Чăваш чĕлхи - анне чĕлхи
классный час (7 класс) на тему

               Чăваш чĕлхи - анне чĕлхи

                      Литературăпа музыка каçĕ

1-мĕш ертÿçĕ: Ырă каç пултăр хаклă юлташсем!

2-мĕш ертÿçĕ: Ырă каç!

1-мĕш ертÿçĕ: Ирĕк парсамăр пире «Чăваш чĕлхи - анне чĕлхи» ятлă литературăпа музыка каçне уçма.

2-мĕш ертÿçĕ: Эй, аслă чĕлхемĕр, пире усран ырсемĕр! Сан ятна сăвапласа, ырлăхшăн тав туса пуçа таяс кăмăл пур, чунтан калас сăмах пур.

1- мĕш ертÿçĕ: Сан сулăмупа, чĕлхемĕр,  сăвай ларать лайăхрах, никĕс чăтать ытларах, пÿрт хăпарать хăвăртрах.

2-мĕш ертÿçĕ: Сан пехетÿпе , чĕлхемĕр, кĕреке илпеклĕрех, туй юрри илемлĕрех, туй ташши хĕлхемлĕрех.

1-мĕш ертÿçĕ: Сан хисепÿпе , чĕлхемĕр, атте-анне сумлăрах, тăван-пĕтен чыслăрах, пĕлĕш-хурăнташ хаклăрах.

Пĕрле: Пирĕн шăкăлчи чĕлхемĕр!

            Пирĕн шăнкăрти чĕлхемĕр!

2-мĕш ертÿçĕ:  Юрă

1-мĕш ертÿçĕ: Çĕр-шывăм, йăмраллă кĕтесĕм

                         Çĕр-пин юррунтан пĕрине

                         Таçта ăнсăртран çеç илтсессĕн

                         Темскер пĕçертет чĕрене.

2-мĕш ертÿçĕ: Юрă

1-мĕш ертÿçĕ: Эп чăваш ачи, саватăп

                         Чĕвĕл-чĕвĕл чĕлхене

                         Юратап сăвва-юрра та,

                         Купăса та кĕслене.

2-мĕш ертÿçĕ: Юрă

1-мĕш ертÿçĕ:  Тĕлĕнтерет мана тăван хуламăр,

                         Шур Шупашкар - чăвашăн тĕп хули…

                         Чăн-чăн чăваш пулсассăн, каласамăр--

                         Мĕн-ма эпир пулатпăр çын кулли?

2-мĕш ертÿçĕ: Мĕн-ма-ха калаçма та вăтанатпăр

                         Пĕр-пĕринпе тăван чĕлхепеле?

                         Мĕн-ма-ха уямасăр сутăнатпăр?..

                         Тăван чĕлхе! Иртсемччĕ тĕпеле!

1-мĕш ертÿçĕ: Юрă

2-мĕш ертÿçĕ: Тăван чĕлхем! Тăван аннем-чĕлхем--

                         Хĕвел те эс, çĕр чăмăр çаврăнни,

                         Кашни çынна вăй паракан хĕлхем,

                         Хăватлăн, аслăн, чаплăн пурăнни.

1-мĕш ертÿçĕ: Юрă

2-мĕш ертÿçĕ: Юрланă чух сассу хитре те уçă,

                         Каять вăрман та, хир те янраса

                         Чулсем çинчи канми-тăми çăл куçĕ

                         Юхса йăпаннă пек сассу таса.

1-мĕш ертÿçĕ:  Юрă

2-мĕш ертÿçĕ: Чăваш юрри -- кĕсле юрри.

                          Чăваш тĕрри -- кун-çул тĕвви.

                          Сас хыççăн сас,

                          Йĕр хыççăн йĕр

                          Чĕре кĕвви тĕрре кĕрет.

                           Тĕрре курсан юрлас килет.

1-мĕш ертÿçĕ: Шÿт

1-мĕш ертÿçĕ: Çырулăх пулмасассăн та чухланă

                         Йăх-несĕлсем чĕлхе пит кирлине.

                         Ламран-лама куçса ăна упранă

                         Ăмсанĕ кирек кам еткерлĕхне.

2-мĕш ертÿçĕ: Юрă

1-мĕш ертÿçĕ: Тăван чĕлхем! Таса хĕлхем

                         Парсам пăлхавлă чунăма

                         Пар чăнлăх, савăнăç, илем,

                         Пар ирĕк çутăрах çунма.

2-мĕш ертÿçĕ: Çĕр çинче хитре сăмах

                         Шучĕ çуккă пуль чăнах

                         Ман шутпа чĕлхе ахахĕ--

                         «Юрату» текен сăмах.

1-мĕш ертÿçĕ: Юрлатăп юрă хамăнне кăна,

                        Çăпатине те хамăннех сыратăп,

                        Шăтсан-тусан саплатăп эп ăна,

                         Юррăмсене йăлт çĕнĕрен çыратăп.

2-мĕш ертÿçĕ: Юрă

1-мĕш ертÿçĕ: Савар, мухтар чĕлхемĕре,

                         Ăна усрар чыс-хисепре,--

                         Унпа эпир ĕçе вĕреннĕ,

                         Чăн тÿпене çити çĕкленнĕ.

                         Упрар тăван чĕлхемĕрем -

                         Чун-чĕрери хĕлхемĕре,--

                         Эпир ăна ялан ĕненнĕ,

                        Çĕр-шыв ятне çÿле çĕкленĕ.

2-мĕш ертÿçĕ: Чăваш юрри тĕррин мерчен-ахахĕ

                         Упраннă хамăр халăх асĕнче.

                         Сÿнмен, сÿнмест--юлать чăваш сăмахĕ,

                         Пĕрне-пĕри хисеплеме пĕлсен.

1-мĕш ертÿçĕ: Çакăнпа хамăрăн каçа вĕçлетпĕр. Тавтапуç сире пурне те пире хапăл туса кĕтсе илнĕшĕн.

2-мĕш ертÿçĕ: Таймапуç сире пурне те.