресне тәмамлап, бер хәрәкәтле уен да уйнап алыйк.

                                        Йөрмә, Акбай, безнең янда,

                                        Я тешләрсең, кит әле.

                                        Балаларга да өрмә,

                                        Без бәләкәй бит әле.

     Кулланылган әдәбият:

1.Балалар бакчаларында тәрбия һәм белем бирү программасы. Казан “Хәтер” нәшрияты, 2000. – 192бит. Төзүчеләр: К. В. Закирова, Р. А. Борһанова.

2.Күрсәт әле, үскәнем: Балалар бакчаларының 1нче кечкенәләр төркеме өчен. Җырлар, уеннар. муз. әсәрләр, сценарийлар: 2нче китап. – Казан: Мәгариф, 2010. – 151бит. Төзүче авторлар: З. Г. Ибраһимова, Г. Р. Гыйләҗетдинова, Ф. Җ. Җәләлетдинова.

3.Гөлбакча . Балалар бакчаларында эшләүче тәрбиячеләр өчен кулланма. – Казан: Татар. Кит. Нәшр.. 1990. – 254бит. Төзүчеләре: Ф. Ю. Юсупов, З. Ф. Камалова, Р. А. Борһанова.

4.Исмәгыйлова С. Г. Туган тел – очар канат: методик ярдәмлек. – Чаллы, “Камаз” нәшр., 1993. – 63бит.

5.Кашапов М. Ф. Балалар бакчаларында телдән сөйләмгә өйрәтүнең фәнни-методик нигезләре: Монография. – Казан: РИЦ “Школа”, 2009. – 160бит.


По теме: методические разработки, презентации и конспекты

Ачык дәрес: “Йорт хайваннары” темасын кабатлау, ныгыту. 1Б сыйныфы, рус төркеме.

"Йорт хайваннары" темасын кабатлау, ныгыту. 1Б сыйныфы, рус төркеме балалары өчен дәрес разработкасы.Максат: Йорт хайваннырын гомумиләштереп кабатлау. Өйрәнгән лексиканы һәм сөйләм үрнәкләрен камилләш...

Әйләнә-тирә дөньядан 1 сыйныфта "Йорт хайваннары" темасы буенча мастер-класс

1 сыйныфта " Йорт хайваннары" темасына мастер- класс күрсәтелә. Йорт хайваннарының  башка төр хайваннардан аермалы яклары таптырыла....

Беренче сыйныфта "Йорт хайваннары" темасы буенча презентация

Беренче сыйныфта "Йорт хайваннары" темасы буенча презентация. Дәрес темасы: "Авылда кунакта" ( рус төркеме өчен)....

Беренче сыйныфта "Йорт хайваннары" темасы буенча конспект

Беренче сыйныфта "Йорт хайваннары" темасы буенча дәрес конспекты ( рус төркемнәре өчен)....

Кыргый җәнлекләр һәм йорт хайваннары

1 нче сыйныфның рус төркеме өчен план- конспект.Дәреснең максаты һәм бурычлары: Укучыларны кыргый һәм йорт хайваннары белән таныштыру1.     Кыргый һәм йорт хайваннары турында ...

Кыргый җәнлекләр һәм йорт хайваннары

1 нче сыйныфның рус төркеме өчен презентация...

Йорт хайваннары темасын йомгаклау.

1 нче сыйныфта үткәрелгән ачык дәрес планы. Темасы "Йорт хайваннары темасын йомгаклау"...