Сценарий праздника "Шагаа" для учащихся 1-11 классов
методическая разработка
Предварительный просмотр:
“Хаван чылы моорлап келди,
Хоор чонум чолукшуулу!”
деп 1-11 класстың өөреникчилеринге Шагаа байырлалынга тураскааткан оюн-мөөрейлиг кежээниң сценарийи.
1)С-А:
Аян ырлыг, арбын малдыг
Ак-көк Тыва байырлап тур,
Ада-өгбе дамчып келген,
Авыралдыг Шагаа, мендээ!
*4 башкының ырызы “Шагаа-биле!”
3)2 башкарыкчы деңге номчуур (С-А, А.):
Шагаа келди, ойнап хөглээл!
Шагаа келди, амырлажыыл!
*”Амырлажыр ёзулалды” 5-6 класстың өөреникчилериниң көргүзери.
-Амыргын-на бе?
-Амыргын-на, амыргын! Өгже кирээлиңер, уруглар!
-Мал-маган, ыт-куш сол-ла тур бе?
-Сол-ла, сол-ла тур!
-Оът-сиген, тараа-быдаа чаагай-ла тур бе?
-Чаагай-ла тур,чаагай-ла!
-Аарыг-аржык, думаа-ханаа өршээлдиг-ле бе?
-Өршээлдиг-ле ийин, өршээлдиг!
4)А:
Айым чаазы, Хүнүм экизи,
Ужур ындыг, чаңчыл ындыг.
Улуг-биче чолукшуулу,
Уруг-дарыг амыразын! (залда чыглып келген бүгү чон чолукшужар, улуг назылыг болгаш хүндүлүг кижилер-биле кадак тудуп чолукшуур.)
5)С-А:
Ада-өгбе бурун шагдан
Айның чаазын уткуп аарда,
Оран-таңдаа чалбаргылаар,
Одун-көзүн арыгладыр
6)2 башкарыкчы деңге номчуур (С-А, А):
Күзеп, манаан чылывыс
Хаван чылын уткуулуңар!
Хамык чоруун чогуткан
Ыт чылын үдээлиңер!
*Чалбарыг (Шаратай К.К.):
Өршээ хайыракан!
Эрги чылды үдеп,
Чаа чылды уткуп тур мен!
Эр сарыг Ыт чылы,
Эрте берди, Өршээ!
Хамык чонну омакшыдар
Хаван чылы чедип келди!
Авыралдыг оран-таңдым, черим-чуртум!
Аарыгдан астырып тур,
Арбын чонга кадыкшылдан хайырла!
Айыыл-халап, човулаңдан дестирип тур,
Амыр-тайбың, аас-кежик доктаазын!
Өршээ хайыракан!
“Байыр самы” (күүселдеде 1-5 класстарның уруглар бөлүү). Тургускан башкызы: Донгак А. Ч.
7)А:
Тывынгыр-даа, угаангыр-даа, сагынгыр-даа,
Тывызыксыг, өөрүшкүлүг ойнап-хөглээр
Тыва чоннуң бурун шагдан байырлалы-
Шагаа-биле, Шагаа-биле! (деңге номчуур)
8)С-А:
Шагдан тура манаанывыс
Шагаавыс-даа эгеледи!
Мерген сөске кагжыр, чижир.
Чеченнерни дыңнаалыңар!
9)А:
-Араңарда чеченнер бар бе?
-Ийе, ийе, чеченнер бар, бистер-дир бис! (2 оол – Базыр-оол С. биле Чыпсын А. чеченнежир)
1)С:
-Дыңнаңар че!
-Чечен менде, чечек черде.
Мерген менде, мезил хемде.
2)А:
-Улар дагда, уран менде,
Бодал менде, Богда дээрде!
3) С:
-Хайым-дыр бис, карак-ла бо,
Катап база кагжыптаалы!
4)А:
-Ынчангай-ла ында чүү боор!
Чок боорда, чогум чүү чогул?
5) С:
Дээрниң тепкиижи чок,
Черниң баганазы чок,
Агаарның чүзүнү чок.
6)А:
-Авай-авай, ана аттыг кижи-дир сен.
Чүү чүве эң бергел,
Чүнүң-биле бадыткаар сен?
7) С:
-Эриин ашкан далай берге,
Эзер алган аът берге,
Эзим чигген өрт берге,
Эрбег үнген аал берге.
8)А:
-Туларың чок, тулган-дыр сен,
Тура дүшпес, эрес-тир сен...
