Тег. Теегин туск шүлглән
план-конспект урока

Кичәлин төр: «Тег. Теегин туск шүлглән»

 (7 «б» классин талын келн-улсин баг)

Күцл: Сурһульчнрла герин даалһвринь хәләх: үгмүд давтх, зургуд шинҗлх;

• Саӊһҗин Босян «Төрскн теегм» гидг шүлглә таньлдулҗ, терүнә цуцлт кех;
• Төрскн теегтән дурта болх сурһмҗ өгх

Дөӊцл: компьютер, проектор, шүлг, цаасн деер өггдсн даалһвр, зургуд.

Кичәлин йовуд: 1. Оргмомент. Мендллһн.

- Медвт, күүкд! Эндр мана кичәлд гиичнр ирсн бәәнә. Мендлтн.

- Эндрк өдрин тойг хөн сарин хөрн негн. Долан хонгин өдр? (Пүрвә өдр).

-Ода җилин ямаран цаг? Хаврин йиртмҗ ямаран? Хаврт шовуд яһна? Хаврт мана тег ямаран болна?

- Эндр һаза теӊгрин бәәдл ямаран? (Һаза дулан, нарта, невчкн салькта чилгр хаврин өдр).

Күүкд, эн зургуд хәләхлә, тана уханд ямаран үгмүд орна?

2. Шин төр цәәлһлһн.

- Күүкд, эндр мадн хальмг теегин тускар күүндхвидн. Гертән тадн ю кех зөвтә биләт? (Теегин туск зургуд зурх)

3. Герин даалһвр шүүлһн. 

- Гертән тадн үгмүд дасч, зургуд зурад, тенд юн зуратаһинь ахрар келх зөвтә биләт. Не, кен эклх?

(Сурһульчнр зурсн зургудан үзүләд, ахрар юуна тускар зурсан келҗ өгнә).

Эндр мадн хальмг шүлгч Саӊһҗин Босян бичсн «Төрскн теегм» шүлг умшч, энүнлә таньлдхвидн. Багш умшчана:

Саӊһҗин Бося  «Төрскн теегм»

Тег эӊдән көкрнә,

Теӊгрт нарн гилвкнә,

Номһн салькн үләнә,

Көк ноһан нәәхлнә,

Җирлһн холд торлзна,

Җиргәд торһа дуулна.

Теегин хавр тиим

Теӊкән уга сәәхн!

- Хамдан айслулҗ умшхмн.

- Ода нег күн босад, маднд эн шүлгиг айслулҗ умшх (1,2 күн)

- Цааранднь шүлгиг орчулхм:

• Степь вокруг зеленеет,
• В небе сияет солнце,
• Дует спокойный ветер
• Колышется зеленая трава.
• Вдали виднеется мираж,
• И жаворонок поет щебеча,
• Такая степь весенняя        
• И бесконечно все красива!

• - Күүкд, эн шүлгиг дасч авхм? Арһан хәәхм.

Хәләтн, зәрм үгмүд уга болҗ одв. Түрүн мөрәд ямаран үг уга?

- Кен эн шүлгиг эврән умшч чадх? Таднд 1 минут өгчәнәв. Дарунь сурнав.

Текстиг күццднь кеҗәнәвидн:

1) Тег эӊдән яһна? (Тег эӊдән көкрнә)

2) Теӊгрт юн гилвкнә? (теӊгрт нарн гилвкнә)

3) Ямаран салькн үләнә? (номһн салькн үләнә)

4) Юн нәәхлнә? (ноһан нәәхлнә)

5) Җиргәд ямаран шовун дуулна? (торһа)

6) Юн холд торлзна? (җирлһн)

7) Теегин хавр теӊкән уга ямаран? (сәәхн)

 Күн болһн босад, шүлгиг күццднь умшх. Йир сән, тадн шүлг дасч аввт.

Ашлвр: 

- эндр мадн ямаран ю кевүвидн? (шүлг умшлавидн)

- Ямаран бичәч теегин туск шүлг бичсмб? (Саӊһҗин Бося)

- Эн шүлг ямаран нертә? («Төрскн теегм»)

- Эндр цугтан сәәнәр көдлв, би таднд ханлтан өргҗәнәв. Сән-менд бәәтн!

Герин даалһвр: шүлг умшад давтх; үгмүд дасч авх. Темдг тәвлһн.