Олимпиада по коми языку для 6 класса ( муниципальный уровень)
олимпиадные задания (6 класс) на тему

Коми кывйысь олимпиада.

 6 класс.

1. Аудирование.

Тар.

    Коми пармаын олӧ – вылӧ мича пӧтка – тар. Ай пӧткалӧн нимыс сьӧд тар. Рӧмыс дзик сімсьӧд. Торйӧн нин голяыс да морӧсыс. Еджыд гӧныс борд улас да бӧж улас. Синкымыс ыпъялӧ чим гӧрд рӧмӧн.

   Энь пӧткасӧ шуӧны тар либӧ кӧнтар.  Сійӧ ёна торъялӧ айсьыс. Тарлӧн рӧмыс рудовгӧрд.

   Тар радейтӧ овны  пожӧма  ягъясын, коръя расъясын нюръясын. Сёр арнас таръяс чукӧртчӧны ыджыд кельӧбъясӧ. Тӧвся кӧдзыд пӧраӧ тар дзебсьӧ лым улӧ. ( 66 кыв)  

                                                                        М. Ладанов серти

Вочавидз юалöмъяс вылö.

1. Код йылысь висьтавсьö гижöдас?
2. Кöні олöны таръяс?
3. Кытчö дзебсьö тар кöдзыд пöраö?

                                                              3 балл

2. Чтение.

Лыддьы текст да вӧч уджъяс.

Турияс.

    Быттьö дзик на неважöн воисны войвылö мича да ыджыд лэбачьяс – турияс. А со найö бöр нин лэбöны шоныд муясö.

    Видзöдан турияслысь лэбöмсö, кылан тöдса местаяскöд прöщайтчöмсö, и сьöлöмыд вöрзьылö.

    Турияс лэбöны выліті. Вöсньыдик голяяссö нюжöдöмаöсь водзö. Кымын лун да вежон налы ковмас шенасьны бордъяснас, венласьны вына тöвъяскöд, терпитны кöдзыд зэр. Кымын  кар да сикт вомöн лэбзясны турияс. Уна сикас вöръяс, юяс, степъяс аддзыласны кузь туй вуджигöн. Унаысь ковмылас шойччыны, коллявны пемыд войяссö.

   Аддзысьлытöдз, турияс!

                                               И. Коданёв серти

                               Шенасьны – размахивать

                               Венласьны - бороться      

1. Вочавидз юалöмъяс вылö.

1. Кытчö лэбöны турияс?
2. Кутшöм голяясыс турияслöн?
3. Кыті лэбöны турияс?

                                                    3 балл

2. Содты юалан кыв.

1. …. туй вуджöны турияс?
2. …. йылысь тайö висьтыс?
3. …. шенасьöны турияс?

                                                      3 балл

II. Грамматика юкӧн.

1. Содты колана суффикс.

Ме  виччыся Кöдзыд пöль… бур козин.

2. Содты колана кывбöр.

Öчередын Маша сулалö ань …

3. Пукті кадакыв колян кадö.

Ваня ветлыны вöрö тшакла.

4. Кывъясысь артмöд шусьöг.

Мортö, во, велöдчытöгыд, он.

5. Омонимъясöн лöсьöд кывтэчасъяс.

Чой – чой.

6. Содты сёрникузяö колана пасъяс.

Пелысьыд вывті бур кöрым гортса пöткаяслы мöсъяслы порсьяслы.

                                                                                6 балл.

III. Краеведение юкӧн.

1. Лыддьöдлы коми йöзлы лöсялана сёян?
2. Кутшöм коми ворсöмъяс тэ тöдан?
3. Кутшöм Коми Республикаса каналан пасъяс тэ тöдан?

                                                                               3 балл.

IV. Гиж неыджыд письмö « Менам радейтана велöдысь » тема вылӧ

                                                                                              3 балл.