Сценарий праздника на татарском языке "Әниләр көне"
материал на тему

Залга  бер кыз бала  “ана” ролен башкарып  бәби  тотып  җырлап    тирбәтә.

        1 алып баручы: Гөлзизә

Ана!
Бөек исем,
Нәрсә җитә ана булуга;
Хатыннарның бөтен матурлыгы,
Бөтен күрке ана булуда.

2 алып баручы Рөстәм

Ана! Нинди бөек исем бу! Дөньяда аналардан да изге һәм газиз зат иясе юктыр. Сабыйның дөньяга туып аваз салуы аналар күңелендә онытылмаслык куанычлы көндер.

1  алып баручы.

Сабый дөньяга килгән сәгатеннән үк ананың йомшак кулларын сизеп, күңел җылысын, ягымлы карашын, мәхәббәтен тоеп яши. Ана өчен бала - җир йөзендә бер нәрсә белән дә тиңли алмаслык, кадерле йөрәк парәсе. Еллар үтеп без күпме генә яшькә җитсәк тә, газиз әниләребез өчен кечкенә булып калабыз.

2 алып баручы.

Ана назы ул - җирдә мәңгелек.

Мәңгелек җыр - бишек җырыгыз

Без узасы юлда маяк булып

Гомер буе балкып торыгыз.

Хәерле көн, укучылар, укытучылар һәм безнең иң кадерле кунаклар- әниләребез, әбиләребез!  Бүген бездә зур бәйрәм - әниләр бәйрәме. Сезне “Әниләр бәйрәме” белән чын күңелдән котлыйбыз, саулык, тән сихәтлеге, озын гомер, шатлык, бәхет, эшегездә уңышлар телибез.

2 алып баручы:

Бүгенге бәйрәм көнендә якты теләкләрегез тормышка ашсын иде, балаларыгыз сезгә карата шәфкатьле булсыннар иде. Әгәр бүген сезнең йөзләрегез балкый һәм кәефләрегез яхшыра икән, иртәгә эшегездә җиңелрәк булыр. Бу залда кабынган елмаю йортларыгызда да дәвам итсен. Бәйрәм белән!

1 алып баручы:

Бәйрәм белән котлау өчен сүзне мәктәп директоры Лилия Мелсовнага бирәбез. Рәхим итегез!

1 укучы:        Нигә бүген бөтен җирдә             Рәмилә

                        Чәчәкләр балкый бездә,

                        Нигә кояш көлеп карый –

                        Беләбез һәммәбез дә.

2 укучы:                    Бүген - әниләр бәйрәме,  Кәмилә

                                    Бүген җирдә тантана.

                                    Кояш шуңа көлә бүген,

                                    Гөлләр шуңа шатлана.

3 укучы:         Әниләрнең бәйрәменә                Ленира

                         Куана шулай алар.

                         Әниләрне котлый бүген

                         Җирдә барлык балалар.

4 укучы          Кем дөньяга кеше бүләк итә,         Зилия

                         Ә кешегә - якты дөньяны?

                         Тойгылары кояш кебек кайнар,

                         Эретерлек гранит кыяны.

                                                   Фәнзилә

5 укучы:                      Кем күңеле тулган айдай серле,

                                      Язлар сыман, назлы, ягымлы?

                                      Шатлыкларын башкаларга бүлеп,

                                      Кайгыларга түзем, сабырлы?

6 укучы:       Кем елмая җәйге таң аткандай,      Лена

                       Балкып китә шундук тирә-як?

                       Нәфислеге гөлләр сокланырлык,

                       Көләчлектә аңа тиңнәр юк.

7 укучы:                    Кем куллары өйне, җирне ямьли,    Айдар

                                       Изгелеге үлчәү тапкысыз?

                                       Ул, әлбәттә, яшәү чыганагы.

Бергә:   Тормыш яме - Әнкәй, хатын кыз!

2 алып баручы:

Бәйрәм бүген, бәйрәм бүген безнең мәктәбебездә.

Әниләрне, әбиләрне чакырдык һәммәсен дә.

