Рабочая программа по мордовской литературе
рабочая программа (8 класс) по теме

1.Икельце вал

      8-це классонтень эрзянь келень коряс программась теезь Мордовия Республикань образованиянь Министерствань программанть лангс нежедезь. Весемезэ иень перть ютавтовить 68 част, недлязонзо – 2 част. Программасонть панжовить тонавтомань ёнкстнэ, кода седе парсте максомс содамочитнень ды тевс нолдамо маштомачитнень ды ёрокчитнень.

      Эрзянь келень коряс важодемань программась целанек документ, козонь совить 5 пелькст: икельце вал, учебно-тематической план, календарно-тематической план, маштомачитне, конатне эрявить содамс тонавтницятненень иень прядомадо мейле, учебно-наглядной пособиятне.      

Эрзянь келесь – минек тиринь келенек, кона ютась касомань ды келейгадомань пек кувака ки. Сон вансты ды пачтясы сень, мезе ульнесь ломантнень эрямосо. Эрьва народонть эсензэ келезэ, историязо.

     Тиринь келенть вельде эйкакшось карми содамо перьканзо эрямонть, сонзэ эйсэ полавтоматнень. Тиринь келесь – арсемань ды содамочинь ёнкс, паро ломанень триця-кастыця.

     Сонзэ вельде эйкакшось тееви эсь народонть эйдекс, конань а визькс невтемс весеменень.

А эрявить сеземс сеть сюлмавкстнэнь, конатне теевсть те шкантень эйкакшонть келензэ ды потмооймензэ марто. А колыть неть 5-11 класстнэсэ тонавтнема лувонтькак. Тиринь келень парсте содамось лезды пертьпельксэнть весе содамочитнень келейгавтомо. Тиринь келенть парсте содазь эйкакштнэнень седешожда тонавтнемс рузонь ды омбо масторонь кельтнеяк.

     Неень шкань тонавтыцятненень икеле аштить истят путовкст: максомс содамочить фонетикань, лексикань, морфологиянь, синтаксисэнь, стилистикань коряс. Эряви тонавтомс эйкакштнэнь тиринь келенть валонь сюпавчинзэ, гайтевчинзэ ды мазычинзэ нееме, эсест арсемаст эрзякс ёвтамо ды сермадомо. Эряви невтемс эйкакштненень тиринь келенть питнензэ весе раськенть ды эрьва ломаненть эрямосо.

     Тонавтыцянтень эряви кепедемс эйкакштнэнь бажамост тиринь келень коряс содамочитнень саеме; кастомс эйкакштнэнь мелест седее парынестэ содамс эрзянь келень валонь сюпавчинть ды те сюпавчинть вельде тонавтомс сынст ёвтнеме эсест мелест-превест, арсемаст ды ёжомарямост.

     Тиринь келень тонавтыцянтень башка мель эряви явомс теориянь сеть кевкстематнень лангс, конат аштить видестэ сёрмадомань, пунктуациянь ды кортамонь ёрокчинь кастомань лувокс. Те лувось – гайтень ды буквань коряс валонь ванномась, пельксэнь-пелькс сынст явомась, валрисьмень ды валонь сюлмавксонь пелькстнэ.

     Теориянь коряс содамочитне максовить неень шкань келень наукань вешеманзо мельс саезь.

      8-це классонть тонавтневи синтаксисэсь. Иень ушодовомсто васенце урокось алтазь тиринь келенть лезэнзэ панжомантень эрзянь раськенть эрямосо. Неть уроктнесэ панжови тиринь келенть питнезэ башка ломаненть ды весе раськенть эрямосо, ёвтневи эрзянь раськенть эрямодонзо кезэрень шкане, косто саевсть эрзянь ды мокшонь кельтнень лемест, эрзянь келень коряс книгань васенце сермадыцятнеде (А.Ф.Юртовдо, М.Е.Евсевьевде, А.А.Шахматовдо, Д.В.Бубрихте, А.П.Рябовдо ды лиятнеде), истя жо неень шкань ученойтнеде.

     Уроктнесэ истя жо эряви ёвтнемс сеть эрзятнеде, кить эсест тевест коряс теевсть содавиксэкс аволь ансяк минек, но и омбо масторсояк (С.Д.Эрьзядо, Никон патриархтонть, Л.А.Русланова морыцядонть ды лиятне).

     Неть уроктне лездыть кастомс эйкакштнэнь потсо эрзянь келентень мелень путома, вечкема, кепедьсызь эйкакштнэнь каштанчист эсенек раськенть кувалма.

     Неень шкасто эрьва кодамо келень тонавтнемстэ кортамонь ёрокчинь кастомась аравтови малав васенце таркас.сонзэ смустезэ сеньсэ: тонавтомс эйкакштнэнь аволь ансяк грамматикань ёнкстнэнь мукшномо-нееме ды видестэ сермадомо, но и видестэ ёвтамо эсест арсемаст.

