Технологон картæ ирон æвзаджы урокмæ 8-æм къласы Урочы темæ: « Хъуыдыйады æмхуызон уæнгтæ»
учебно-методический материал (8 класс)

Урочы нысантæ

Рацыд æрмæг хъуыдыйады уæнгтæй зæрдыл æрлæууын кæнын;  хъуыдыйады æмхуызон уæнгты тыххæй зонындзинæдтæ фæарфдæр кæнын.

Ныхасы рæстыл бакусын.

Уарзондзинады æнкъарæнтæ взæрын кæнын Райгуырæн бæстæмæ, ирон æвзагмæ.

Урочы хуыз

Рацыд æрмæгфæлхат кæнын æмæ ног зонындзинæдтæ гом кæныны урок.

Урочы ахуырадон фæстиуджытæ

Предметон: зонын хъуыдыйады уæнгтæ бæрæг кæнын, текстæй хъæугæ информаци райсын.

Метапредметон:логикон хъуыдыкæнынад рæзын кæнын;

хи хъуыдытæ æргом кæнын; ног зонындзинæдтæй пайда кæнын зонын.

Регулятивон:нысан æвæрынзонын, фæткæвæрын, рефлекси.

Удгоймагон: уарзондзинады æнкъарæнтæ взæрын кæнын Райгуырæн бæстæмæ, ирон æвзагмæ.

Ахуыры методтæ æмæ формæтæ

Иртасæн-абарсты метод, индивидуалон, къордты куыст, къæйтты куыст.

Æххуысгæнæг фæрæзтæ

компьютер,   чингуытæ,

Урочы сæйраг этаптæ æмæ структурæ

Ахуыргæнæджы архайды мидис

Скъоладзауы архайды мидис

Универсалонахуырадонархайд (УАА)

1.

Организацион

хай

- Уæ бонтæ хорз, сывæллæттæ.

- Равдисут  ма куыд цæттæ стæм урокмæ.

Cалам дæттынц

Скъоладзаутæ цæттæ сты урокмæ

Удгоймагон:

(æгъдау; эмоционалон цæттæдзинад урокмæ)

Мотиваци.

(ахуыргæнæг дæтты ног темæбамбарынæнæххуысчиуахæмæрмæг.) Презентаци Ногиры тыххæй.

 Фæйнæгыл эпиграф:

«Ирæттæй нæ æрмæстдæр зонынц уымæн,

Кæй нын ис «Нартæ», «Симд» æмæ Къоста»

-Загъут ма цы сты ирон адæмæн «Нартæ», «Симд» æмæ « Къоста»?

-Ирон адæмы кæд базыдтой «Нарты кадджыты», нæртон симды æмæ дзæнæты бадинаг Къостайы руаджы, уæд нæ райгуырæн хъæу Ногиры та йæ адæмы фæрцы.

-Бакæсут презентаци Ногиры тыххæй.

-Сымах бакастыстут презентации Ногиры тыххæй.Уæда ма зæгъут, кæмæй сæрыстыр у Ногир?

-Тынг рæсугъд хъуыдытæ загътат æмæ ма сæ ныффыссæм:

Рæсугъд, фæрнджын,тыхджын æмæ уæздан олимпиаг чемпионтæй хъуыстгонд у Ногир. Уыдон сты Таймæзты  Тимур æмæ

Артур, Тедееты Эльбрус æмæ Хуыгаты Алан.Канд Ногиры ном нæ айхъуысон кодтой, Ирыстон, Кавказ æмæ Уæрæсейы ном.Ирон лæджы ном бæрзонд æвæрд æмæ нымад æрцыд зæххы къорийыл.

-1-аг хъуыдыйад –синтаксисон æвзæрст.

Скъоладзаутæ бамбарын кодтой, куыд ахадгæ сты ирон адæмы царды ацы нæмттæ.

Кæсынц презентацимæ, аразынц баст текст

Фыссынц тетрæдты текст.

Скодтой синтаксисон анализ

- Дзурынц сæ хъуыдытæ.

Регулятивон

(ахуырадон нысан æвæрын)

Коммуникативон:

(хи хъуыды æргом кæнын)

Ног æрмæгылкуыст.

Цæлхдуртæ аиуварс кæныныл  куыст.

-Ссарут ма хъуыдыйады ахæм дзырдтæ, кæцытæ дзуапп дæттынц иу фарстæн,хауынц уыцы иу дзырдмæ æмæ сты уыцы иу хъуыдыйады уæнг.

-Цавæр хъуыдыйады уæнгтæ сты?

-Уыдон сты хъуыдыйады æмхуызон уæнгтæ.

-Уæдæ цавæр æрмæгыл кусдзыстæм абон?

Скъоладзаутæ ссардтой дзырдтæ

Сывæллæттæ дзурынц урочы темæ

Зонадон:

(рацыд æрмæгбафидар кæнын, ног зонындзинæдтæ райсын)

Коммуникативон: (хи хъуыдытæ æргомкæнын, искæй хъуыдыйæн  аргъкæнын

)

Чиныгимæкуыст

- Ссарут чиныджы раиртæст æмæ йæ бакæсут

-Равзарæм тексты иннæ хъуыдыйæдæ дæр.

-Цавæр хатдзæг ис скæнæн?

Чиныджы кæсынц раиртæст

Скъоладзаут æ æвзарынц хъуыдыйæдтæ.

Скъоладзаут æ скодтой хатдзæг:

Хъуыдыйады æмхуызон  

уæнгт æ вæййынц куыд сæйраг,

афт æ фæрссаг  уæнгтæ дæр

Регулятивон : (чиныджы хъæугæ информации ссарын)

Зонадон:

(ног зонындзинæдтæ фидар кæнын)

Ног зонындзинæдтæ фидар кæнын. Чиныгимæ куыст

1.-Баххæст кæнут фæлтæрæн

2.Къордгай куыст.Ныв «Бинонтæ»-мæ гæсгæ саразын хъуыдыйæдтæ æмхуызон уæнгтимæ.

1-аг къорд: сæйрæттимæ.

2-аг къорд: зæгъинæгтимæ

3-аг къорд: бæрæггæнæнтимæ

Фыссынц фæлтæрæн

Къордгай куыст

Зонадон:

 Хъуыдыйады æмхуызон уæнгтæ фидар кæнын;

Коммуникативон:

(дзырдуат хъæздыг кæнын)

Рефлекси.

-Цы базыдтат ногæй?

-Цы уæмфæкаст зындæр? Æнцондæр?

- Аргъ скæнут уæ куыстæн.

Скъоладзаутæ дзурынц, цы базыдтой ногæй урочы, аргъ кæнынц сæ куыстæн.

Зонадон:

(ног зонындзинæдтæ сфæлхат кæнын)

Коммуникативон: (хи хъуыдытæ æргом кæнын)

Хæдзармæкуыст

-Ныффыссын нывæцæн «Мæ райгуырæн хъæу» æмхуызон уæнгтимæ.

Бæрæг кæнынц сæхимæ хæслæвæрд.