10)А:
-Дүрген чугаа, узун тыныш чугаалаанда,
Дүжүп бербес болгай силер?
Дүрген чугаа, узун тыныш кымда барыл?
(Дүрген чугаа – Ондар М.- 4 класс., Базыр-оол С.- 5 класс).
(Узун тыныш-Ховалыг А-С.- 4 класс., Монгуш А.-5 класс, Монгуш Н.-8 класс)
“Тыва аялгалар” (күүселдеде – уруглар садының холушкак бөлүү.) Тургускан башкызы: Донгак А.Ч.
11)С-А:
-Бурунгу тыва өгбелеривис Шагаада шээр малдың сыыргаан ушта тыртарынга, моюн сөөгүн оора долгаарынга, ээги, чилиглиг сөөктерни чара долгаарынга, бода малдың хендирбезин сый шанчарынга адааннажып-мөөрейлежип чораан.
-Ынчангаш “Хендирбе сый шанчарынче” 8-11 класстың оолдарын чалап тур бис!
*Ыры “Мен тыва мен” (күүселдеде-Самбуу Б, Самбуу Д)
12)А:
-Улуг-биче мөөрейлежип,
Удур-дедир чижип ойнаар,
Узун-кыска санын санап,
Ужуктуруп тевер тевээм.
13)С-А:
-Аскаңгыырлап, сүрүп чиңнээр,
Адааннажып, кызыл-чиңнээр,
Авый-шавый далгып тевер,
Амыр эвес эрлер ойну!
*Тевектеп билир, күзелдиг өөреникчи оолдар тевектээр!
14)А:
-Аъдым тудуп, шалбалаарда,
Ажыктыг-ла аргамчымны!
*”Аргамчы октаары” (1-4, 5-11 класс оолдары)
15)С-А:
Дыка чараш, көрүштүг-даа
Тыва чоннуң чоргааралы:
Тыва тону, идии, бөргү,
Дыка чараш хептери-дир!
Даглыг ховар Тывавыстың
Тывызыксыы ында сиңген!
*“Тыва-хевим-чоргааралым” деп мөөрей-көрүлде.
16)2 башкарыкчы Йөрээлди деңге номчуур (С-А, А):
Чаа үнген Хаван чылда
Чаяалгаңар, күзелиңер бүдер болзун!
Ада-ие, ажы-төлге - бүгү чонга
Аас-кежик, өөрүшкү доктаап турзун!
Ажыл-ишке, чуртталгага
Арбын-көвей чедиишкиннер кээп-ле турзун!
Эртем оруу ажы-төлге
Ээрем дег ханы болзун!
Амыдырал-чуртталгавыс
Ам-даа улам экижизин!
Курай, курай!
По теме: методические разработки, презентации и конспекты
![](/sites/default/files/pictures/2012/06/15/picture-92203.jpg)
Приключения Остапа Бендера и Кисы Воробьянинова Новогодний сценарий для учащихся 9 -10 классов.
Сценарий, представлен для учительских, студенческих капустников, с песнями, танцами....
![](/sites/default/files/pictures/2014/01/27/picture-391069-1390841906.jpg)
Новогодний сценарий для учащихся 5-9 классов
Материал для проведения Новогоднего праздника для старшеклассников: 5-9 классы, так же можно предложить и для 9-11 классов....
![](/sites/default/files/pictures/2018/11/06/picture-656717-1541529111.jpg)
Сценарий выступления учащихся 8 а класса в рамках внеклассного мероприятия "Дни британской культуры" У. Шекспир "Гамлет"
Данная сцена из пьесы У. Шекспира "Гамлет" была представлена учащимися 8 а класса в 2015 году в рамках внеклассного мероприятия "Дни британской культуры", проведенного мной и моими коллегами - учителя...
![](/sites/default/files/pictures/2015/11/08/picture-705087-1446999243.jpg)
сценарий для учащихся 5-7 классов "Осений калейдоскоп"
конкурсы на осеннюю тематику для учащихся 5-7 классов...
![](/sites/default/files/pictures/2017/06/22/picture-843870-1498152446.jpg)
Сценарий для учащихся 8-10 классов "Да здравствует любовь!"
Сценарий для учащихся 8-10 классов "Да здравствует любовь!"...
![](/sites/default/files/pictures/2018/09/29/picture-1062792-1538223846.jpg)
Сценарий выступления учащихся 7 А класса на фестивале "Мы - вместе"
Класс представил республику Беларусь на фестивале....