Сез бәйрәмнең иң түрендә, сөекле хатын-кызлар.

Бары тик сезнең хөрмәткә яңгырый безнең җырлар.

Җыр: “Әниемнең  кочагы”

1 алып баручы:

Җир йөзендә иң гүзәл, иң олы сүз, иң матур сүз - Әни! Әни дип безнең телебез ачылган. Иң тәүге адымнарыбызны да әни ярдәмендә атлап киткәнбез. Безгә ничә яшь кенә булмасын - биш яшьме, әллә иллеме, һәрвакыт әни, аның назлы карашы, кайгыртуы кирәк. Әниләрне ярату никадәр зур булса, яшәве дә шулкадәр якты, шатлыклы.

2 алып баручы:

Әйе, әни, әнкәй сүзләре кайсы гына телдә әйтелсә дә, ул һәркемгә якын, изге сүз. Балалар шатлыгын, кайгы-хәсрәтен дә алар беренчеләрдән булып уртаклаша, акыллы киңәшләрен бирә. Әниләрнең ягымлы, тәмле, йомшак сүзләре балага юлдаш була.

                                                                         Кадрия

Тугачтын да әнкәй безне йомшак кулына алган.                           “Балам, бәгърем, күз нурым!” – дип, иркәләгән, назлаган

Җылы бишектә тирбәтеп, матур җырлар җырлаган.                                            “Бәхетле бул, балам!”- диеп , шатлыгыннан елаган.

укучы                                                                          Гөлшат

Барыбезны кадерләгән, йөрәк җылысын биргән.                        Безнең нәни борчуларны, шатлыкларны ул белгән.                    Рәхмәт әйтеп әниемә, алларында баш иям,                                                                 Аны мәңге ташламаска һәм сакларга сүз бирәм.

укучы                                                                          Аделина

Нинди назлы, нинди эшчән синең куллар, әнием!                        Бөтен дөнья бәйрәм итә, сине зурлап, әнием!

Тәмле ашлар пешерүче, матур гөлләр үстерүче,                                Йомшак телле, назлы сүзле ул минем әни инде.

Мәктәпкә барганда безнең аркадан сөеп кала.                                               Ә кайтканда икебезне якты йөз белән каршы ала.

Кояш нурының җылысын телибез, әнкәй сиңа.                                Сәламетлекнең иң ныгын Ходай гел бирсен сиңа!

 укучы:

Минем әни бу дөньяның иң чибәре, сылуы.                           Илнар          Нинди бәхет һәр баланың үз әнисе булуы.

Минем әни, һич бәхәссез, иң сөйкемле әни ул-                                 Әйткән сүзе, кылган эше һәммәбезгә туры юл.

Борчыйсым килми әнине, елмаеп-көлеп йөрсен.                               Иң матур әни икәннен бөтен дусларым күрсен.

 укучы                                                                                    Эльвина

Гаять катлаулы һөнәр ул укытучы булуы.                                         Моны үзем дә беләмен: әнием  - укытучы.

Бик күп дәфтәрләр тикшерә, дәресләр да аңлата.                                Ә балалар адым саен сорау биреп аптырата.

Мәктәптә дә өлгерә, өйдә дә ул җитешә.                                         Ошарга тырышам мин дә сөекле әниемә!

Әнием, күз нурым, кадерлем син минем.                                               Иң олы, иң изге бәгырем син минем!

                                                      Эльнара

Әни бит ул-өйнең яме,
Ә тормышта –олы терәк.
Сәламәт бул, озак яшә,
Син бит, әни, безгә бик кирәк.

Кояш кебек якты нурлар синнән,
Карашлары белән җылыткан.
Юктыр беркем, әнкәй, синнән башка,
Иркә сүзләр белән юаткан.

 укучы:                                                                       Илсаф

Әнкәем!
Теләкләрнең телим изгеләрен,
Бәхетләрнең телим зурысын.
Шатлыкларның телим көтмәгәндә
Килә торган иң-иң нурлысын.

