Ағашты әртүрлі тәсілмен кесуді үйрету
план-конспект урока по технологии (5 класс) на тему

Ағашты әртүрлі тәсілмен кесуді үйрету

Батыс Қазақстан облысы, Жәнібек ауданы, Жалпы білім беретін  Т.Жароков атындағы орта мектептің технология пәні мұғалімі

Шүкіров Сүйінғали Сағынтайұлы

Сабақ жоспары /25-26 сабақ/

Технология  пәні.                                                            2011-2012 оқу жылы.

Мұғалімі: Шүкіров Сүйінғали Сағынтайұлы

Мерзімі: 6  желтоқсан

Сыныбы: 5«А»

І. Сабақтың тақырыбы:  Сарамандық жұмыс

                                              « Ағашты әртүрлі тәсілмен кесуді үйрету»

ІІ. Сабақтың мақсаты:жақ тәрізді арамен, қол арамен, наградкамен жұмыс   істеудің сарамандық дағдысын игеру.

ІІІ. Сабақтың түрі: сарамандық жұмыс

ІV. Сабаққа керекті құрал-жабдықтар, көрнекілігі  жақ ара, қысқыш, екі сапты ара, қол ара, наградка, ағаш кесетін үстел, сүргі, үшбұрышты сызғыш, метр өлшегіш, сызғыш көлемі 200х20х1000 мм тақтай.

V. Пәнаралық байланыс: бейнелеу өнері

VI.Сабақтың мазмұны мен өту барысы:

1. Ұйымдастырылуы оқушыларды түгендеп, журналға белгілеу - 3 мин

1. Жұмысты орындау реті:

1. Ағашты кесуге арналған аспаптың әдістерімен, құрылысымен және қызметімен танысу.
2. Ағашты талшық бойымен қөлдеңенінен кесу;
3. Ағашты талшық бойымен тігінен кесу;
4. Қол арамен кесу.

Жұмыс туралы қажетті мағлұматтар.

Кесу – ағаш материалдарын белгілі бір мөлшерге лайықты етіп дайындау.

Кесінді – дайындалған ағашқа неғұрлым дұрыс пішін мен мөлшер беру мақсатында материалдардың артық бөлшектерін алып тастау.

Аралап кесу – әртүрлі пішінде бөлшектер алу үшін ағашты аралау, ішінара тілу.

Ағаш талшығының орналасуына қарай кесуге байланысты аралаудың бірнеше тәсілі бар: а) талшық бойымен жүргізілетін бойлай тілу; ә) талшықты кесе көлдеңенінен тілу; б) талшыққа қиыстай жүргізілетін бұршытап кесу.

Өзінің құрылысына қарай қол аралары екі топқа бөлінеді керіп созылған аралар, қатты аралар. Керіп созылған аралар тобына – жақ тәрізді аралар, қатты аралар тобына – қарапайым қол аралар, екі сапты аралар жатады.

Жақ тәрізді ара дегеніміз – жақтың ағаш бөлігіне бекітілген ұзын жұқа ара. Құрылысы екі тіреуден, екі тұтқадан, тіректен, адырнадан және бұраудан тұрады.

Жақ тәрізді аралардың үш түрі болады: ірі тісті - дайындама тақталарды кесуге және көлдеңен аралауға арналған, орташа тісті – бұдыр алуға және біріктірілетін бөлшектерді тесіп жасауға қолданылады, ұсақ тісті – қисық сызықпен кесуге және әшекейлеу жұмыстарына қолданылады.

Қол ара – жалғыз тұтқалы, қатты ара. Ағашты қайта кескенде және көлдеңен бағытта мол дайындама жасау кезінде қолданылады.

VII. Сабақты қорытындылау:Әр оқушыға практикалық жұмыс орындату,

                                                           талқылап бағалау.

VIIІ. Үйге тапсырма:  §6.2.  оқулықтың 47-48 беттері

ІХ. Пайдаланылған әдебиеттер:

1. «Мектептегі технология» әдістемелік журнал
2. 5 сынып Технология оқулығы