2 кл. рус группасы өчен татар теленнән тематик план
календарно-тематическое планирование на тему

                                                                       ЭШ ПРОГРАММАСЫ                                                                                                                                       

                                                                        Казан шәһәре Мәскәү районының

“ М. С. Устинова исемендәге 102нче гимназия”

    гомуми белем муниципаль бюджет учреждениесе

Сафина Гүзәл Фәтхулловна

Татар теле, 2 нче сыйныф (рус төркеме)

                                                                                              Педагогик совет утырышында каралды

                                                                                        Беркетмә № ___ “___” ____2013 ел

Аңлатма язуы

            Татар теленнән эш программасы рус телендә сөйләшүче балаларны Р.З. Хәйдәрованың коммуникатив технология нигезендә татарча сөйләшергә өйрәтү өчен төзелгән укыту – методик комплексына таянып төзелде.

   Программа нигезенә Россия, Татарстан Мәгариф һәм фән министрлыкларының мәктәпләрдә урта һәм тулы белем алу стандартлары салынды, ТР Мәгариф министрлыгы тарафыннан расланган Р .З. Хәйдарова, Н. Г. Галиева, Ә. Г. Әхәтова авторлыгындагы «Рус телендә урта гомуми белем бирүче мәктәпләрдә татар теле укыту программасы» 1- 4 нче сыйныфлар (Казан, «Мәгариф», 2009 ел), ТР Мәгариф һәм фән министрлыгы тарафыннан тәкъдим ителгән дәреслекләргә нигезләнеп төзелде.

            Гомуми башлангыч белем бирү мәктәбендә татар теленә өйрәтүнең төп максаты – гамәли максат, ягъни, телне аралашу чарасы буларак үзләштерү өчен, укучыларга гаилә – көнкүрешкә , уку хезмәтенә бәйле сөйләм ситуацияләре кысаларында белем бирү һәм күнекмәләрен үстерү. 

      Гомуми белем бирү максаты: укучыларның акыл эшчәнлеген активлаштыру, логик фикерләү сәләтен камилләштерү, сөйләм культурасын үстерүдән гыйбарәт.

    Тәрбияви максат: балаларның рухи дөньясын баету, аларны татар халкының мәдәнияте һәм сәнгате белән таныштыру, төрле милләт вәкилләре арасында дуслык һәм хөрмәт хисе тәрбияләүгә юнәлтелә.

     Грамматик минимум.

1. Кем? Нәрсә? Кайда? Кая? Кайдан? Нинди? Ничек? Кайчан? сорауларына җавап бирә белү.

2. Исемнәрнең 1, 2, 3 нче затта берлектә тартым белән төрләнеше.

3. Боерык фигыль.

           4. Хәзерге заман хикәя фигыльнең зат-сан белән төрләнеше.

5. Хәзерге заман хикәя фигыльнең юклык формасында зат-сан белән төрләнеше.

6. Үткән заман хикәя фигыль.

7. Сүзнең тамыры, кушымчасы.

8. Үткән заман хикәя фигыльнең зат-сан белән төрләнеше.

9. Сингармонизм законы.

10. 11 дән 20 гә кадәрге саннар, сан төркемчәләре.

11. Сабын белән юына төзелмәсе.

12. Берлек һәм күплек сандагы исемнәрне төшем килешендә куллану.

13. Үткән заман хикәя фигыльнең юклык формасы.

14. О, ө хәрефләренең беренче иҗектә генә язылуы.

15. Чөнки, hәм, ә теркәгечен сөйләмдә куллану.

16. Янында, аша бәйлекләрен сөйләмдә куллану.

                Орфографик һәм орфоэпик минимум.

          1. Татар алфавиты һәм аны өйрәнү, яттан белү.

2. Сузык авазлар. Калын һәм нечкә сузыклар, аларны дөрес әйтү һәм язу күнекмәләрен камилләштерү. Сингармонизм законы. Татар теленең үзенчәлекле сузыклары һәм аларны белдерә торган хәрефләрнең дөрес язылышы.

