Урок-обобщения "Икгай членан предложений"
план-конспект урока (8 класс) по теме

                                              Урокын паспортшо

Класс: 8

Эртарыме жап: 45 минут

Эртарыме вер: марий йылме да литератур кабинет

Эртарыме предмет (дисциплина): марий  йылме

Урокын темыже: Икгай членан предложенийым иктешлымаш

Урокын типше:  шинчымашым иктешлымаш

Урокын цельже: икгай членан предложений нерген  тунемше- влакын  шинчымашыштым тергаш

Урокын задачыже – влак:

Туныктымо:

- икгай членан предложений нерген  шинчымашыштым системыш пурташ;

-знакым шындымашым рашемдаш;

Моштымаш:

-  группышто пашам ыштыме навыкым вияндаш;

- творческий шÿлышыштым виянден колташ, йылме лывыргылыкым пурташ.

Воспитательный:

Теле пÿртÿсын моторлыкшым ужаш, тудын илыше улмыжым шижаш туныкташ

Эртарыме дидактический  йöн:проблемно - диалогический;

 Частный метод – влак: ваш кутыраш келыштарыме диалог, упражнений – влак дене паша.

Кучылтмо материал: презентаций, картычке – влак,  технологический  карта

8 классыште марий йылме дене открытый урокын планже.

Паша радам

Оргмомент.

Кид копанам ваш йыгалтена, шокшын чучеш. Тугеже урокнат тыгаяк шокшо кумыл дене эртыже

1.Йонылыш-влакым  тöрлыза.Мыняр тÿшкалан нине мут – влакым радамлаш лиеш

        Йужгынам, вийаш, йужо,ийандаш, чийалташ, йатыр, йуалге,  вашлийеш, йэр,йандар, йал, йаклака, пÿйалаш.

2.Творческий диктант.Лÿм мут- влаклан пуымо мут – влаклан сылне мутлам шонен возаш

… , …теле; …., … пайрем; …, … Лумÿдыр; … ,… Йÿштö кугыза;

…. , … пöлек.

Вашмут: Йÿштö,сылне теле;     вучымо, онай пайрем;  мотор, весела Лумÿдыр; шонго, поро Йÿштö          кугыза;  тамле,шерге пöлек;

3.Текст дене паша

Почеламут – тиде текст огыл.

    Теле, теле… Могай сылне пагыт! Теве шукерте огыл ялем тÿрлö тÿсан, чоным куандарыше пеледышла  дене тÿрлалтше тувырым чиен ыле, а вара тудым тÿрлö тÿсан шовырым чиктеныт: шöртньö, нарынче, йошкрге-ал.

     Шочмо ялем порсын шулдыран, пушкыдо луман йÿштö телым вашлие, нойышо капышым тамле омо дене малаш пыштыш.

Кыдыр- кудыр тÿрлеман

Кÿшыч лум велеш шыман.

Кидыш, шÿргыш тÿкнылеш,

Ялт ош лывыла коеш.

Лум чарна,малаш возеш.

Кылмыктен шында уэш.

Кушко тые ит ончал,

Тиде годым пеш сöрал.

4.Тиде текстыште икгай членан предложений икте гына.

Кыдыр- кудыр тÿрлеман

Кÿшыч лум велеш шыман.

Кидыш, шÿргыш тÿкнылеш,

Ялт ош лывыла коеш.

Лум чарна,малаш возеш.

Кылмыктен шында уэш.

Кушко тые ит ончал,

Тиде годым пеш сöрал.

5.Мыйын шонымаште, ты предложенийыште знакым чын шындыме огыл.

Шочмо ялем порсын шулдыран, пушкыдо луман йÿштö телым вашлие, нойышо капышым тамле омо дене малаш пыштыш.

6.Тиде предложений сложный, нимогай икгай член уке

      Теве шукерте огыл ялем тÿрлö тÿсан, чоным куандарыше пеледышла  дене тÿрлалтше тувырым чиен ыле, а вара тудым тÿрлö тÿсан шовырым чиктеныт: шöртньö, нарынче, йошкрге-ал.

7.Нине предложений – влаклан келшыше ушем мутым шындыза, знакым шындымым умылтарыза 

1. Кава яндареште шошо кече шыратен ончале    …уло пÿртÿс веселане.

1. Капка вуйышто шемалге- канде пунжым эр кечыйолеш йылгыжтарен шырчык шинча …сылне мурым мура.

8.Нине предложений – влаклан схемым ышташ 

1.Коклан толеш мардеж, пÿнчер парчашке пурен шинчеш, уам рÿзен шÿшка, вара кынел кая моткоч умбаке.

2.Шÿшпык кугу огыл, а мураш пеш мастар.

3.Лышташан пушенге – влак: тумо, ваштар, писте, шопке, куэ да молат- чылан телылан лышташыштым велат.

Тугеже

1.Икгай членым муашлан могай кок условийым палыман?

2. Эре мо икгай член улмо годым запятойым щындыман?

3.Кузе икгай членан предложенийым сложный деч ойырыман?

4. А молан икгай член – влак кÿлыт?

Онай

1. Икымше гана кольым…
2. Пален нальым…
3. Онай чучо…

Мöнгысö паша.

Икгай членан предложений- влакым кучылтын,

 сÿрет почеш сочинений – описанийым возен толаш

Технологический карта