Татар теленнән өстәмә укыту буенча 2015-2016 нчы уку елына эш программасы 9 нчы сыйныф өчен(татар төркеме)
рабочая программа (9 класс) на тему

Өстәмә укыту  буенча эш программасы 34 сәгатькә исәпләнгән. Программа 9 нчы сыйныф укучылары өчен БДТга әзерлек материалы буларак  тәкъдим ителә.

Төзүче авторлары: К.С.Фәтхуллова, Э.Н.Денмухаметова, Татар теле. 9 нчы сыйныф: Бердәм республика тесты үтүгә әзерләнү өчен кулланма. Рус телендә төп гомуми белем бирү оешмалары өчен (татар телен өйрәнүче укучылар өчен).- Казан:Гыйлем, 2015 китабына нигезләнеп төзедем.

Программада үтеләчәк тема курсларының  эчтәлеге, бүлекләр буенча сәгатьләр  бүленеше, уку процессының логикасын, укучыларның яшь үзенчәлекләрен, предметара һәм    предмет эчендәге бәйләнешләрнең эзлеклелеген истә тотып күрсәтелгән.

2015/2016 нчы  уку елына мәктәпнең укыту планы нигезендә 9 нчы  сыйныфта  өстәмә сәгатькә атнага 1 сәгать исәбеннән 34 сәгать карала.

         Эш программасының эчтәлеге.

         Программаның эчтәлеге укучыларның белем, осталык һәм күнекмәләрне үзләштерүләренә  юнәлдерелгән.

         9 нчы сыйныфта татар телен укыту түбәндәге максатларга ирешүне күздә тота:

- укучыларда татар теленә хөрмәт һәм аны ярату, рухи кыйммәт һәм кешелек дөньясының аралашу, белем алу чарасы буларак  аңлы караш тәрбияләү;

- укучыларның сөйләү һәм фикерләү сәләтен үстерү, аларны татар әдәби телен тормышның төрле өлкәләрендә ирекле куллана алырлык шәхесләр итеп тәрбияләү;  дөрес сөйләм эшчәнлегенең үзара аралашу чарасы икәнен белдерү;

- татар теле, аның төзелеше, кулланылышы турында мәгълүмат алу; татар әдәби теленең төп нормаларын һәм стилистик мөмкинлекләрен ачык күзаллау, аларны тиешенчә куллана белү; сүз байлыгын арттыру, сөйләмдә кулланыла торган грамматик чараларны төрлеләндерү;

- телне өйрәнгәндә үзләштергән белем һәм күнекмәләрне сөйләмдә дөрес куллана белү.