Шулуктер
материал на тему

Тѳрээн черим

Кара чаштан ойнап ѳскен тѳрээн черим

Калчан баштыг Бурган-Тайга эдээ черде,

Кызыл-Эрик баарында ачам кыштаа

Карактарга бо-ла кѳступ, чуруттунар.

Оон бээр ам он-он чылдар шуужуп эрткен

Оран-чуртум ол-ла хевээр чалыы туру.

Сарлык доскан эрес ачам барааны-даа

Сагыжымга дуун чаа дег хевээр арткан.

Чашкы шаамнын чараш чурту - Час-Адырым

Чажымда дег ол-ла хевээр эргим-дир сен.

Инек сагган  авайымнын овуру-даа

Идегелим отчугажы болуп  арткан.

Авам чурту Ак-Хемимни эрте душкеш,

Алдыы, устуу Мойналыкты ажа бээрге,

Ачам чурту Час-Адырым коступ келир

Аарып чораан сагыш-сеткил оожургай бээр…

2016

Барлык хемим

Барлык хемим-тѳрээн хемим

Балык-байлаа элбек хемим,

Эриин дургаар чыжыргана

Эм-дом болуп ѳзуп турар.

Оолдар, кыстар хемчигеште

Ойнап-хѳглеп, эштип турлар,

Алаак-шыгын кѳгун сузуп

Амырап-ла турлар, хемим.

Эриин дургаар чаттып баткан

Эрги-Барлык суурум хѳгжээн

Чеди делгем кудумчулуг

Чаартынып ѳзуп орар.

Хорек-чурээм саймаараткан

Чараш чуртум ынакшылы-

Чурээм согуу, тыным болган…

Барлык хемим, чайна хемим!

2016

Кус

Магаданчыг кус-даа душту,

Матпадактар аян ырын ырлаштылар.

Малдар оъттаар хову-шолдер

Манап турган куску хевин кедиптилер.

Оът-сиген четчип бышкаш,

Онзаландыр куурарып онуп бар чор.

Малдар суруу аяннарда

Маажым таваар оъттап чорлар.

Тараа тараан ховуларда

Трактор биле комбайннын хоомейлээри

Хову сынмас динмиттелип,

Чаагай дужут ажаалдазын эгеледи.

Куску дужут ажаалдазы дооскалакта,

Дужуткур кус сеткилимге

Тумен бодал доюлдургаш, арлы берди…

2017