Р.З.Хайдарова дәреслеге буенча 4 нче сыйныф өчен дәрес конспекты. Минем дустым
план-конспект урока на тему

Минем дустым

Абдуллина Лилия Ринат кызы

Казан шәһәре Идел буе районы 78 нче мәктәп

Максат: 

1. Укучыларны текстның эчтәлеге белән таныштыру.
2. Яңа сүзләр белән таныштыруны дәвам итү, аларны сөйләмдә дөрес кулланырга өйрәтү; укучыларның коммуникатив компетенцияләрен үстерү.
3.  Үзара дуслык хисен тәрбияләү.

Планлаштырылган нәтиҗә:

1. Предмет күнекмәләре . “Минем дустым” дигән текст белән танышу; укучыларның аңлап укуларына ирешү; әдәби укуга кызыксыну тәрбияләү.

2. Метапредмет күнекмәләре. Танып-белү УУЭ: текстның төп темасын табу; телдән һәм язма сөйләмдә бирелгән мәгълүматны дөрес аңлау.

Коммуникатив УУЭ: иптәшләреңне тыңлый, аңлый, үзара хезмәттәшлекне оештыра белергә өйрәнү, сүзлек хәзинәсен баету.

Регулятив УУЭ: тексттан кирәкле мәгълүматны таба белү.

Шәхси якын килеп УУЭ: текстагы төп геройның сөйләме аша дус кешене күз алдына китерә белү; дусларга карата ихтирам хисе тәрбияләү.

Предметара бәйләнеш: әйләнә-тирә дөнья, сәнгать.

Метод һәм алымнар: әңгәмә, эзләнү-тикшеренү, текстны анализлау, Сингапур алымнарын куллану.

Җиһазлау: презентация, ноутбук, экран, проектор, төрле биремнәр язылган карточкалар, тест биремнәре.

Материал: 4 нче сыйныф өчен Р.З.Хәйдәрова тарафыннан  эшләнгән «Күңелле татар теле» дәреслеге. – Казан: “Татармультфильм нәшрияты, 2014.

Эшне оештыру төрләре: Төркемнәрдә, индивидуаль, парлап.

I .Оештыру өлеше.

1)Исәнләшү.

2) Уңай психологик халәт тудыру.

3) Хәерле көн теләү.

4) Дежур укучы белән әңгәмә.

П. Уку эшчәлеген мотивлаштыру - актуальләштерү.   

1) – Укучылар, хәзер тыңлап аңлау күнегүләрен эшлибез.

(укучылар җавап бирәләр)

2)  - Хәзер, укучылар, җыр тыңлап китик. Җырны игътибар белән тыңлагыз.

(“Чын дустым”  җырын тыңлыйлар)

     - Бу җыр кем  турында?

- ....(дуслык, дуслар, дустым)

- Яхшы.

- Димәк, укучылар,  бүгенге дәрестә без нәрсә турында сөйләшербез дип уйлыйсыз?

- Дуслар турында.

- Әйе, бүгенге дәрестә без дуслык, дуслар турында  сөйләшербез, яңа сүзләр белән таныштыруны дәвам итәрбез.

- Ә сезнең дусларыгыз бармы?

- Әйе, бар.

- Ә дуслар нинди булырга тиеш?

- Яхшы, акыллы.

- Укучылар, ә хәзер игътибар белән экранга карыйбыз. Сезнең алда сораулар: Дус нинди булырга тиеш? Дус нинди булмаска тиеш?

-  Сез ничек уйлыйсыз? Өй эше итеп, бирелгән сүзләрнең тәрҗемәсен өйрәнеп килдегез. Ә хәзер бирелгән сорауларга, уклар ярдәмендә дөрес итеп, җавап бирегез. Парларда эшлибез.

-  Минемчә, дус .....булырга тиеш. Минемчә, дус .....булмаска тиеш.

III Уку мәсьәләсен чишү.  

- Ә хәзер, яңа текст белән танышырбыз.

1) сүзлек өстендә эш.

 - Укучылар, текстны укыганчы , сүзлек өстендә эшлибез. Игътибар белән экранга карыйбыз.

 - Әйдәгез әле, укучылар, сүзләрне бергәләп укыйбыз, авазларны дөрес әйтергә тырышабыз.

Хор белән эш

- Ә хәзер, укучылар, бу сүзләрне сүзлек дәфтәрләрегезгә язып куегыз. (сүзләрне язалар)

- Әйдәгез әле, бу сүзләр белән сүзтезмәләр төзибез.

Рэлли робин  (Сүзтезмәләр төзү. Парларда җавап бирәләр.).

(укучыларның җаваплары).

в) җөмләләр төзү

- Ә, хәзер укучылар, бу сүзләр белән җөмләләр төзибез.

Раунд робин (Җөмләләр төзү. Парларда эшлиләр. 1 нче номерлы укучыдан башлап чираттан җөмлә әйтәләр).

2) Текст белән эш

а) - Укучылар, 8 нче биттәге  “Минем дустым” дигән текстны табыгыз.

Текстны игътибар белән тыңлагыз. Авазларның әйтелешенә игътибар итегез.

б)текстның аудиоязмасын тыңлыйк.

 Текстны тыңлагач, шушы сорауларга җавап эзлибез.

Сораулар: 1. Айсылу белән Айгөл ни өчен бергә?        

                   2. Айгөл ни өчен эшчән?

Таймд пэа шэа (30 сек. Вакыт бирелә)

(җавап бирәләр)

в) текстны сәнгатьле уку;

- Текстны тулырак аңлау өчен, укып чыгабыз. Игътибар белән, аңлап укыгыз (укыйлар).

г) тәрҗемә эше;

- Укучылар, инде хәзер текстны 4 кисәккә бүлеп тәрҗемә итик. ( 1 нче номерлы – 1 нче кисәкне, 2 нче номерлы – 2, 3 нче номерлы – 3, 4 нче номерлы – 4 кисәкне тәрҗемә итә).

- Бик яхшы! Әйдәгез, һәрбер өстәлдән укучыларны тыңлыйк. (1 нче өстәл -1, 2 нче өстәл -2, 3 нче өстәл – 3, 4 нче өстәл – 4 номерлы укучы тәрҗемә итә.

IV. Ял вакыты 

МИКС-ПЭА-ШЭА

-Укучылар, бастык, ял итеп алыйк. “Чын дустым» көенә биибез. Музыка туктагач, парларны табыгыз һәм сорауны тыңлагыз.

Сораулар:

-Кызлар кайда дуслашты?

- Кызлар кайда яши?

 -Кызлар бергә нишлиләр?

V. Яңа материалны ныгыту.

1) - Ә хәзер, төркемнәрдә эшлибез. Хикәяне тулыландырабыз.

2) Тест эшлиләр.

(Парларда җавапны тикшерәләр, билге куялар).

VI. Йомгаклау.

- Без бүген дәрестә нәрсә турында сөйләштек? Нинди яңа сүзләр белдек?

 (җаваплар)

VII. Рефлексия

• Укучылар, өстәлдәге кәгазьләргә җавап языйк әле:

1. Сез нинди яңа сүзләр белдегез?
2. Сез барысын да аңладыгызмы?
3. Үзегезгә нинди билге куясыз?

VIII. Өй эше.

• Үз дусты турында сөйләргә.
• Укырга, эчтәлеген сөйләргә.
• Укырга, сорауларга җавап бирергә.

- Укучылар, безнең дәрес ахырына якынлашты. Сау булыгыз.