«Жиңү кѳне – бу дѳньяның яңадан туган кѳне»
материал на тему

9 май ѳчен сценарий.

«Жиңү кѳне – бу дѳньяның яңадан туган кѳне»

Җиңу кѳнен яктырткан җырлар яңгырый.

1 алып баручы.       Җиңү кѳне!

Халык бәйрәм итә.

Яз тѳренгән янар комачка.

Җир чәчәкләр тезгән күкрәгенә ,

Йѳз балкытып карый кояш та.

2 алып баручы. Җиңү кѳне! Халкыбыз ѳчен иң зур бәйрәмнәрне быел яз кѳне  ….  тапкыр бүләк итә.

Фонограмма кѳчәя. Ярты күплеттан соң әкренәя.

Әнә алар – безнең ветераннар, безгә Җиңү таңы бүләк иткән каһарманнар, орден-медалльләрен чыңлатып, урамнарны тутырып бирегә килгәннәр.

Хәтердә уела күп нәрсә,

Онытыла иң гүзәл яз, кышлар.

Онытылмый үзенең иңендә

Ил данын күтәргән язмышлар.

Вакытлар үтүгә сүрелеп

Сүнәләр иң якты балкышлар.

Сүнмиләр, яктылык сибәләр

Кѳрәштә кабынган язмышлар.

1 алып баручы.      Бу иртә башка иртәләрдән бернәрсәсе белән дә аерылып тормый иде. Шул ук сандугач сайрады, кошлар җырлады. Иртән авыл халкы кѳндәгечә кѳтүен куды.

2 алып баручы.      Татарстанда бу иртә бәйрәм иртәсе иде. Бәйрәмнең дә ниндие әле. Халыкның ел буе кѳтеп ала торган, тырыш хезмәттән соң үткәрелә торган сабан туе идее.

1 алып баручы.      Бүген авылда – Сабантуй!

Сабантуй турында җыр яңгырый. Сабантуй җыры җырлап үзешчәннәр сәхнәгә чыгалар, бииләр, күмәк җырлар җырлыйлар.

Сәхнәгә Бер малай йѳгереп чыга. Ул сугыш башланганын әйтә:

- Туктагыз! Туктагыз, дим! Сугыш башланган! Гитлер сугыш башлаган!

Барысы да ѳнсез булып, хәрәкәтсез калалар. Бераздан ѳйләренә таралыша башлыйлар. Үзләре елыйлар, Гитлерга ләгънәт укыйлар. Сәхнә бушап кала. «Священная война» кѳе яңгырый.

Сәхнәгә алып баручылар чыга.

2 алып баручы.       Күңел ачарга дип җыелган халык мәйданнан кара кайгы белән таралды. Кич буе юлга әзерләнде. Кем ипиен салды, кем сохариен киптерде,кем юлга биштәрен әзерләде.

1. Мәйданда халык Ир-атларны сугышка озата. «Герман кѳе» яңгырый.

1 алып баручы.       Бу елларны ничек онытасың,

Ил язмышы кылыч йѳзендә.

Ир-егетләр ките яу кырына

Алып кѳче тоеп үзендә.

Ирләр ките , кырлар елап калды,

Шаулап калды иген ѳлгереп.

Басу капкасына чаклы озата барды

Яше-карты барсы ѳзелеп.

Ирләр ките, кызлар елап калды,

Елап калды күпме хатыннар.

Туйда кигән күлмәкләре калды,

Күпме бала калды, ятимнәр.

2. Яшь кенә Ир белән Хатынның саубуллашуы. Җыр куярга мѳмкин.

«Возвращайтесь»

2 алып баручы.      Сез, хѳрмәтле ветераннар, тиз әйләнеп кайтырбыз дидегез дә, ут эченә барып кердегез. Башта үз җирләрегезне дошманга калдыра-калдыра чигенү ачысын татыдыгыз. Мәскәү яны сугышларында, «Безнең артта – Мәскәү» дип, Мәскәү ѳчен сугыштыгыз. Сталинградтагы сугышларда, илне дошманга бирмәскә дип, һәр йорт ѳчен кѳрәштегез. Тиңдәшсез зур батырлыклар күрсәттегез. Ничәмә  ничә тапкыр үлем белән күзгә-күз очраштыгыз, күпләрегез ятып калды.

3.Җыр. «Билгесез солдат».

1 алып баручы.       Авылдан бик ерак иде, диләр,

Фронт сызыгын, комсыз сугышны.

Алай икән, нигә соң сугышны

Уйласаң да, кысыла сулышлар.

