Урок Теркай Туркма
план-конспект урока (11 класс) на тему

Гом урочы пълан 11 къласы  

«Сау денджыз œппœтœй саудœр махœн у…»

 (Булкъаты Михалы роман «Теркœй Туркмœ»-мœ гǽсгǽ)

                                                                                                      (30. 01. 15 аз.)

Урочы нысантœ: 1. Уацмысы мидис œмœ темœ сбœлвырд кœнын.

                              2. Уацмысы сœйраг конфликт œмœ ныхмœвœрд фœлгонцтœ равзарын.

                              3. Райгуырœн бœстœмœ уарзондзинад гуырын кœнын рœзгœ  фœлтœры  зœрдœты.

Урочы хуыз:    урок-проект

Урочы эпиграф:        «Ǽцœгœлон бœстœйы œлдарœй дœр зын цœрœн у». 

  Урочы фœлгонц:

         1.Эпигрœф.

         2. Видеофильм

         3. Къулыгазет

 -Байхъусут телебакаст «Туркаг ирœттœ»-йǽ скъуыддзагмœ

œмœ зœгъут, цавœр цау нын œрлœууын кодта нœ зардыл œмœ цœмœн райдыдтам нœ урок ацы хабарœй, цœуыл уыдзœн нœ ныхас абоны урочы?

  (Туркмœ лидзœг адœмы  трагикон хъысмœтыл)

 Уœдœ нœ урокœн дзœгъœлы нœ райстам мœнœ ахœм  темǽ: «Сау денджыз œппœтœй саудœр махœн у»

 Эпигрœфœн та œмбисонды ныхœстœ: «Ǽцœгœлон  бœстœйы œлдарœй дœр зын цœрœн у».

  Урочы кœрон ма сœм раздœхдзыстœм.

Ахуыргœгнœг. Истори у адœмы царды  чиныг, œнœмœнг чи хъœуы, ахœм сœйраг чиныг, адœмы царды уǽвынад œмœ се̉̉̉̉̉̉̉̉̉̉̉ гъдœутты цыртдзœвœн; фыдœлты ныстуантœ фœстагœттœн, абон хъœздыггœнœг œмœ œмбарынгœнœг, фидœнамонœг»… Афтœ фыста зындгонд уырыссаг историк Н. Карамзин адœмы историйыл дзургœйœ.Уœлдай ахсджиагдœр та ацы ныхœстœ сты мах хуызœн чысыл адœмты историйыл дзургœйœ.

 -О, хъœбатыр хǽстон адœм уыдысты нœ рагфыдœлтœ. Фœлœ амондджын нœ рауад нœ хъысмœт историйы. Фыццаг гунты ныхмœ тохы œрдœг фесты нœ кадылмард фыдœлтœ, уый фœстǽ та сœ тœтœры œрбабырст ныппырх кодта Кавказы хœхты цъассыты. Цы армыдзаг адœм ма баззад ирœттœй, уыдоны иу къорд та Турчы œдзагрœг быдырты баззадысты.

 -Абоны урок сарœзтам проекты хуызы.

 Скъоладзаутœ дихгонд œрцыдысты 3 къордыл.

-Ǽркœсœм ма уыцы заманы историон хабœрттœм.

 -Куыд œгъдауœй афтыдысты ирон адœм Туркмœ?

Ацы фарстœн œрмœг бацœттœ кодта 1-аг къорд. 

1-аг скъоладзау.Уырыссаг-туркаг хœст куы банцад, уœд ирон  хœстонтœ дœр сыздœхтысты сœ райгуырœн уазœгмœ, адœм сын цины куывдтœ факодтой, скодтой сыл кады зарджытœ.Паддзах сын радта хохœй быдырмœ ралидзыны бар. Кодтой амондджын царды уынаффœтœ. Фœлœ уœдмœ стыхджын уырысы паддзахы колониалон политикœ дœр. 1840-м азы рацыд паддзахы бардзырд, цœмœй быдыры зœххытœ угœъдгонд œрцœуой. Бœргœ ма архайдтой ирон адœм сœ зœххытœ бахъахъхъœныныл, фœлœ та уœдмœ рацыд ног бардзырд: «Зœххытœ асыгъдœг кœнын ирœттœй 1849 азы уалдзœгмœ, œмœ дзы œрцœрœд

 Владикавказы фыццаг хъазахъхъаг полк». Афтœ 1851 азмœ быдыры хъœуты ( цалдœры ) иунœг ирон хœдзар дœр нал аззад ; чи фœстœмœ хохмœ алыгьд, чи  Кœсœгмœ, сǽ иннœ хай та сœ сœр бафснайынœн равзœрстой пысылмон Турк.

