План урока (6 класс)
план-конспект урока (6 класс) на тему

6 кълас (тыхджын къорд)          20.11.13

Урочы темӕ. Кочысаты Розӕ. «Гӕды лӕг, кӕнӕ нӕ пъырыстыф сӕрра».

Урочы нысан. Кочысаты Розӕйы биографи радзурын.

                           Комедийы мидис равзарын.

                           Бакусын ныхасы рӕзтыл.

Урочы хъомыладон хӕс. Аивадмӕ уарзондзинад рӕзын кӕнын.

Урочы цыд.

I.Бацӕттӕгӕнӕн рӕстӕг.

(Ахуыргӕнӕджы раныхас): Сывӕллӕттӕ, чи уӕ уарзы театр? Цавӕр спектакльтӕ тынгдӕр цӕуы уӕ зӕрдӕмӕ? Куыд ма ис схонӕн хъӕлдзӕг ныв?

Зӕгъут-ма, уӕдӕ, цы уыд хӕдзармӕ куыст  ӕмӕ цавӕр комедийы тыххӕй дзурдзыстӕм абон? (Кочысаты Розӕйы комеди  «Гӕды лӕг, кӕнӕ нӕ пъырыстыф сӕрра».)

II. Урочы темӕйыл куыст.

1.Нӕ зӕрдыл ӕрлӕууын кӕнӕм Кочысаты Розӕйы биографи ӕмӕ ахъазӕм хъазтӕй «Ахӕццӕ кӕн дарддӕр хъуыды».(1 къорды ахуырдзаутӕ радыгай дзурынц):

а)Кочысаты Розӕ у…(фыццаг ирон сылгоймаг-драматург)

ӕ)Райгуырдис…(1888 азы Ольгинскӕйы хъӕуы)

б) Бирӕ уарзта…(йӕ фыд Псийы таурӕгътӕм хъусын)

в) Ахуыр кодта…(сӕ хъӕуы дыууӕкъласон скъолайы, стӕй Дзӕуджыхъӕуы ирон чызджыты приюты)

г)Дыууӕ азы сахуыр кодта…(Ташкенты сылгоймӕгты гимназы)

гъ)Амард…(1910 азы рӕуджыты низӕй)

д)Ныффыста ӕрмӕст…(3 пьесӕйы: «Мӕ уарзондзинад ӕви мӕ фыды ныхас», «Зӕхх-ме вдисӕн, хур-мӕ тугисӕг», «Гӕды лӕг, кӕнӕ нӕ пъырыстыф сӕрра»)

2. Комедийы мидис. Хъазт «Цы ми кӕны?»(2 къорд дзурынц уацмысы мидис лӕвӕрд схемӕмӕ гӕсгӕ цыбыртӕй):

а) Умархан…(асайдта йӕ бинойнаг Мызылоны ӕхцаты ссарды тыххӕй: къӕппӕджы сӕвӕрдта кӕсаг, ӕнгуырыл та ӕрцауыгъта тӕрхъус)

ӕ)Мызылон…(нӕ фӕлӕууыд ӕмӕ радзырдта хабар йӕ сыхаг ус Къомианӕн)

б)Къомиан…(бахӕццӕ кодта хабар пъырыстыфмӕ)

в) Пъырыстыф…(фӕдзырдта Умархан,Къомиан  ӕмӕ Мызылонмӕ;Умарханы ауагъта, Къомиан ӕмӕ Мызылоны бакӕнын кодта  ахӕстоны)

3.Раттут характеристикӕ комедийы архайджытӕн иугай ӕнцойгӕнӕн дзырдты руаджы  «Чи фылдӕр?»

1 къорд- Умархан-(расыггӕнаг, цыргъзонд, мӕгуыр, хъӕлдзӕг…)

2 къорд- Мызылон ӕмӕ Къомиан-(рӕузонд, дзӕгъӕлдзых, ӕнӕсӕрфат…)

III. Хатдзӕгтӕ.

1.Цӕй фӕрцы фервӕзт Умархан фыдбылызӕй?

2.Цы фӕцыд тынгдӕр уӕ зӕрдӕмӕ ацы уацмысы?

3.Куыд уӕм кӕсы, Розӕ нын йӕ уацмыстӕй уарзын кӕны театралон аивад ӕви нӕ?

IV.  Кӕронбӕттӕн.