План урока (11 класс)
план-конспект урока (11 класс) на тему

11 кълас                       18.12.13.        

Урочы темӕ.   Дунейы адӕмты ӕвзӕгтӕ.

                            Домгӕвазыгджын хъуыдыйад.

Урочы нысан.  Æрдзурын дунейы ӕвзӕгты уавӕрыл.

                            Рафӕлхат кӕнын домгӕвазыгджын хъуыдыйад.

                            Бакусын ныхасы рӕзтыл.

Урочы хъомыладон хӕс.  Мадӕлон ӕвзагӕн кад кӕныныл ахуыр кӕнын.

Эпиграф.

               Сты зондӕн уацхӕссӕг ӕппӕт дунейы ,взӕгтӕ.

                                       Нӕ дзы ,взары хӕстӕг ӕмӕ дӕрддаг,

                                        Фӕлӕ ныххойыс зӕрдӕйы къӕсӕртӕ

                                      Æрмӕстдӕр ды, мӕ мадӕлон ӕвзаг!

                                      (Астемыраты И.)

Урочы цыд.

I.Бацӕттӕгӕнӕн рӕстӕг.

(Ахуыргӕнӕджы раныхас).

Фарст: Куыд уӕм кӕсы, цал ӕвзаджы ис зӕххыл? (2000 фылдӕр). Раст у.Фӕлӕ цы уавӕры сты дунейы ӕвзӕгтӕ, цыма? Мӕнӕ фыссӕг Клер Соарес куыд зӕгъы, афтӕмӕй зӕххыл алы дыууӕ къуырийы дӕр мӕлы иу ӕвзаг. Нымад куыд цӕуы, афтӕмӕй уыцы хъысмӕт ӕййафдзӕн ӕппӕт дунейы ӕвзӕгтӕй 40 % онг. Æвзаг иртасджытӕ куыд сбӕрӕг кодтой, афтӕмӕй ма ӕнусы кӕронмӕ ныртӕккӕйы ӕвзӕгтӕй баззайдзӕн ӕрмӕст се ,рдӕг. Дэвид Харрисон йӕ чиныг «Æвзӕгтӕ куыд фӕмӕлынц»-ы фыссы: «Æвзӕгтӕ сӕфынц бирӕ зайӕгойтӕ ӕмӕ цӕрӕгойтӕй арӕхдӕр. Кӕд сӕфӕг ӕвзӕгты нымӕц хӕццӕ кӕны 40 % -мӕ, уӕд сӕфӕг зайӕгойты нымӕц у 8%, 18% та-цӕрӕгойты нымӕц.

Фарст: Цавӕр проблемӕ нын ӕвӕры нӕ разы ацы хъуыддаг? (Чи зоны, уыцы сӕфӕг ӕвзӕгты ӕхсӕн ис ирон ӕвзаг дӕр. Цӕмӕй ӕвзӕгтӕ ма фесӕфой, ууыл хъӕуы тох кӕнын.)

Фарст: Цавӕр фӕрӕзты фӕрцы ис тох кӕнӕн ацы хъуыддагимӕ? (Мадӕлон ӕвзагыл хъӕуы дзурын, фыццаджыдӕр бинонты ӕхсӕн, фидардӕр ӕмӕ йӕ хъӕздыгдӕр кӕнын, дӕттын ӕй хӕзнайау кӕстӕр фӕлтӕртӕн.)

Уӕдӕ нӕ абоны темӕ у… (Дунейы адӕмты ӕвзӕгтӕ.)

II.Урочы темӕйыл куыст. Равзарын фӕлт.3 (фарс 36-37):

1.Бакӕсын текст ӕмӕ йын сбӕрӕг кӕнын йӕ сӕргонд.(«Дунейы адӕмты ӕвзӕгтӕ»).

2. Рафыссын текстӕй домгӕвазыгджын хъуыдыйӕдтӕ цалдӕр ӕмӕ сбӕрӕг кӕнын уӕлӕмхӕст хӕйтты хуызтӕ, сӕ бӕттӕгтӕ, бӕттӕг дзырдтӕ; ӕмбарынгӕнӕг дзырдтӕ сӕйраг хайы:

а) Æвзаг цӕры ӕмӕ рӕзы, цалынмӕ йыл адӕм дзурынц, уӕдмӕ.(афоны уӕлӕмхӕст хай, бӕттӕг цалынмӕ;ӕмб. дзырд  уӕдмӕ)

ӕ) Æвзаджы ногӕй цы дзырдтӕ кӕнӕ грамматикон миниуджытӕ фӕзынынц, уыдон фӕстагмӕ арӕхӕй- арӕхдӕр  ӕмбӕлын райдайынц ӕмӕ афтӕмӕй ныффидар вӕййынц.(бӕрӕггӕнӕны уӕлӕмхӕст хай, бӕттӕг цы; ӕмб. дзырд уыдон)

б)Фӕлӕ адӕм ӕвзагыл куынӕуал фӕдзурынц, уӕд фесӕфы, амӕлы.(афоны уӕлӕмхӕст хай, бӕттӕг куы; ӕмб. дзырд уӕд)

в) Фыццаджыдӕр, фесӕфынц, цы адӕм ыл дзырдтой, уыдон.( бӕрӕггӕнӕны уӕлӕмхӕст хай, бӕттӕг цы; ӕмб. дзырд уыдон )

г) Æппынфӕстаг, ӕвзаг амӕлы, ӕрмӕст литературон куы уа, ӕхсӕнадон царды иннӕ къабӕзты та йӕ бӕсты ӕндӕр ӕвзагӕй куы пайда кӕной, уӕд.(бадзырдон уӕлӕмхӕст хай, бӕттӕг куы,ӕмб.дзырд уӕд)

III.Хатдзӕгтӕ:

Фарст:1. Цы райстат хорзӕй уӕхицӕн ацы урочы?(Мадӕлон ӕвзагыл хъӕуы дзурын, хъӕуы йын кад кӕнын.)

2.Куыд ӕмбарут эпиграфы рӕнхъытӕ?(Сты зонддӕттӕг ӕмӕ хъӕугӕ ӕппӕт ӕвзӕгтӕ дӕр, фӕлӕ зӕрдӕ тынгдӕр риссы мадӕлон ӕвзагыл.)

  Куыд базыдтам текстӕй, ӕвзагыл нӕй дзурӕн ӕрмӕст урокты- уый хъӕуы хъахъхъӕнын ӕхсӕнадон царды дӕр.  Ирон ӕвзагӕн та йӕ сомбон у сымах-кӕстӕрты къухы. Уымӕ гӕсгӕ йӕ уарзут, аудут ыл,  ӕмӕ йӕ ма бауадзут мӕлын!