Ила «Мокшень кяльсь –народоньконь седиец». Аноклазе Кирдяпина Е.С.

Тонафтысь: Шумбратада, шабат, инжихть! Тячи школасонк  пуромоме марса, штоба корхтамс и шнамс шачем-касом краеньконь и кяленьконь. Тядянь кяль… Кодама мазы тя валсь, валрисьмось и кодама оцю смузь сон канды. Минь шачеме мархтонт аф пяк оцю мастор уженяса – Мордовияса и сонь пяк кельгсаськ. Кельгсаськ шачема веленьконь, коса сембе корхтайхть мокшень кяльса и коса эрь кодама илань ётафтомста кулевихть велеть квалма мазы морот и, марямок синь, тон бъта кандоват стама вастс, коса аш пичефкст, ризф, аш эряфонь сталмот. Кельгсаськ   козя нормальда, панкта, нармоньда пяшксе туста вирьхнень, кельгсаськ кърхка, лентакс шуди ляйхнень, парьхциса вельхтяф лугатнень и паксятнень.

       Мокшень крайняй, шачем крайняй,

Моньге морозень примак.

Катк сон паксять вельхксса гайняй,

Прокс аф сетьмоси сон катк.

Седизе монь афи кирди

Тядянь-алянь крайть аф шнамс.

Мон аф бокста вдь, аф ширде

Ардонь мокшень модать лангс.

Мон кунара тоннян, тоннян,

Колгат моран вдь аф стак.

Мокшень крайняй, мазы онняй,

Моньге морозень примак.  

                Шачем ширезти мон тага

Пара мяльса сюконян.

              Мон вдь тонне, мон вдь ваган,

              Мон тя ширдень, аф илянь.

Шачем ширезе аф оцю,

              Аш минь тяса крхка ляйхть.

             Аньцек седизон петьф, боконц,

             Аш корязонк мазы крайхть.

Ащи сон бугорня пряса,

             Алдонь пеньке, няк,- Алех.

             Цебярь ломаньдонк минь яса,

             Марнек ваномс- сон аф плох.

Пижет паксянза,луганза,

И аш ефси шава вастт,

              Коса галошкодсть трванза,

Тоса келунь порат кассть.

              Кельги идькс и пара мяльса

Велезти мон сюконянь,

              Кожфоц сонь прокс медень таньфса,

Аяш тяфтама илянь.

Тяса шачень, касонь тяса,

             Тиинь васень аськолкскять.

             Мазы цефксонь вайгяль лаца

Моран колганза илять.

Морсь: «Луганяса келунясь»

Мон келькте, крайняй, пиже лаймонь кашторф,

И лажадан тейть, пиче вирень гайф,

Мес цебярь тевонь тиема тон маштат,

Мес паксятне тонь сёроса люкайхть

Пяк пара кяленьке роднойсь

Сон ялганьконди седихть панжи,

Сон шуди, кода мазы жойф,

Сон оцю садса марлюкс панжи…

Минь ёмла Родинаньке- Мордовиясь, кона ащи Россиять кучкаса Ока и Сура  ляйхнень ёткса. Моданьконь лангса кемоста сотовсть фкя-фкянь мархта кафта культурат: рузонь и мордовскяй. Минь кельгсаськ кода мокшень стихнень и морхнень, стане и рузоннетнень.

Морсь: «Зубова Поляна»                      

Здесь на лугах и смех, и разговоры,

И хороводы пёстрые девчат.

И русский говор, и мордовский говор

Единою мелодией звучат.

Я счастье, русский брат, делю с тобою,

И не знакомы нам тоска и грусть.

Ведь навека живём одной судьбою,

С мордвой и Чудью породнилась Русь.

Мокшень кяльняй, корхнембяльняй,

Коза тязан арда-моль,

Мокшекс пяльнихть эсон мяльне,

Тядянь валнясь кургсон коль…

Мон кельгса эсь шачема крайть,

Коса касонь и коса мон эрян.

Кельгса Вадоть и Чиуш ляйть,

Эсь велезень, эсонза эряфть.

Кельгса якамазень вирьге

Начка нарнява пиземда меле,

Коса ситявнясь морай тейне,

Озай лафтузон ёфси аф пелезь.

А кодама мазы лугась

Шобдавань зарять пингста!

Нарса ару  расань путьконясь

Солай шить сюролданзон инкса.

Мзярдовок аф полафтса мон

Шачем велезень, кельгома васттнень.

Сяс, мес тяса эряйхть эсене монь,

Конат тейне тянь сембонь и максозь.

Морсь: «Кафта цёрат тише лядихть»

Тонафтысь: Мокшень кяльса  корхтасть минь атянь-атяньке, корхтайхть минь тядяньке-аляньке, и тя кяльса минь васенцекс азоськс сембода питни валть – «тядяй». Тя кельгома ломанть колга корхтамс можна пефтома, мъзяра лямбе вал минь афолеме мархтонт аза, синь педа пес улихть кържат.

Мон мазышицти сюконян,

И тянди сатомшка туфталда.

Тонь тюстот мазы аф муян,

Сон тядянь сельмованфта валда.

Вай кели паксят, вирьхть, лугат,

И лихтибрят, и нармонь морот,

И лаймарькс панчфонь порфт-юргат,

Юрнай кумацень пизелкс порат.

Тя мазышифтома аш рай,

Пря шави седись, кода эрьготьф.

И, мярьгат, акат-сазорхт най

Сурась да мокшесь макссихть эрьгат.

Вай, шачем-касом уженяй!

Сяс шнате валнясон-зрнясон,

Мес валда мяльхнень сргозьфнят

Эрь мезне седи куцюнясон.

Морсь: «Эрзянь Полюнясь»

Мон келькте, крайняй, пиже лаймонь кашторф,

        И лажадан тейть, пиче вирень гайф,

        Мес цебярь тевонь тиема тон маштат;

        Мес паксятне тонь сёроса люкайхть.

Тонафтысь: А кодама цебярь ёжу валмуворксса няфневи мокшень ломаттнень смузьсна: Лама содак, кържа корхтак. Сура аф видят, пача аф пидят. Кодама тонафтысь, стама и тонафнись. Цебярь валсь ярмакта питни. Эсь кядезе – эсь мялезе.

Морсь «Озак, озак, симке шову позать»

Мокшень кяльть ули сонцень эряфонь киц, конань лангса васьфсь аф кържа сталмот, и конатнень сон васьфни тянемс.  

 Козя ся ломанць, кона шачема кяленц кельгсы и шнасы, ванфнесы седисонза Шкаень  толня лаца. Козя ся, кона вестьке аф аерды эсь кяленц эзда и сембе виенц путсы сонь эряфонцты. Но ся, кие кяленц анок мимс и рамамс, кие питневок тейнза аф путы – сяшкава ашу, нъльне сави сонь аньцек ужяльдемс. Тяфтама ломанть ваймоцка равжа, седиецка коське и кельме. Эряви лац шарьхкодемс ся, што кяльсь – тя оцю казне Шкайть эзда. Шачеть, шятять лямбе модати, няить эсь сельмосот шить валда сюролданзон, азыть васенце валцень – павазуват! Кеняртть тянди!

Ляпе валняй, мокшень кяльня,

Келькте седи вакска тонь.

Аньцек колгат сембе мяльне,

Корхтама тонафтомайть монь.

Мокшекс васень валнять азынь,

Тядянь-алянь лемть кундань.

Аш корязот тяда мазы,

Валхне –цёфксонь мор тунда.