Дәрес эшкәртмәсе. Габдерәхим Утыз Имәни. “Сату итү турында”,“Гыйлемнең өстенлеге турында”, “Татулык турында”.
план-конспект урока (6 класс) на тему

Укытучы: Насыйрова Миләүшә Сәлмән кызы

Сыйныф: 6 (татар  төркеме)

Предмет: татар әдәбияты

Дәрес темасы: Габдерәхим Утыз Имәни. “Сату итү турында”,“Гыйлемнең өстенлеге турында”, “Татулык турында”.

Дәрес максаты: XVIII йөз әдәбияты шагыйре Габдерәхим Утыз Имәни иҗаты белән таныштыру.

Дәреснең бурычлары:

1. XVIII йөз әдәбиятының күренекле шагыйре Габдерәхим Утыз Имәни һәм аның иҗаты турында кыскача мәгълүмат бирү.
2. Аның “Гыйлемнең өстенлеге турында”, “Татулык турында” дигән шигырьләрен укып аңлау.
3. Укучыларда белем алуга, тату, гадел яшәргә теләк уяту.

Дәрес барышы:

1. Мотивация.

Уңай эмоциональ халәт тудыру. Исәнләшү. Энергизатор. Укучылар һәр сүз саен итшәләренең бармакларына тотыналар:

бөтен җирдә (баш бармак);

һәм бар эштә (имән бармак);

зур (урта бармак);

уңышлар (атсыз бармак);

телим (чәнти бармак)

Исәнмесез! (кулларны тоташтыру).

Иңбаш күршегез белән сорау-җавап алышыгыз.

“Мэнэдж Мэт”

• Исәнме!

– Синең кәефең ничек?

– Син дәрескә әзерме?

– Уңышлар сиңа! Рәхмәт.

(Берничә парның сөйләшүе тыңлана.)

2. Актуализация.

“Сингл Раунд Робин” («Бер тапкыр фикер алышу») структурасы ярдәмендә өй эшен тикшерү. Дәреслекнең 10 нчы битендәге сорауларга җавап. Поэмадагы өзекләрдә күтәрелгән проблеманың актуальлеге турында сөйләшү. 2-3 укучының җавабы тыңланыла. Бәяләү.

3. Яңа материалны аңлату.

“Си Финк Уандэ”  структурасы. XVIII йөз әдәбияты турында сөйләү. Габдерәхим Утыз Имәни турында кыскача мәгълүмат бирү.

- Ә хәзер уйлагыз һәм үзегезнең җавапларыгызны языгыз. Сезгә 2 минут вакыт бирелә.

1. Син нәрсә ишеттең?

2. Бу турыда син нәрсә уйлыйсың?

3. Син нәрә белергә теләр идең?

- № лы өстәл артында утыручы № укучы үз җавапларыңны итәшләреңә укып күрсәт.

- Рәхмәт!

Шагыйрь Утыз Имәни турындагы материалны уку.

“Гыйлемнең өстенлеге турында”, “Татулык турында” шигырьләрен уку, эчтәлекләре буенча әңгәмә. “Клок Баддис” («Вакыт ягыннан дуслар») структурасы ярдәмендә фикерләре белән уртаклашалар.

4. Материалны ныгыту.

Күршеләр арасындагы мөнәсәбәтләр турында әңгәмә. “Релли Робин” («Парларда бер – бер артлы») структурасы. “Сез күршеләрегез белән ничек яшисез?” соравы буенча фикер алышу. Вакыт чыкканнан соң, укучылар үзләре янында утыручы төркемдәшләре белән билгеле бер вакыт аралыгында фикер алышалар, телдән җаваплары белән уртаклашалар.

5. Мөстәкыйль эш.

“Рафт” («Роль-Аудитория-Форма-Тема») структурасы.

Роль: - галимнәр;

• укытучылар.

Аудитория: - студентлар;

• ата-аналар.

Форма: - мәгълүмати хат;

• плакат.

Тема: “Гыйлем – кеше өчен кирәкле әйбер”.

6. Рефлексия, өй эше.

Дәрескә йомгак, укучыларның катнашу дәрәҗәсен билгеләү.

“Фразеологизм”. Өстәлгә таратылган фразеологик әйтелмәләрдән үзегезгә туры килә торганын сайлап алыгыз:

    - суга җибәргән балык кебек

    - баш тубал булды

    - агым уңаена йөздем

    - Ни өчен нәкъ менә әлеге фразеологизмнар үзегезгә туры килә дип уйлыйсыз?

Өй эше. 1. Утыз Имәнинең бер шигырен ятларга. 2. Уку, белем алу турында татар халык мәкальләре туплап, нәни китапчык ясарга (интернет материалларыннан файдаланырга мөмкин).