     Эрьва пельксэнть, эрьва теманть ванномась лезды тонавтницятненень кортамонь ерокчист кепедемантень. Тенень покш нежекс карми улеме фонетикань, лексикань, морфологиянь ды синтаксисэнь чарькодематнень тонавтнемаськак.

     8-це классо ютавтовить урокт-семинарт, урокт-конференцият, урокт-симпозиумт. Васняяк панжови неть валтнэнь смустест. Истят уроктнень анокстамсто ды сынст ютавтомсто эйкакштнэ седее ламо кармить содамо эсест раськест кезэрень эрямодонзо, тонадыть седее парсте эрзякс кортамо, кассы-кепети сынст каштанчист эсест келест ды раськест кувалма.

     Кортамонь ёрокчинь кастомасонть лезэвекс кармить улеме колазь текстэнь витематне ды рузонь кельстэ эрзякс ютавтоматне. Рузонь кельстэ эрзякс ютавтоматне лездыть кепедемс тонавтницятнень валонь таштавксост ды келень ежомарямочист.    

     Эрзянь келенть тонавтнемстэ покш мель эряви явомс лия предметнэнь марто сюлмавоматненень. Сех кеметь неть сюлмавоматне тиринь литературанть марто. Келень ёнкстнэ, васняяк, ванновить художественной литературасто саевкстнэнь коряс. Кортамонь ёрокчинь кастомаськак ютавтови эрьва кодамо художественной литературань сермадовкстнэнь коряс.

     Тиринь келенть тонавтнемась кеместэ сюлмавозь рузонь ды омбо масторонь кельтнень тонавтнемаст марто. Рузонь, англань, немецень, французонь ды лия кельтнень енксост седее парсте чарькодевить, бути нежедемс тиринь келень коряс содамочитнень лангс.келень коряс вейкеть чарькодемат (подлежащей, сказуемой ды лият) улить весе неть кельтнесэ. Вейкеть чарькодемат (антонимть, эпитет, олицетвореният) вастневить тиринь келень ды литературань коряскак.

     Тиринь келень уроксто истя жо эрявить кирдемс сюлмавомат географиянть, зоологиянть, биологиянть, астрономиянть мартояк. Истя, собственной лемтнень ютамссто эряви максомс чарькодема топонимиядо, содамс эсь райононь эрзянь велетнень лемест, эсест велень перька виртнень, латкотнень, эрькетнень, лейтнень лемест. Собственной лемтнень  ютамсто истя жо мельс ледстявить эрзянь ды мокшонь художниктнень ды композитортнэнь лемест, сынст произведенияст лемест. Нарицательной лемтнень ютамсто мельс ледстявить нармунтнень, ракшатнень, унжатнень, калтнэнь ды лия мезтнень лемест. Валкстнэнь коряс эрявить муемс сеть валтнэньгак, конат меельце шкатнестэ полавтовкшность рузонсесэ ды ней таго совавтовсть кортамо рисьментень. Зоологиянь коряс тонавтнема книгастонть эряви макснемс рузонь кельстэ эрзякс ютавтнемат кодаткак ракшатнень эли нармунтнень эрямо таркадост ды обуцядост. Весе те лезды эйкакштнэнь валонь таштавксост кастомантень.

 Программанть коряс вешематне ды маштомачитне

-видестэ ёвтамо ды ловномо ёвтнемань, кевкстемань, кармавтомань ды серьгедемань валрисьметнень;

-паро мельсэ, ёжомарязь, оймень путозь диалогонь ловномо ды тееме;

-гласной ды согласной гайтнень башка ёнксост содамо ды ёвтамо;

-фонетика ёндо валонь ванномо, слогонь-слог валонь явомо;

-аволь васенце слогонь гласнойтнень видестэ ёвтамо;

-валонь формасонть м, н, л, р, в согласнойтнень мельга з, с согласнойтнень ваньксстэ ёвтамо;

-валонть строчкасто строчкас кандомо;

 -текстэ валтнэнь виде ды кандовозь смустест содамо ды кортамосо сынст сайнеме;

-омонимтнень ламо смустень валтнэнь эйстэ явомо;

-синонимень рисьмень кочкамо;

-валкс марто важодеме;                                

                               2.Тематической планось.

3.Программанть  содержаниясь

Эрзянь келенть тарказо финнэнь-угрань ды весе масторонь кельтнень ютксо (1 час)

Сисемеце классо тонавтнезенть мельс ледстямось ( 3 част)

Глаголось. Глаголонть наклонениянзо ды сынст вастневемаст кортамонь рисьмесэнть. Глаголтнэнь теевемаст.