2-аг скъоладзау.19-м œнусы райдианы райдыдта Кавказы адœмты хœст Уœрœсейы паддзахы ныхмœ. Йœ сœргъы œрлœууыд дагъистайнаг имам Шамиль. Хœст уыд дœргъвœтин, йœ фœстœ ирœтты иу хай райста пысылмон дин. Уыдон тарстысты, сœ дин сын чырыстон динимœ куы сœмхœццœ кœной, уымœй œмœ сагъœсы бацыдысты. Фœстœдœр куыд рабœрœг, афтœмœй уыцы идейœтœ парахат кодта паддзахы администраци. Уый йœ колониалон политикœ  хъахъхъœнгœйœ, стœй хœххон адœмты ныссабыр кœныны тыххœй сразœнгард кодта Кавказаг адœмты егъау хай Туркмœ алидзыныл. Уыдонимœ ирон адœмы иу хай дœр. Уыцы хъуыддаг хœсгонд œрцыд паддзахы œфсады инœлар Куындыхаты Муссœйœн. Афтœмœй ирон адœмы иу хай Туркмœ хуыздœр цардœнхъœл аивылд. Уый уыд ирон адœмы трагедии. Ирон лигъдœттœ фыдœнхъœл фесты, цы дзœнœты бœстœйœ сын ныфс œвœрдта Муссœ, стœй моллотœ дœр, уымœй. Бœргœ ма чидœртœ афœнд кодтой фœстœмœ раздœхын, фœлœ уый œнцон хъуыддаг нœ уыд.

Кœй зœгъын œй хъœуы, туркаг ирон адœмœн Муссœйы ном сси œлгъыстаг (« Уœ Муссœ, дœ хъœбул амœла»).

  Ахуырганаг .Ирон адœмы ацы трагедион цау йœ бынат ссардта ирон фысджыты сфœлдыстады, стœй кавказы иннœ адœмты литературœйы дœр. (Зœгъœм, Идрис Базоркин «Из тьмы веков»).

    Фыццаг ирон профессионалон поэт Мамсыраты Темырболат , фыццаг ирон публицист Хъаныхъуыты Инал , фысджытœ Багаты Умар œмœ Булкъаты Михал зœрдœрисгœйœ œвдисынц цаутœ.

   Абон мах бацархайдзыстœм Булкъаты Михалы роман «Теркœй Туркмœ»-йы сау денджыз œппœтœй саудœр цœмœн уыд, Туркмœ алидзœг адœмœн уый сбœлвырд кœнын. Уымœн нын феххуыс уыдзœн уацмысы конфликт œмœ ныхмǽвœрд фœлгонцты равзœрст.

  -Уацмысы сюжет нœ зœрдыл цыбыртœй œрлœууын кœнœм. (скъоладзау)

                    Фœрстытœн дзуаппыта.

  -Чи сты уацмысы сœйраг архайджытœ?

                                          (Муссœ œмœ Темырболат)

  -Чи уыд Муссœ? Чи уыд Темырболат?

    (Муссœ- паддзахы œфсады инœлар, Темырболат- фыццаг ирон профессионал поэт, Муссœйы хœрœфырт).

  -Кœрœдзимœ цавœр цœстœнгас дардтой?

                                      (Фыдœх цœстœнгас)

  -Цœмœн? (Уымœн œмœ цардмœ кастысты алыхуызон цœстœнгасœй).

Ахуыргœнœг.  Абарœм сœ уœдœ кœрœдзиуыл.(Скъоладзаутœ радыгай дзурынц тезистœ Муссœ œмœ Темырболаты характеристикœтœн œмœ сœ дœнцœгтœй фидар кœнынц).

Муссœ.                                                         Темырболат.

1.Хинœйдзаг адœймаг.                              1.Растзœрдœ адœймаг.

2.Йœ адœмыл гадзараха-                           2.Патриот.

тœйцœуœг.                        .

3.Муссœ сайы адœмы                                 3.Темырболатœн œнœуынон

 дины номœй.                                                 сси йœ дин.

4.Тœппуд адœймаг                                      4.Хъœбатыр,ныфсхаст.

