Сыйфат турында тошенчэ
план-конспект урока (5 класс) по теме

Тема: СЫЙФАТ турында төшенчә бирү.

                                          Алабуга шәһәре 10 нчы урта мәктәбенең 1нче категорияле татар теле   һәм әдәбияты укытучысы Бәхтиярова Әлфия Габитҗан кызы.

Максат: 1. Сыйфат турында төшенчә бирү;

2.Сыйфатларны  табу һәм дөрескуллану күнекмәләре булдыру;

3.Әдәплелек хисләре тәрбияләү

Җиһазлау: мәкальләр,компьютер, интерактив такта.

Дәрес барышы:

 1.Оештыру.

 2.Актуальләштерү.

Укытучы: балалар, безнең алдыбызда 2 текст. Безнең максатыбыз: аларның аермасын табу.

Укучы: Икенче текста сыйфатлар кулланылган

укытучы: Ә ни өчен безгә сыйфатларны куллану кирәк?

Укучы: җөмләләр тулыландырыла, предметны һәрьяклап тулы һәм төгәл итеп ачыклап күрсәтелә.

Укытучы: Ягез әле, текстагы сыйфатларны табыйк.

Укучы: тәмле-тәмле,яшел, әчкелтем-татлы, салкын, хуш исле, йомшак, мәңге яшел, калын, иң матур, иң сөекле, иркә.

Укытучы: бик дөрес, укучылар. Ә хәзер предметның билгесен ачыклаучы сүзләргә сораулар куеп карыйк.

Укучы: нинди?

Укытучы: Ягез әле кагыйдәсен әйтеп карыйк.

Укучы: Предметның билгесен ачыклый һәм Нинди? Кайсы? сорауларына җавап бирә.

Укытучы: Ә хәзер укучылар сыйфат ачыклап килгән исемне табабыз.

Укучы:(укучылар интерактив тактада астларына сызалар)тәмле-тәмле алмалар; яшел яфраклар; әчкелтем-татлы кайрылар; салкын чишмә сулары; хуш исле үләннәр; йомшак куян; мәңге яшел чыршылар; калын юрган; иң матур, иң сөекле иркә баласы.

Укытучы: сыйфат ачыклап килгән исем сыйфатланмыш дип йөртелә.

Дәреслектәге кагыйдә укытыла һәм өстәмә мисаллар белән аңлатыла: әдәпле балалар; көзге көн; кичке аш; мәктәптәге китапханә; урмандагы агачлар һ.б..

Укытучы: Ә хәзер укучылар, дәреслектәге 74 нче күнегүне карыйбыз.

(бер укучы биремен укый һәм бер укучы интерактив тактада эшли, бирем тикшерелә.)

Укытучы:Ә хәзер укучылар барыбыз да компьютерларда эшлибез.

(бирелгән текстан сыйфатларны табып билгеләргә.)

Йомгаклау: Димәк без бүген нинди сүз төркемен карап үттек.