2 алып баручы.      Сугыш авылдагы һәрбер йортны тетрәтте. Авылда тормыш карт-коры, хатын-кыз, бала-чага кулына күчте. Чәчелгән икмәкне җыеп алырга кирәк идее.

         Мондый тормыш икенче фронтка әверелде.

1 алып баручы.      Олаулары-олаулары белән икмәк озатты алар. Икмәк озаттылар, ә үзләре  алабутадан ипи пешерделәр, бәрәңге кәлжемәсе ашадылар. Ашарга җитмәү сәбәпле ачлыктан интектеләр, үлүчеләр дә булды.

2 алып баручы.      Ә халык барыбер тырышты. Атлар беткәч, үгез җигеп җир тырмаладылар, бәләкәй арбага үзләре җигелеп, симәнә ташыдылар, билдән кар ерып урман кистеләр.

         Солдат хатыннары! Аларның тормышлары михнәтле, тамаклары ачлы-туклы, күңелләре түлы сагыну идее. Эшенә, ачлыгына түзәр идең, хатыннарны тол, бала-чагаларны ятим итеп авылга туктаусыз кара печатьле кәгазләр агылды.

          Менә шулай авырлыкларны җиңә-җиңә, сыгылсалар да сынмыйча Җиңү кѳнен якынайттылар алар.

5.Жыр башкарыла. Роза Петровна.

1 алып баручы.      Лачын кебек баһадирларыбыз, сугышка киткән хатын-кызларыбыз бер-бер артлы шәһәрләребезне азат иттеләр, Европа илләрен фашистлардан азат итә-итә, Берлингача данлы сугыш юлы үттеләр. Бик күпләре тиңдәшсез батырлыклар күрсәтеп ятып калдылар.

Җиңү килде җирне нурга кумеп,
Шатлык белән күзне чылатып.
Килде ул көн горур күкрәкләрдә
Орден-медальләрне чыңлатып.

6.Фонограммада Левитан тавышы. «День победы» җыры яңгырый.  3,4 класс укучылары ветераннарга чәчәкләр шарлар бирәләр.

2 алып баручы.       Булыр икән кешеләрнең

Анадан туган кѳне.

Җиңү кѳне – бу дѳньяның

Яңадан туган кѳне.

1 алып баручы.       Җиңу кѳне иң зур бәйрәм –

Туп тавышы тынган кѳн.

Сабый бала саф күзләрен

Кырда түгел, карда түгел,

Бишегендә йомган кѳн.

2 алып баручы.      Менә сез, хѳрмәтле ветераннар, күкрәк Тулы орден-медальләрегезне чыңлатып, халкыбызның горурлыгы булып, бәйрәм түрендә утырасыз.

Чыңлагыз, медальләр, чыңлагыз,

Җирдәге бащшаклар җыры бу.

«Хәерле иртә!» дип уяткан

Башкала куранты чыңы бу.

7.2 класс укучылары башкаруында «Кояшлы ил - безнең ил! » җыры янгырый.

1 алып баручы.       Хѳрмәтле ветераннар!

Кылдан нечкә һәм кылычтан үткен

Сират күперен кичкән буын сез.

Үзе үлсә дә, илне исән килеш

Безгә бүләк иткән буын сез.

8. Паппури.

2 алып баручы.       Бѳек Ватан сугышы тәмамлангач, халык яңадан сугыш булмас инде дип сѳенгән иде. Ялгышкан икән, Әфганстан, аннан чечен сугышы килеп чыкты. Авылларыбыз һәм шәһәрләребез зиратларында «Әфганстан, чечен сугышында һәлак булды» дигән ташлы каберләр барлыкка килде. Армиягә хезмәт итәргә киткән җирдән егетләребезнең кайберләре үз аягы белән әйләнеп кайта алмады.

       Күпме яшь егетләрнең гомерләре киселде һәм әле киселә.

9. Лирик Бию. Сәхнә артыннан тавыш.

Чү! Яшьлекнең кайнар тыны

Керфекләрне ялмап үтте,

Баскан җирдән ут чәчрәтеп,

Әнә, кызлар биеп китте.

Күбәләк кебек оча да

Бөтерелә орчык кебек.

Кайчак шулай аналарның

Күңелләре йөри биеп.

Аналар, аналар, аналар!..

Аналар көтәләр улларын;

Беләләр кайтмасын аларның,

Шулай да көтәләр, көтәләр.

Һәм өмет итәләр хәтерләп

Бәхетле көннәрен гомернең.

Ышанмас нәрсәгә ышанып,

Өметтә юатып күңелне,

Көткәннәр җиңәләр үлемне!