5.Кœрœф, хиуарзон                                     5.Цœттœ у адœмœн œххуысмœ

адœймаг.

6.Фыдзœрдœ адœймаг.                                6.Фœлмœнзœрдœ адœймаг.

7.Хœстон лœг.(кард).                                  7.Зарœггœнǽг, поэт.(фœндыр).

Муссœ                                                                                                  

1. Хинœйдзаг адœймаг.

Муссœ у хинœйдзаг адœймаг.Асайдта ирон адœмы се мдин адœммœ сœ кœй алидзын кодта , уымœй.  Ǽмœ мœнœ куыд  зœгъы: Булататы Михал: «Ныртœккœ  лœгмœ Сырдоны  зонд куы уаид…» Абарста Муссœйы нарты Сырдонимœ.

2. Муссœ у гадзрахатœйцœуœг.

Муссœ гадзрахатœй рацыд йœ адœмыл, дзœнœтон бœстœйœ  сын ныфс кœй œвœрдта , уымœй. Уый хъавы Турчы дыккаг Ирыстон саразын œмœ йœ сœргъы та йœхœдœг куыд œрлœууа. Ǽмœ мœнœ куыд хъуыды кœны: « Турчы дœр та кœд нœ фесœфид…»

3. Муссœ сайы адœмы  дины номœй.

 Уœрœсейы паддзахы хицауад Кавкакз басабыр кœныны иунœг мадзал уыд – Туркмœ асайын адœмы.Туркмœ чи нœ акома, уыдоны та Сыбыры амœттаг бакœндзысты, зœгъгœ. Мœнœ куыд дзуры Муссœ  адœмœн, дины номœй сœ сайы: «Кœнœ Сыбыр, кœнœ Стамбул œмœ уœ дин». Муссœ œппындœр гуырысхо нœ кодта , пысылмон лœг Стамбулмœ кœй алидздзœн, уыуыл.

4.Муссœ уыд тœппуд адœймаг. Темырболаты  «Ирыстоны  исчи былысчъилтœ кœна, фœлтау зœгъы абон сœ мœлœт œрцœуœд Темырболатœн дœр œмœ йœ  «Сагъœстœн» дœр Турчы бœстыл. «Цœйнœфœлтау…»

 (Тœппуд адœймаг)

5. Мусса уыд зыд, œнœфсис адœймаг. Цыдœриддœр œхца œрдомдта, уыдон фœстаг капеччы онг йœхирдыгœй фесты.

6.Мусса уыд фыдзœрдœ адœймаг. Уый œппындœр лидзœг адœмы  мœт нœ уыд, œрмœстдœр œй уыд йœхи уды кой. Мусса Турчы дœр œвзœр нœ цард, пашайы ном ын радтой. 1879 азы сси, Туркœн чысыл Азийы цы œфсœдтœ уыдис,  уыдоны сœйраг штабы хицау. Фœлœ йœ фœдыл цы     адœм ацыд, уыдон тœдзынœгœй цыхцырœгмœ бахаудтой. Муссœ сын уым цы амондджын цардœй зœрдœ œвœрдта, уымœн йœ фœд дœр нœ федтой.

7. Муссœ уыд  œфсœддон лœг. Терчы зылды хицау Лорис Меликов йœ стъолœй систа œхсаргард  œмœ йœ бœлœвœрдта Муссœмœ. «Айс дœ кард.» Уый уыуыл дзурœг у, œмœ кœй уыд œфсœддон адœймаг.

 Темырболат.

1.Рœстзœрдœ адœймаг. Темырболат уыд рœстзœрдœ адœймаг. Ǽмбœрста, Турчы лидзœг адœмœн хорз цард кœй нœ уыдзœн, уый. «Цы хорздзинад нын ратдзысты. Кœдœм лидзœм нœ Хуыцау œмœ нœ дин агурœг…» зœгъы Темырболат.

2.Патриот.

