Яңа ел хикмәтләре
материал (8 класс) по теме

                                      Яңа ел хикмәтләре

     « Яңа ел»  җыры башкарыла

1 нче алып баручы . Бүген сез безнең Яңа ел сәламен алыгыз .

                                     Бу көннән башлап гомергә яшь булып калыгыз .

2 нче алып баручы .  Сезне бүген көтә күңелле бәйрәм .

                                      Яшел чыршы өстәр бәйрәмгә зур ямь .

1нче алып баручы .     Безнең чыршы иң матуры ,

                                         Иң матур киенгәне .

                                         Бизәп тора аны бүген

                                         Уенчыкларның бер дигәне.

( Почтальон килеп керә . Ул рупор аша сөйли . )

Почтальон .

                           Тыңлагыз ! Тыңлагыз ! ... 116 нчы лицей чыршы –

                           сына телеграмма килде . Телеграмма Антарктидадан .  

                           Укып җибәр әле , алып баручы иптәш , синең тавы –

                         шың да көчле , үзең дә бик яшь!  

2 нче алып баручы  .  « Без сезгә Антарктида бозлары арасыннан боз

                                   патшалыгыннан хәбәр итәбез . Һава температу –

                                   расы минус 80 градус . Җил төньяктан исә , аның

                                  тизлеге секундына 12 метр . Бортында Кыш бабай

                                   һәм Кар кызы булган ЯЕ – 05 ( Яңа Ел ) маркалы

                                   ракета стартка әзер . Очып китәргә тик 14 секунд

                                   вакыт калды . Сезнең команданы көтәбез . «

                                       ( Почтальон чыга ).

1 нче алып баручы  . Алар безнең команданы көтәләр . Әйдәгез

                                   саныйбыз . 14 , 13 , 12 , … 4, 3 , 2 , 1 .

2 нче алып баручы . Кыш бабай һәм Кар кызы юлда булган арада ,

                                    без үзебезнең һөнәрләребезне кабатлый торыйк .

                                    Кыш бабай белән Кар кызы  алдында  оятка кал-

                                    мыйк. Әйдәгез әле җырлап алыйк . ( Җыр. )

Күзәтүче .                 Ракета якынлаша ! Сигналчылар , әзерләнегез .

Сигналчылар .        Без әзер !

Күзәтүче .                 Ракеталарны әзерләргә ! ( Хлопушкаларны

                                    әзерлиләр ) .

Сигналчылар .        Без әзер !

Күзәтүче .                 Ракетаны күрәм . Әзерләнегез !

Сигналчылар .        Без әзер !

Күзәтүче .                 Хәзер килеп җитәләр . Салют !

  ( Сигналчылар хлопушкаларны шартлаталар . Кыш бабай белән Кар кызы килеп керәләр . )

Барысы да .            Хуш киләсең , Кыш бабай ! Хуш киләсең , Кар

                                     кызы ! Без сезне бик сагынып көттек .

( Кыш бабай турында җыр җырлыйлар . )

Кыш бабай .             Исәнмесез , балалар , исәнмесез , кадерлеләрем

                                    ! Мин сезнең шатлыклы йөзләрегезне күрүемә

                                     шатмын . Сезнең барыгызны да Яңа … ел

                                      белән тәбрик итәм .

                                                               Сезгә очып килдем ,

                                                               Болытларны кудым .

                                                               Бик күп илләр күрдем

                                                               Күп җирләрдә булдым .

                                                               Зур бәхетләр , зур уңышлар

                                                               Һәрчак юлдаш булсын .

                                                               Көндәлекләрегез бары                      

                                                              « 5 « ле белән тулсын .                

 Кар кызы .  

                    Кыш бабай , кара әле , нинди матур чыршы ! Ә балалар

                    күпме ! Барысы да шат , татулар !

 Кыш бабай .

                    Әйе , без юкка гына кара болытларны үтеп килмәгәнбез

                    икән . Я , хәзер танышыйк инде .

1 нче алып баручы .

                     Кыш бабай , без бит инде күптәнге танышлар .

                     Оныттыңмыни ?

Кыш бабай .

                      Яле якынрак килегез . ( Ике алып баручы да Кыш бабай

                       янына киләләр ) Әйе , болар минем иске танышларым

                       икән .

2 нче алып баручы .

                        Ә болары -  синең ярдәмчеләрең . Менә монысы – тыл-

                         сым иясе .

Кыш бабай .  Бик шәп . Аның нинди тылсымчы икәнен күрсәгез , үзе-

                       гез дә шаккатырсыз әле .

 1 нче алып баручы .

                        Ә бусы инде , Кыш бабай , гаҗәп тә шаян малай : аның

                        белән бик тә күңелле – ул бүген безнең Клоун .

Клоун .           Кыш бабайга тигезләнегез . Смирно ! Бер – ике , ура !

Кыш бабай .  Нәрсә булды ? Нигә ура кычкырасыз ?

Клоун .           Безнең бәйрәмгә кунаклар килде .

Кыш бабай .   Менә шәп булган . Менә бу эш ичмасам . Балалар , сез

                         хәзер күңел ачыгыз , концерт номерларын күрсәтегез .

                         Ә аннан соң концертыгыз ошаса , чыршы утларын

                          кабызырбыз .

Клоун .            Ошамыймы соң ?.Менә хәзер үзем биеп күрсәтәм .

                          ( Бии ) .

                          ( Концерт номерлары башлана ).

Кыш бабай .    Ә хәзер барыгыз да чыршы утларын кабызырга әзер-

                             ләнегез .

Шулвакыт Шүрәле йөгереп чыга һәм Кар кызын күтәреп алып китә .  