1 алып баручы.      Яшь кешеләр! Әгәр сез иртә белән ефәк яфраклы гѳлләрнең чәчәк атуын күрәсез икән, сез шул иртәдәге ѳй каршындагы тирәкләрдә кошлар сайравын ишетәсез икән, белегез – бу иртәнге шатлыкта сугышта үлеп калганнарның , фашизм тоткынлыгында үлеп калган солдатларның ялкынлы тормышы бар. Әгәр дә сезнең әбиегез, я әниегез йомшак куллары белән башыгыздан сыйпый икән, үзенең моңлы күзләре белән сезнең күзләргә тутырып карый икән -  белегез – ул күзләрдә сугыштан кайтмаган бабаларыгыз һәм әтиләрегез турында тирән сагыш бар.  Әгәр сез тыныч ѳйдә яшисез, иркен мәктәпләрдә укыйсыз, айлы кичтә үзегезнең дусларыгыз белән серләшеп утырасыз икән, белегез – бу җирдә сезнең матур яшәвегез ѳчен меңләгән солдатларның каны түгелгән.

 Бу яшьлекнең , бу тормышның кадерен белегез, яшь кешеләр!  

10.«Детство» инструментальный ансамбль.

2 алып баручы.       Күңелләрдә яз аенын,
Бар шатлыгы, бар яме.
Күк йөзендә - күгәрченнәр,
Илдә - Җинү бәйрәме
Җырларның җырлыйк матурын -
Җиңүгә илткәннәрен.
Вәгъдә биреп көткәннәрен
Күз яшен сөрткәннәрен.

11. Шагалиева Эльвина  җыр.

1 алып баручы.     9 май Май бүген ,

Бар дѳнья нурларга,

Гѳлләргә күмелде.

Май килде. Туган ил

Шатлыкка күмелде.

Куана халык.

Күңелләр шат, бѳтен.

9 Май бүген.

12. «Кадриль»

2 алып баручы.     Онытмыйк Җиңү батырларын,

Алар ѳчен үлем юк җирдә!..

Буыннардан-буыннарга күчә

Батырларның гомере җыр булып.

Илне яратудан ѳстен хис юк

Чын батырдык илгә тугрылык.

13. «Синий платочек»

1 алып баручы.        …. ел илебез күге аяз!

Сугыш беркайчанда булмаска тиеш.

Я, әйтегез, сугыш кемгә кирәк икән?

Һәр адәмнең газиз башы бит бер генә,

Бу дѳньяда безне сѳеп кеше иткән

  Якты, изге җәннәтебез – тик Җир генә!

14.Маликова Ильзира «Аист на крыше»

2 алып баручы.       Ветераннар! Чәчегезгә бәс кунса да,

Сез постта әле һаман.

45 нең май салютын

Исендә тотсын дошман!

Вакыт ага, сулар сыман,

Нык торсын минут туктап.

Картаймагыз, ветераннар,

Җырлыйбыз сезне хуплап.

15. 2 класслар «Солдатта  булган диләр»

1 алып баручы.       Рәхмәт сезгә, безне үстергәннәр,

Безнең ѳчен яшәгәннәргә.

Безнең ѳчен утлар-сулар кичеп,

Безнең ѳчен яшәгәннәргә.

Әйдәп әйткән сүзләр ѳчен рәхмәт:

«Атлагыз, - дип, -  безнең юллардан!»

Киләчәккә бару путквкасын

Без бит алдык сезнең куллардан!

Бәйрәм белән сезне!

16. Бию.

2 алып баручы.       Тормыш авыр, болгавыр чор диеп,

Боекма син, күңел, боекма.

Киләчәккә ѳмет белән яшик,

Таралырлар әле болытлар.

Бәхетләре булсын җирдә һәр кешенең

Күге аяз, җире гел чәчәк.

Һәммәбезгә - сезгә, безгә, илгә

Без телибез якты киләчәк.

17. Маликова Ильзира. «Бәхетегез булсын гомерле».

1 алып баручы.      Тагын бер тапкыр Җиңү көне белән сезне, ветераннар,  дуслар, авылдашлар! Аяз күгебез, тыныч, имин тормыш өчен без сезгә рәхмәт әйтәбез, сезнең алда баш иябез. Иң изге теләкләребез сезгә.

2алып баручы.      Бѳек Җиңүгә …. ел. Илебез азатлыгы ѳчен кѳрәшкән солдатларны онытмыйк, аларның сугышчан юлларын ѳйрәник. Батырлыр исеме буыннан-буынга күчсен.

Икесе бергә:  Исәннәрнең кадерен белик !

                         Үлгәннәрнең каберен белик!