Темырболат уыд патриот. Ǽнœкœрон уарзтœй уарзта йœ райгуырœн Ирыстон. Лидзœг адœм сарœзтой зарœг. Уыди дзы ахœм ныхœстœ: «Стамбулмœ цœудзыстœм. Урс дзул мыдимœ хœрдзыстœм.» Уыцы ныхœстœ заргœ адœм цыдысты уынгты.» Темырболат та сœм мœсты кодта. Ǽмœ ныффыста œмдзœвгœ «Сагъœстœ», кœцыйы ис мœнœ ахœм ныхœстœ: «Уœ нœ хœхтœ, нœ бœстœ! Цœй цард ма ис уœ фœстœ». Темырболатœн тынг зын у йœ райгуырœн фœхауын œмœ мœнœ йœ ацы ныхœстœ уымœн сты œвдисœн:  «Лœгœн йœ райгуырœн бœстœ кœм фœуд кœны, уым фœуыд кœнынц йœ цœрœнбонтœ дœр œмœ йœ цард дœр». Мœлœтœй зындœр œм каст йœ уарзон Ирыстон œндœр бœстыл баивын. Дыууœ хатты бафœлвœрдта йœхимœ йœ къух сисыныл дœр.

3. Темырболатœн œнœуынон сси йœ дин.

Темырболатœн œнœуынон сси йœ дин дœр. Моллотœ дины номœй сайдтой адœмы, цœмœй алидзой се̉̉̉ мдин адœммœ. Уым сын дзœнœтон цард кœй уыдзœн, уыуыл сœ ǽууœндын кодтой. Уымœн афтœ зœгъы Темырболат: «Адœмы сœ фыдыбœстœй цы хуыцау иппœрд кœны, уымœ нырœй фœстœмœ кœсдзынœн œндœр цœстœй».

4.Хъœбатыр, ныфсхаст.

Темырболат у хъœбатыр, ныфсхаст. Фœндагыл адœмыл сыстадысты алыхуызон хœцгœ низтœ. Черкесаг сывœллон доннизœй амард. Боцмœн зианы мады кœуын дœр нœ бауагъта, афтœмœй сабийы гœдыйы лœппынау донмœ фехста. Махмуд боцмœнмœ фœлœбурдта. Туркаг дамбаца фелвœста, фœлœ йыл уœдмœ цœцœйнаг йœхи ныццавта. Матростœ цœцœйнагыл œрхъула сты. Темырболат уый куы федта, уœд се̉̉ хсœн скуыси œмœ дзы дыууœйы донмœ фехста.

Цы науы сœ ластой, уый фœхуынкь œмœ дон мидœмœ калд. Махмуд уыцы хуынкъ йœхицœй бацауœзта. Уыцы рœстœг Темырболат та Махмуды агуырдта. Махамуд доны тых нал баурдта œмœ къулрœбын œрдыдагъ ис. Дон ногœй ныццавта. Фœлœбурдтой йœм Темырболат œмœ йе̉̉̉̉ мбœлттœ. Доны дзыхœй йœ раскъœфтой. Темырболат та йœ бынаты слœууыд.

5.Цœттœ у адœмœн œхуыссмœ.

Темырболат у адœмуарзон, кœдфœндыдœр у цœттœ адœмœн баххуыс кœнынмœ.

Батумы наулœууыны боцмœны цœфœй йœ мадимœ донмœ цы саби ахауд, уый омынмœ фœцис œмœ йœ ныййарœджы хъœбысы йœ уд систа.Ус йœ рустœ тыдта œмœ цъœхаст кодта. Темырболат ын йœ къухтœ œрцахста, стœй аивœй хъисын голлагыл рахœцыд œмœ йœ мард сабийыл œрœмбœрзта. Мад фœгœпп ласта œмœ йœ сœр науы гœзœнхъœдыл ныххоста, фœлœ йыл Темырболат ныххœцыд, бамбарын ын кодта: боцмœны ма œркœсын кœн, кœннод зианы донмœ аппардзœн œмœ йœ кœсœгтœ бахœрдзысты.

6.Фœлмœнзœрдœ адœймаг.

Темырболат у фœлмœнзœрдœ адœймаг. Йœ бœх Ǽрфœн куы амард, уœй йœ œнœ ныгœдœй нœ ныууагъта, фœлœ йе̉̉̉̉ мбал Хъуыбадыйœн загъта, Ǽрфœны сыджыты хай фœкœнœм, тœригъœд у, сынтытœ йœ бахœрдзысты, зœгъгœ.