Кар Кызы .       Бабакай , дусларым , ярдәм итегез .

Кыш бабай .     Кызым ! Кайда син ?

Тылсымчы .      Тынычланыгыз . Хәзер , белергә тырышыйк .Кем ур-

                            лады икән Кар кызын ?

Кыш бабай .

                           Яле , яле . Балалар , ә сез тавышланмагыз .

Тылсымчы . ( Төрле хәрәкәтләр ясый , сөйләнә ) .

                            Химмаядыр – химмая , әфсен – төфсен , Кар кызы

                            пәйда булсын . Әһә - әһә , күренә : Кар кызын Шүрә-

                            ле алып китеп бара .

Кыш бабай .

                           Шүрәле дисеңме ? Былтыр күрсәткән җәфаларын

                           оныткан , күрәсең .Балалар , минем оныгымны кот –

                           карса , бары тик Былтыр гына коткара ала .

Укучы .

                           Кыш бабай , әллә Былтырны чакырыйкмы ?

Кыш бабай .

                          Әйе , шулай итик .

Балалар .          Былтыр – батыр егет ,

                          Монда кил !

                          Кар кызын коткару өчен ,

                          Нинди дә булса эш кыл .

                     ( Былтыр керә ) .

Былтыр .          Мин хәзер дусларым ,

                          Хәзер үк юлга чыгам .

Кыш бабай .     Бар , бар , балакай ,

                          Эшләрең барсын уңга .

Былтыр .          Кырлай урманындагы хәлне

                          Оныткандыр , күрәсең .

                           Урман сарыгы , белеп тор ,

                          Кулларыма керерсең . ( Чыгып китә .)

Балалар .          Хәерле юл ! Кар кызын тизрәк табып китер !

1 нче алып баручы .

                            Кыш бабай , Былтыр Кар кызын баребер коткарыр .

                            Аның Шүрәле белән беренче генә очрашуы түгел ин-

                            де .

Клоун .                Кыш бабай , болай күңелсезләнеп утыру бәйрәм

                              өчен бер дә килешми бит . әйдәгез күңел ачыйк .

                             Җырлап алыйк , уйнап алыйк , Иске елда биеп ка-

                              лыйк .

            ( номерлар )

Күзәтүче .              Таулар , урманнар артыннан ,

                                Диңгезләрнең аръягыннан

                                 Безнең былтыр кайтып килә ,

                                Кар кызыбыз никтер көлә .

                                Шүрәле дә арттан килә .

( Шүрәле , Былтыр , Кар кызы керә .Шүрәле елый .)

 Шүрәле .                 Син бераз кызган мине ,

                                  Коткарчы , и адәм генәм .

                                  Моннан ары үзеңә ,улыңа ,

                                  Нәселеңә тимәм .

                                  Дустым , җибәр , зинһар , җибәр ,

                                  Бик авырта кулларым .

                                  Шүрәлене рәнҗетүдән

                                  Нәрсә бар сиңа , ни бар !

         ( Кар кызы Кыш бабайны кочаклап ала . )

Кар кызы .                Кайттым , бабакаем . Менә шушы батыр егет ми-

                                   не Шүрәледән коткарды .

Кыш бабай .              Ә хәзер , дусларым , кулларны кулга тотышып ,

                                    дус булып , Кар кызыбызны уртага алыйк .

                                    Аны явызлардан саклыйк .

Кар кызы .                Кар , буранда тудым мин ,

                                  Кар биләүдә үстем мин .

                                  Кар биләүләрдә үстем мин

                                  Кар сулары эчтем мин .

                                  Мин салкыннан курыкмыйм

                                  Мин кар , буран яратам

                                 Шуңа күрә бар дөньяга

                                   Кар бөртеге таратам .

( Кар кызы кар бөртеге тарата. )

Кыш бабай .              Хәзер шатлыгыбыз бик зур ,

                                    Кабызыйк чыршыбызны .

                                    Яңа елда янган утлар

                                    Яктыртсын юлыбызны .

Барысы бергә .           Чыршы , чыршы , кабын син ,

                                     Утларыңны балкыт син . ( Чыршы утлары кабы-

                                                                                на . )

Клоун .                       Юл бирегез , бирегез мәйдан

                                    Артистлар килә  … дан .

                                    Үзем күреп беләм

                                     Чын артистлар шунда инде .

                                     Бүгенге безнең бәйрәмгә

                                     Һәрберсе

                                     Яңа һөнәр алып килде .

           ( Номерлар .)

Кыш бабай .                Чыршыбыз җилдә тирбәлеп ,

                                     Китерә миңа хәбәрләр .

                                     Көтә мине бик күп җирләр ,

                                     Көтә бик күп балалар .

                                     Сау булыгыз , дусларым ,

                                     Уйнагыз да көлегез .

                                     Киләсе Яңа елларда

                                     Тагын сезгә килербез .

Балалар .                     Рәхмәт сиңа , Кыш бабай ! Рәхмәт , сиңа Кар

                                     кызы Сау булыгыз . Киләсе елга тагын килегез !

         Номерлар .  (җыр « Хуш инде Иске ел « )

2 нче алып баручы .   Хөрмәтле укучылар ! Безнең бүгенге бәйрәмгә

                                     бик күп кунаклар килгән иде. Аларның һәрберсе

                                     бик матур итеп чыгыш ясадылар . Сүзне хәзер

                                     жюрига бирәбез .

1 нче алып баручы .   Хөрмәтле укучылар , укытучылар һәм кунак –

                                     лар ! Сезне тагын бер кат Яңа … ел белән тәб –

                                     рик итәбез .