Причастиясь ды деепричастиясь кода глаголонь башка формат. Сынст теевемаст ды кортамосонть сайнемаст.

Наречиятне, сынст тевемаст ды сёрмадомаст.

Лездыця кортамо пелькстнэ, кортамосонть сынст сайнемаст.

Синтаксисэсь. Пунктуациясь. Парсте кортамось.

Валось сюлмавксось (6 част)

1.        Валось сюлмавкссто ветеце классо ютазенть мельс лецтямось. Валонь сюлмавксонь ды валрисьменть ютксо авейкетьксчись. Валонь сюлмавксось кода валрисьмень пелькс.

Валось сюлмавкссонть валтнэнь ютксо сюлмавома китне: согласованиясь, управлениясь ды примыканиясь. Эрзянь кельсэ примыканиянть келейстэ вастневемазо.

Валонь сюлмавкссо ды валрисьмесэ валонь лувось. Валось сюлмавкссо определениякс аштиця валонть пек кеместэ кирдевиця тарказо. Инверсиядо чарькодемась. Валонь лувось ды кортамонь стилесь.

Смустень (логической) ударениясь. Валонь сюлмавкссо меельце валонтень смустень ударениянть таргавомазо.

Простой валрисьмесь. Валрисьмень юронь ды аволь юронь пелькстнэ (12 част)

1.        Валрисьмеде ветеце классо ютазенть мельс лецтямось.

         Валрисьменть грамматикань лувозо.

Подлежащеесь. Вейке валсо ды валонь сюлмавкссо сонзэ невтемазо.

Сказуемоесь. Простой глагольной сказуемоесь. Составной глагольной сказуемоесь. Простой аволь глагольной ды составной аволь глагольной сказуемоесь. Сюлмавксонь вальсь. Тирень подлежащеенть ды сказуемоенть ютксо.

Сказуемоекс молемстэ аволь глаголтнень сказуемоень суффиксэст (шкань, лицянь ды числань невтицятне).

Сказуемоень ёвтамосо симонимиясь ды кортамонь стилесь.

Дополнениясь. Виде ды аволь виде (косвенной) дополнениятне, сынст ёвтамост.

Опредилениясь. Опредилениянть ёвтамозо. Опредиляемой валонть марто отределениянть сюлмавомазо .  Определяемой валонть пингстэ определениянть  тарказо.

Прилажениясь. Лотксема тешкстнэ приложениянть пингстэ.

Эпитетнэ ды кортамонть рисьмесэнть сынст сайнемаст.

Обстаятельствась. Смустень коряс обстаятельстватнень явовомаст: таркань, шкань, тувталонь, целень, действиянь образонь.

Сравнениянь марто валзюлмавкстнэ, лотксема тешкстнэ сынст пингстэ. Савнениятнень ды сравнения марто валзюлмавкстнэнь лэзэст кортамонь рисьмесэнть.

Вейке составонь (главной членэнь) марто валрисьметне

(8 част)

1.Вейке составной валрисьметне: содавикс лицянь, асодавикс лицянь,весе лицянь невтиця, лицянь а невтиця ды лемдиця валрисьметне. Неть валрисьметнесэ прявт пельксэнь невтемазо.

 Аволь пешксе валрисьметне (2 част)

1.        Аволь пешксе валрисьметнеде чарькодема. Вейке составонь валрисьметнеде сынст явомась.

Вейкеть (однородной) пелькс марто валрисьметне

(7 част)

1.        Валрисьмень вейкеть пелькстнэ. Вейкень ды аволь вейкеть определениятне. Поладомань, карадо-каршо аравтомань ды явомань союз вельде вейкеть пелькстнэнь сюлмавомась. Ансяк ентонация

Веледе сюлмавозь вейкеть пелькстнэ. Вейкеть пелькстнень ютксо запятоенть путомазо. Вейкеть пелькстнэнь пингстэ вейсэндиця валтнэ.

Кавто точкатне ды тирень вейсэндиця вал матро вейкеть пельксстнэнь пингстэ. Вейкеть пелькс марто валрисьметнень  сайнемаст кортамосонть.

Валрисьмень пелькс марто апак сюлма валтнэ (6 част)

1.        Пшкадемась, кортамосонть сонзэ лезэзэ. Пшкадеманть ёвтамозо. Валрисьмесэнть пшкадеманть таркзо. Вайгеленть ветямось ды лотксема тешкстнэ пшкадема марто валрисьметнесэ. Пшкадематне кортамонь рисьмесэнть.

Совавтозь вал марто валрисьметне. Совавтозь валрисьметне. Совавтозь валтнэ ды совавтозь валрисьметне кортамосонть. Кемекстамонь ды арасьчинь невтема валтнэ. Сынст смустест ды лезэст кортамонь рисьмесэнть.