Котлы булсын,әни, бу бәйрәмең,
Матур булып атсын таңнарың.
Рәхәт яшә, игелеге кайтсын
Син үстергән һәрбер баланың.
 укучы                               Иршат
Рәхмәт сиңа, әнкәй, яшәгәнең өчен,
Рәхмәт, сиңа, безне яшәткәнең өчен.
Балам, диеп, күз нурларын жәлләмичә,
Сөеп йоклатканың өчен.

Җирдә кояш нуры балкыгандай,
Син балкыйсың безнең күңелдә.
Тормышыбыз синең белән матур,
Рәхмәтлебез сиңа гомергә.

укучы.                                                            Аскар
Онытмамын сине беркайчан да,
Рәхмәтлемен барысы өчен дә!
Тормыш ямен, матурлыгын тоеп,
Яшә әни, яшә йөзгәчә.
          Рәхмәт яусын безнең әнкәйләргә
        Аларгадыр бөтен авырлык.
        Әнкәйләргә якты йолдызлардан,
        Я кояштан һәйкәл салырлык.
                                                 

                                                                    Наташа

Сколько звезд на небе!
Всех не сосчитать.
Эти звезды маме
Подарю опять. 

И однажды утром,
Глядя на меня,
Мама улыбнется:
"Звездочка моя!"

                                                       Диләрә
Әниемнең матур күзләрендә

Күпме моң һәм күпме сагыш бар.            

Күңелем сизә: хәтта гомерен дә

Кызганмыйча безгә багышлар...

Безнең белән бергә кайгыра ул,

Безнең белән бергә шатлана.        

Әнием минем изге маяк кебек –

Күңелем һәрчак аңа тартыла.

Җыр: “Әнием, әнием”  

1 алып баручы:

Безнең күңел һәрчак сиңа
Тели иң изге теләк.
Җир йөзендә синнән башка
Беркем юк кадерлерәк

Тик син генә балам, җаным диеп

Сыйпагансың минем башымнан.

Елмайганмын, әнкәм сиңа карап,

Сиңа карап телем ачылган.

Тик син генә әнкәй мине шулай

Бар нәрсәдән артык сөясең.

Инде үсеп, буйга җитсәм дә мин.

Син һаман да балам “Бәбкәм” диясең

1 алып баручы:

Әнием, син минем терәгем,

Кояшым син тормыш юлымда.                

Сөюем, хөрмәтем, йөрәгем рәхмәте

Кагылсын сиңа бу җырымда!

____________________________________________________

         Алып баручы Мөмкин булса, җыеп учларыма

                             Бирер идем кояш нурларын,

                             Әни кеше генә кочагында

                                    Назлый белә кызын, улларын. 

                         Мөмкин булса, менеп зәңгәр күккә

                         Йолдыз сузар идем кулына.

                         Әни кеше генә җан сулышын

                         Өрә синең гомер юлыңа.

                                     Олыгайгач та аңа табынып мин

                              Чал чәченә башны иярмен.

                              Олы бүләгемне сузган чакта:

    Озын гомерле бул! - диярмен.

җыр

 Алып баручы

        Күзләреңнең каралыгын

         Шомыртлардан алдың мәллә?

         Су буенда  гына үскән

         Зифа талдай синең гәүдәң.

         Үкчәләрең җырын тыңлап,

         Хыялларга бирелеп китәм.

         Әй, син, горур татар кызы,

         Кем бар синдәй бүтән?

__________________________________________________

 Алып баручы:

Сабыр, йомшак күңелле әниләребез, әбиләребез! Бүгенге бәйрәмгә килүегез өчен зур рәхмәт сезгә! Киләчәктә безгә менә шулай тагын очрашырга язсын. Гел шулай якты йөзле, тәмле сүзле булып калыгыз. Балаларыгызны, оныкларыгызны сөендереп, исән-сау булып, тыныч, мул тормышта яшәгез. Бала хәсрәтләре күрмичә, аларның игелекләрен күрергә язсын. Бәхетле булыгыз!

                 Ана булу - изгелекнең таҗы,

                 Дөньяда иң олы дәрәҗә.

                 Ана кеше үзенең баласының

                 Бәхетенә ача тәрәзә.

җыр 7 класс