Турчы зœххы иу сылгоймагœн йœ сывœллоны райста, аххуысс ын кœнон, зœгъгœ.Темырболат базыдта,сывœллон мард кœй у,уый. Раст,цыма йœ хъœбысы саби нœ,фœлœ дойнаг дурр,ис. Афтœ йœм фœкаст мад œй нœ базыдта, йœ саби йœ къухты кœй амард,уый. Михал дœр уымœн зœгъы:«Мœрдтœ фœцœуынц Турчы зœххыл». Афтœ бафœлмœцыдысты фœндагыл œмœ сœм ницыуал хъардта. Сылгоймаг куы бамбœрста хабар, уœд йœ сабийы здыхуыз былтœм ныккаст œмœ йœ мидбынаты барызт. Темырболат идадзы раз йœ зонгуытыл лœууыд œмœ куыдта.

7. Зарœггœнœг  поэт (фœндыр).

Темырболат уыд зарœггœнœг, поэт. Туркмœ лидзгœйœ дœр йœ фœндыр уыд йемœ. Дыккаг хатт йœхи марынвœрд скодта. Дамбацœ куыддœр къœмисœныл œндзœвыд, афтœ фœндыры хъœд домбацœйœ къœмисœны œхсœн œрбабырыд œмœ хœцœнгарз уœлœмœ сриуыгъта. Фыййау œм фœрœвдз œмœ йын дамбаца йœ къухтœй стыдта œмœ йœ былœй фехста. Темырболат бафœдзœхста: «Дœ зœрдыл дар лœппу: кадœггœнœг œмœ фœндырдзœгъдœг хъœубœсты исбон сты. Кадœггœнœджы дамбаца ницœмœн хъœуы, Кадœггœнœг œмœ фœндырдзœгъдœгœн сœ хœцœнгарз хуамœ уа, Теркœй Туркмœ лидзœг адœмœн зынвœндагыл ахъаз чи фœуыдзœн, ахœм сагъœс œмœ зарœг».

Ахуыргœнœг.  Уœдœ куыд федтам,афтœмœй Куындыхаты Мус сœ œмœ Мамсыраты Темырболат сты ныхмœвœрд фœлгонцмœ.Уымœ гœсгœ дих кœнынц уацмысы персонажтœ дœр.Ацы дыууœ къорды ̉،хсœн цœуы тох. Уыцы ныхмœлœуыдыл арœзт у уацмысы сœйраг конфликт дœр.

     Ирон лигъдœттœ фыдœнхъœл фесты,цы дзœнœты бœстœйœ сын ныфсытœ œвœрдта Муссœ, стœй стœй моллотœ дœр уымœй.Бœргœ ма чидœртœ сфœнд кодтой фœстœмœ раздœхын,фœлœ уый œнцон хъуыддаг нœ уыд.Кœсœм уœды заманы архивон гœххœтт: «1872 азы 850 «черкесак» бинонтœ, фœстœмœ нын нœ райгуырœн бœстœмœ ацœуыны бар раттут, зœгъгœ, ахœм курдиат балœвœрдтой.Уœрœсейы минœвар Константинополы инœлар Игнатьевмœ. Сœ тыхст уавœры тыххœй уыдон фыстой: «Ныр аст азы дœргъы кœнœм œххуырсты куыст.Цы тыллœг œрзайын кœнœм, уымœн йœ растœмбис айсынц зœххыты хицœуттœ. Исынц нын нœ фос, адœймаг цœмœйдœриддœр цœры, уый, суанг ма нœ сывœллœтты дœр, œмœ сœ

цагъайрœгтœй уœй кœнынц… Нœ уœрджытыл лœугœйœ дын лœгъстœ кœнœм œмœ йœ бœрзонддзинад императорœй ракур, цœмœй нын бар ратта нœ райгуырœн бœстœмœ аздœхынœн. Хуыцауы номœй дœ курœм, адзалœй, хъизœмары  цардœй нœ фервœзын кœн». Уыцы курдиатмœ 1873 азы райдианы император Александр  ̉̉̉̉3 ркасти, уœд ыл цœхгœрмœ бафыста: «Се ̉̉،рбаздœхыныл дзургœ дœр мачи кœнœд.»

Кœй зœгъын  œй хъœуы, туркаг ирон адœмœн Муссаœйы нои сси œлгъыстаг (Уœ, Муссœ, дœ хъœбул амœла»).

Цы зœгъдзыстут авторы позицийы тыххœй? Цавœр  цœстœнгас дары йœ геройтœм?

Булкъаты Михал тынг хорз зоны историон œрмœг, арœхстджынœй пайда кœны архивон документтœй, цы цауты кой кœны, уыдон цардœгасœй œрлœууынц нœ разы. Бœрœг у, Михал дœр хуымœтœг адœмы фарс кœй у, уый. Темырболаты фœлгонц ын уарзон у, Мусса та йын œнœуынон, œлгъыстаг.

