Проект "Пейзаж"
методическая разработка (5 класс) по теме

Санчы С.Д.

Гимназия № 9, Кызыл.

Толевилел

5-ки класска пейзаж дугайында билиг

        Сорулгазы: Чечен чогаалда бойдус чурумалының ужур-дузазын билиндирери. ɵɵреникчилерге пейзажтың дузазы-биле эмоционалдыг (сагыш-сеткилге дээштиг),  эстетиктиг (чараш чʏʏлге ынак ) болурун хевирлээри. Чогаадыкчы бот-тускайлаң коружун сайзырадыр.

        Интеграция (демнежилге):  музыка, чечен чогаал номчулгазы, уран-чʏʏл (чурулга, чурук…).

        Ажыл-чорудулга:

1. Литература – теориялыг билиг «пейзаж дугайында» эге ʏндезинни салыр.
2. Чечен чогаалда пейзажты тып, аянныг номчуп, ушта бижиир.
3. Бодунуң тɵрээн хеминиң, чериниң дугайында чурумалдыг чогаадыг бижиир.
4. Сɵзʏглелге даянып, чурук (пейзаж) чуруур.

Проектиниң киржикчилери: ɵɵреникчилер, ада-иелер, башкызы.

Сɵзʏглел № 1

«Бо черниң улузу Бии-Хемни Улуг-Хем дээрлер, Улуг-Хемниң унунга кандыг солун чувелер турбас дээр! Хемниң уну магалыг байлак-даа, чараш-даа – кижиниң харап-ла чоруксаазы келир».

Сɵзʏглел № 2

        «Баландаштың куржаангы хаяаларының чаражы дээрге бир-ле уран-шевер кижи-даа чуруп, сиилбип каан ышкаш. Ол кызылгыр, ногаанзымаар, ягаан, кɵгʏлдʏр дээш янзы-бʏрʏ ɵңнерлиг куржаангы хаяларның ʏстʏнде кара-ногаан пɵштерлиг бедик сыннар ак-кɵк дээрде ʏзʏп алган ышкаш кɵстʏр».

Сɵзʏглел №  3

«Бо арга-сыннар эгээртинмес байлактарлыг: кат-чимис, тоорук дээш, чʏʏ чок дээр!» (Л. Чадамба).

Пейзаж чогаалдың маадырларының иштики сагыш-сеткилин улам тода чуруурунга немелде арга кылдыр ажыглаттынар. (С.Сарыг-оол «Улуг-Хемим»( ʏзʏндʏлер). С.Тока «Араттың сɵзʏ» (Кыштың чурумалы).

        Ажылдың хевирлери: Чогаалдардан пейзажты тывар, ушта бижиир. Ɵɵреникчилер ада-иези-биле кады биче хевирниң тɵлевилелдерин чогаадып,чуруп, чурукка тырттырып белеткээр.

        Темалары:

1. Кʏстʏң ʏннери(аялгалары).

2. Кыштың тыныжы.

3. Частың хɵɵнʏ.

4. Чайның хɵгжʏмʏ.

Ажыглаан литература:

1. Методические рекомендации по составлению проектов. ГАОУ ДПО (ПК) С ТГИПиПКК. Кызыл 2013г.

2. Кʏжʏгет М.А. болгаш ɵскелер-даа. Тɵрээн чогаал, 5 класс. Ниити ɵɵредилге черлеринге ɵɵредилге ному. – Кызыл: Национал школа хɵгжʏдер институт, 2013. – 224 ар.  

3. Толковый словарь тувинского языка. Под ред. Д.А. Монгуша. – Новосибирск: Наука, 2011. – 798с.