«Әминбәк» әкиәте менән танышыу.
план-конспект урока (5 класс)

Этаптар

Дәрес барышы

Ойоштороу

Уҡытыусы һүҙе

Музыка ҡоралдары тураһында инеш әңгәмә

Яңы теманы өйрәнеү

Һүҙлек өҫтөндә эш

Текст өҫтөндә эш

Төркөмдәр менән эшләү

(план төҙөү)

Текстың йөкмәткеһен һөйләү

Әңгәмә

Йомғаҡлау, баһалау

Өй эше биреү

• Хәйерле көн, балалар!

Ҡурайсылар ҡурай уйнамаҫ,

Башҡорт ҡурайҙары булмаһа.

Йырсы ла ғына кеше йыр йырламаҫ,

Күкрәгендә моңо булмаһа!

• Йөрәктәрҙе илаһи моң менән һуғарып, илатып һәм йыуатып, яраларҙы уңалтып, күңелдәргә ҡанат ҡуйып, яҙғы ҡояш нурлағандай яғымлы ҡурай моңо яңғырай. Башҡорт халҡының мәңгелек йөрәк тибеше уның моңонда.

1. Әңгәмә өсөн һорауҙар:

-ниндәй музыка ҡоралдарын беләһегеҙ?

-халыҡ тормошонда уларҙың роле ниндәй?

-музыка ҡоралдары нимәләрҙе сағылдыра ала?

2. Мультимедиа презентацияһы: музыка ҡоралдарының моңо аҫтында тексҡа ярашлы слайдтар күрһәтә барыу һәм уҡытыусы һүҙе:

• Ҡәҙерле уҡыусылар, беҙҙең бөгөнгө танышасаҡ әкиәт геройы Әминбәк тә, ошо музыка ҡоралдарының береһендә уйнарға өйрәнә. Быны белеү өсөн, беҙгә әкиәттең йөкмәткеһе менән танышырға кәрәк.

(дәреслектең 37-се битен асабыҙ)

Әминбәк

• Әкиәттең йөкмәткеһен яҡшыраҡ үҙләштереү өсөн бер уҡыусы ҡысҡырып тасуири уҡый башлай, бер аҙҙан икенсе уҡыусы дауам итә. Шуға күрә ҡалған уҡыусылар иғтибар менән тәүге уҡыусыны күҙәтеп барырға һәм аңлашылмаған һүҙҙәрҙең аҫтына ҡәләм менән һыҙырға тейеш

(йөкмәткеһе менән танышыу)

• Ниндәй аңлашылмаған һүҙҙәр осраны?

(һүҙлектәр менән эш)

• Текста кем тураһында һүҙ бара?
• Әминбәк ниндәй һөнәрҙәргә өйрәнгән? Ниндәй халыҡ мәҡәле беҙҙең геройыбыҙға тап килә?

Слайдта  Егет кешегә етмеш төрлө һөнәр ҙә аҙ тигән мәҡәл сыға

• Ул һөнәрҙәрҙе алыуҙа уға ниндәй ҡыйынлыҡтар осраған?
• Уға ниндәй сифаттар хас? Төп геройға характеристика бирегеҙ.
• Алған һөнәрҙәре менән белеменең файҙаһын Әминбәк нисек күрә?
• Әминбәк менән каруан башлығы ниндәй тәьҫирҙәр ҡалдырҙы?

• Төркөмдәргә бүленәләр (уҡыусылар һанына ҡарап нисәшәр кешенән икәнлеген әйтәбеҙ). Тексты өлөштәргә бүлеп, һәр өлөшкә исем бирегеҙ.

• Балалар, кем текстың йөкмәткеһен план буйынса һөйләргә теләй? Ҡалғандарығыҙ иптәшегеҙҙе иғтибар менән тыңлап ултырығыҙ һәм тулыландырырға әҙер булығыҙ. (Уҡыусыларҙың текстың йөкмәткеһен план буйынса яҡынса һөйләүе)

• Уҡыусылар, ә һеҙ ниндәй һөнәрҙәргә эйә? Ә кем Әминбәк кеүек оҫта итеп сатраш, музыка ҡоралдарында уйнай белә?

• Афарин, балалар!  Күп һөнәрҙәр белеүегеҙ һеҙгә лә тормошта файҙа килтерәсәк. Сөнки уңғандар һәм тырыштар бәхеткә ирешә!

• Әкиәт һеҙгә оҡшанымы? Ни өсөн?

• Әминбәккә оҡшарға тырышыр инегеҙме? Аңлатып китегеҙ.

• Әкиәт кешене ниндәй булырға саҡыра?

Дәрестә актив ҡатнашыуығыҙ өсөн рәхмәт, балалар. (баһалар ҡуйыу)

• Өйҙә үҙегеҙгә оҡшаған өлөшө буйынса һүрәт төшөрөп килтерегеҙ.