Чарькодевтиця (обособленной) пелькс марто валрисьметне (6 част)

1.        Чарькодевтиця пелькс марто валрисьметне, сынст пингстэ лотксема тешкстнэ.

Чарькодевтиця определениятне ды приложениятне.

Чарькодевтиця обстоятельстватне.

Чарькодевтиця пелькс марто валрисьметнень сайнемаст кортамосонть.

Иень перть тонавтнезеннь мельс лецтямось (3 част)

Валонь сюлмавксось ды валрисьмесь. Сынст ютксо авейкетьксчитне.

Вейке составонь валрисьметне ды сынст лезэст кортамосонть.

Вейкеть пелькс марто валрисьметне ды сынст пингстэ лотксема тешкстнэ.

Валрисьмень пельксттнэнь марто апак сюлма валтне, сынст пингстэ лотксема тешкстнэ.

Кортамонь ёрокчинь кастомась ( 16 част)

Ветеце-котоце класстнэ тексттэ содамочитнень мельс лецтямось ды келейгавтомась. Публицистикань стильде чарькодемань максомась.

Публицистикань текстэнь коряс, козонь совавтозь перька эрямонь невтемась (веледе, ульцядо, райондо), изложениянь сёрмадомась

(саемга: «Минек велесэ (районсо) важодема  таркатне»).

Публицистикань ёндо марто эрямонь таркадо сочинениянь сёрмадомась ( саемга: «Минек велень содавикс ломантне», «минек велень библиотекась» ды лият ).

Ломанень эрямосо свалшкань питнейчитнеде ды литературань лангс нежедезь сочинениянь- рассуждениянь сёрмадомась (саемга: «Икеле кие а шны прянзо, тевезэ сень парсте туи», « Кие эсь прянзо ансяк невти, ломантне сень а редясызь» ды лия тематнень коряс).

4. Эрзянь келень коряс календарно- тематической планированиясь.

5.Материально- технической обеспечениясь. Литературась.

       1.  Тонавтнемапельтне.

          1. Р.С.Ширманкина «Эрзянь кель.»  8 класс  Саранск, 2005

2. «Диктантт ды изложеният». 5-11 класстнэнень./ Т.А.Кемайкина,Т.В.Кутурова.-Саранск.2010 г.

3. «Диктантось ды сонзэ ютавтомазо»5-11 класстнэнь тонавтомонь пособия./ кемайкина Т.А.-Саранск.2006 г.

4. «Текст марто важодемась тиринь келень уроксто»./ Н.А.Кипайкина.

-Саранск.1993 г.

5. Кипайкина Н.А. Интеграциясь тиринь келень уроктнесэ. - Саранск, 1992.

        6.Липатов С.И., Адушкина Н.С. Методика преподавания мордовских

          языков.Саранск, 1989.

        7.Тихонова Т.М. Эрзянь келень коряс уроконь шкадонть мейле роботась.                

        8.Цыганкин Д.В. Занимательной грамматика. - Саранск, 1999

        Ютко шкасто. Вишка ды средней классо тонавтницятненень. - Саранск, 1994.

2.ВАЛКСТНЭ

        1.Борисов АГ. Эрзянь келень эпитетэнь нурькине словарь. - Саранск, 1982.

        2.Бузакова Р.Н. Словарь синонимов эрзянскоro языка.Саранск, 1982.

        3.Бузакова Р.Н. Тикшень валкс. - Саранск, 1996.

      4.Цыганкин Д.В., М о с и н М.В. Этимологиянь валкс.. Саранск, 1998.

      5.Ширманкина Р.С. Фразеологиянь валкс. - Саранск, 1998.

      6.Щемерова В.С. Эрзянско-русский, русско-эрзянский словарь. - Саранск, 1993.

         7.Четвергов Е.В. Сырнень човалят: Стувтозь ды чуросто вастневиця валт.  

    Саранск, 1995.

БАШКА СЕРМАДОВКСТНЭ.

1. «Сятко», «Чилисема», «Народное образование» журналтнэнь коряс сермадовкстнэ.
2. Презентациятне.

«Валзюлваксось»

«Валрисьмень пелькстнэ»

«Вейке составонь простой валрисьметь»

«Виде кортамо марто валрисьметь»

«Чарькодевтиця пелькс марто валрисьметь»

ИНТЕРНЕТ-РЕСУРСТНЭ

http://www.lib.e-mordovia.ru

http://www.erzan.ru

http://erziana.my1.ru

http: Iifeb-web. ru / EEB / LITEN CYCLOPIIef

http / www. nauka – shop. com/ mod / shop/ productiD  

http //bestdisser. com / work / work

http / www. Phido/ ru /viwHeIpIt=em/ aspx? HeIpitem