3. Тартык авазлар. Яңгырау һәм саңгырау авазлар. Алар кергән сүзләрне дөрес әйтү һәм язу күнекмәләрен камилләштерү.

4. Сүзләрне иҗекләргә бүлү. Укылган иҗекләр санын билгели белү күнекмәләрен үстерү.

5. Сүз басымы. Аны дөрес куя белүгә ирешү, рус сүзләре белән чагыштырып күрсәтү.

    Басымлы иҗекләрне һәм сүзләрне дөрес уку һәм матур язу күнекмәләре булдыру.

6. Аралашу өчен бирелгән темаларга караган сүзләрнең дөрес әйтелешенә ирешү.

7. Исемнәрнең берлек, күплек сан формаларын аеру.

8. Җөмлә ахырында тыныш билгеләрен интонациягә бәйле рәвештә кую.

9. Орфоэпик һәм орфографик күнекмәләрне камилләштерү.

Тыңлап аңлау. Нормаль темп белән әйтелгәнне ишетү аша мәгънәне аңлау, аңлаган турында фикер йөртү, аралашуда куллана белү; сүзләрне, сүзтезмәләрне, җөмләләрне, грамматик формаларны бер-берсеннән ишетү аша аера белү; җөмләләрне тыңлап, сүз санын билгеләү.

 Диалогик сөйләм. Дәреслектә бирелгән үрнәк диалогларны сәнгатьле итеп уку, сөйләү һәм охшаш диалоглар төзү (реплика саны дүрттән ким булмаска тиеш); аралашу өчен бирелгән темалар буенча әңгәмә кору.

 Монологик сөйләмгә өйрәтүдә аерым кешеләрне, әйберләрне, табигать күренешләрен, хайваннарны тасвирлауларына, сыйныф, мәктәп, авыл, шәһәр тормышы һ.б. турында хәбәр итүләренә,текстның эчтәлеген сөйләп бирүләренә ирешү.

 Уку.    Аңлап, дөрес итеп уку; тексттагы тыныш билгеләренә карата тиешле пауза һәм интонацияләрне үтәү; өтерләр янындагы сүзләрне тиңдәшлек, эндәшү интонацияләре белән уку; кечкенә күләмле шигырьләрне яттан сөйләү.

   Язу. Аерым җөмләләрне, кечкенә текстларны үзгәрешсез дөрес итеп күчереп язу; матур язу күнегүләре; бәйрәмнәр белән котлап, котлау кәгазьләре язу; сүзлек диктанты язу.

Укыту-методик комплексы түбәндәге компонентлардан тора:

1. Р .З. Хәйдарова, Н. Г. Галиева, Ә. Г. Әхәтова авторлыгындагы  “Рус телендә урта гомуми белем бирүче мәктәпләрдә татар теле укыту программасы”  1- 4 класслар өчен, Казан: «Мәгариф” нәшрияты, 2009.
2. Күңелле татар теле. Дүртьеллык башлангыч мәктәпнең 2 нче сыйныф рус балалары өчен татар теле hәм уку дәреслеге./ Р.З. Хәөдарова, Н.Г. Галиева, Г.М. Әхмәтҗанова. – Казан: «Татармульфильм» нәшрияты, 2013. – 144 б.
3. Р.З. Хайдарова, Р. Л.Малафеева. Татарский язык в таблицах: Таблицы по татарскому языку для работы с русскоязычными учащимися.

План гомумбелем бирү учреждениеләре өчен төзелгән программага нигезләнеп эшләнелде:

“Рус телендә сөйләшүче балаларга татар теле укыту программасы” (Казан “Мәгариф”, 2009 ел. 1-4 нче сыйныфлар өчен) буенча төзелде. Төзүче-авторлары: Р.З.Хәйдәрова, Н.Г. Галиева, Э.Г. Әхәтова.

Планлаштырылган язма эшләр:

 Аерым темаларны өйрәнүгә сәгатьләр саны бүленеше:

Татар теле 1 чирек - 27 сәгать

2 нче чирек – 19 сәгать

3 нче чирек – 32 сәгать

4 нче чирек – 24 сәгать