Р. Фәйзуллинның "Онытма син!" шигырендәге сүзләрне сөйләмдә куллану.
план-конспект урока (8 класс)

Татарстан Республикасы Ютазы муниципаль районы

муниципаль бюджет белем бирү учреждениесе

“Ютазы гомуми урта белем бирү мәктәбе”

Р. Фәйзуллин “Онытма син!” шигырендәге сүзләрне сөйләмдә куллану.

8 нче сыйныфның рус төркемендә

 үткәрелгән ачык дәрес

эшкәртмәсе.

Үткәрүче: Ганиева Р.Г.

2016 нче ел

Тема: Равил Фәйзуллинның “Онытма син!” шигырендәге сүзләрне сөйләмдә куллану ( 20 мин.).

Дәреc тибы:  Лексик-грамматик күнекмәләр камилләштерү.

Максат: 1) Хәтерләү, үткәнең, ерак, чәчкән, моңнар, ирек, моңлы, туган, авыл, кала, мирас, горур, киләчәк, тарих сүзләрен сөйләмдә куллана белү;

2)Укучыларның эзлекле фикерләү сәләтен, монологик- диалогик сөйләмне үстерү;

3) Туган якка, аның  тарихына хөрмәт тәрбияләү.

Җиһазлау: Дәреcлек  137-138 нче битләр (Р.З.Хәйдәрова, Р.Л. Малафеева ” Татар теле”) методик кулланма, мультимедиа  проектор, биремле карточкалар, постерлар ясау өчен рәсемнәр, фломастерлар, кәгазь битләре.

Дәреc барышы:

1. Оештыру моменты.1) Исәнләшү.

  2) Дәрестә уңай  психологик халәт тудыру.  

-Исәнмесез, укучылар! Кәефләрегез ничек?

-Кояшлы иртә кебек! Татар телен, тукай телен өйрәнергә дип килдек.

3) Дежур укучы рапорты.

4) Дәреснең темасын, максатын әйтү.

- Дәреснең темасы- “Р. Фәйзуллинның “Онытма син!” шигырендәге сүзләрне сөйләмдә куллану.” Бүген без дәрестә бу шигырьдә өйрәнгән сүзләрне сөйләмдә кулланырга өйрәнербез.

2. Актуальләштерү

1)Алдагы дәрестә өйрәнгән сүзләрне кабатлау. Укучылар бирелгән сүзләрнең тәрҗемәсен табарга тиеш.

История, будущее, наследие, город, деревня, свобода

(Презентация  буенча  уен үткәрү. 3-8 нче слайдлар).

3. Белем-күнекмәләрне камилләштерү.

1) Бирелгән сүзләрдән җөмләләр төзү.

Слайдта сүзләр бирелгән.  Укучылар шул сүзләрдән җөмләләр төзиләр.(Һәр җөмлә аерым төстә бирелә. Бирем презентация буенча үткәрелә. 9-13 нче слайдлар ).

Тикшерү:1)Халкыңның тарихын белергә кирәк.

                 2)Син ерак бабайларның ничек яшәгәнен бел.

                 3)Һәр авылның, һәр шәһәрнең үткәне бар.

                 4)Үз тарихыңны яхшы белергә кирәк.

4. Физминутка (14-18 слайдлар)

5. Ныгыту.

 1)  Диалоглар төзү һәм сәхнәләштерү. Дәреслектәге 9 нчы күнегүне(138 бит) телдән эшләү.  Һәр өстәлдән 2 укучы диалогны сәхнәләштерә.              

 2)Туган як турында постерлар ясау.(Укучыларга өстәлгә төрле рәсемнәр, мәкальләр бирелә. 1 нче өстәл командасы Татарстан Республикасы турында, 2 нче өстәл командасы -Урыссу бистәсе, 3 нче өстәл командасы Ютазы районы турында  постерлар ясыйлар. Укучылар эшне башкарганда туган як турында матур җырлар яңгырый. Һәр командадан бер укучы үзләренең эшләрен яклый).

6. Йомгаклау.

 -Нәрсә ул туган як?

-Кешегә туган як ни өчен кирәк?

-Ни өчен уз халкыңның, үз илеңнең тарихын өйрәнергә кирәк?

 (Көтелгән җавап: “Туган як ул-синең туган авылың, туган йортың, әти-әниең, әби-бабаларың.  Һәр кеше үзенең туган ягын яратырга, аның тарихын белергә тиеш”)

7. Билгеләр кую.