Хатдзœгтœ.

- Абон мах бацархайдтам Булкъаты Михалы роман «Теркœй Туркмœ» равзарын. Абарстам ын йœ персонажты 2-аг къорды. Федтам уацмысы конфликт цœй мидœг ис уый. Уœдœ куыд схонœн ис уацмысы темœ?

(Теркœй Туркмœ лидзœг адœмы трагедии…)

-Цавœр у уацмысы идейœ та? Бакœсœм ма иу хатт эпиграф. Эпиграф уацмысы идейœ œвдисы?

(Ǽрыгон фœлтœрмœ райгуырœн бœстœмœ уарзондзинад гуырын кœнын).

Ахуыргœнœг.  - Бœстœй скъуыд адœм сœ райгуырœ  бœстœ тынг кœй мысыдысты ууыл фыста Цœлыккаты Ахмœт (йœхœдœг дœр уыдонœй уыд) йœ уацтœй иуы: «Где бы они не были, всегда их тянуло к родным местам, к далеким синим горам, к белоснежным вершинам, к серебристым синим потокам».

Ахуыргœнœг.   Абон дœр ирон адœмы схъис сœфт нœу Турчы зœххыл. Абоны урокмœ 2-аг къорд сœ проектон хœс бацœттœ кодтой доклады  хуызы.

Нœ къорды уœнгтœ œмбырд кодтой œрмœг ахœм темœйыл: «Фембœлдтœ туркаг ирœттимœ». Нœ проект бацœттœ кодтам доклады хуызы. Нœ районы газеты фœрстыл нœ цœст œрхœцыд иу цымыдисаг уацхъуыдыл «Мœ цœссыгтœ œркалдысты Турчы…» зœгъгœ ууыл. Ацы хабар œрцыд цалдœр азы размœ. Туркœй туристон балцœй сыздœхт ирон œвзаг œмœ литературœйы ахуыргœнœг Таутиты Минтœ. Йемœ фембœлд уацхœссœг Мыкагъаты Азœ.Минтœ тынг разыйœ баззад йœ балцœй. Радзырдта, туркаг ирœттœ кœй сты тынг уазœгурзаг, зœрдœхœлар адœм , бœрзонд œвœрд сœм кœй сты ирон œгъдœуттœ: фыдыбœстœ уарзын, хистœрœн œгъдау дœттын,кœстœрœн аргъ кœнын, фœллойыл иузœрдион уœвын.

Сœ ирон œвзагыл сœ къух нœ систой. Иронау тынг аив дзурынц. Дардддœр загъта, зœгъгœ, кœй сын бахœлœг кодта сœ кœрœдзиуыл бастдзинадмœ. Хœларœй цœрынц уымы абхазœгтимœ, цœцœн œмœ мœхъœлœттимœ. Туркœктœ дœр сœм тынг хорз цœстœй кœсынц.

Ирон гимназы уыдис фембœлд туркаг ирœттимœ. Уыдон уыдысты Стаамбулœй. Уарзджытœн тынг            хъыг уыдис, Цœгат Ирыстоны фœсивœд сыгъдœг кœй нœ дзурынц сœ мадœлон œвзагыл, уый. Мœнœ цы зœгъынц .

-Махœн нœ фадœттœ уыйбœрц нœ амонынц,фœлœ сымахœн та цы нœ фаг кœны? Ǽрмœстдœр Турчы нœ мадœлон œвзагыл фœдзурœм бинонтимœ,стœй ирœттœ куы œрœмбырд вœййынц, уœд. Уымœн œмœ мах, ирœтты, иронау дзурын œмœ кœсын нœ уагътой Турчы.

Махœн хистœртœ иудадзыг амыдтой œмœ ныр дœр амонынц, цœмœй ирондзинад, мадœлон œвзаг, ирон фарн макуы байрох кœнœм, цœмœй нœм œдзухдœр уа ирон сœрыстырдзинад.

Фембœлдмœ цы адœм œрœмбырд, уыдон стыр цымыдисœй хъуыстой, œцœгœлон бœстœйы чи схъомыл,уыдон куыд рœсугъд œмœ аив дзырдтой ирон œвзагыл, уымœ.

Газет «Вестник Беслана»-йы 18 январы 2014азы ныммыхуыр кодтой уац «Фатьимœты балц Терк-Турчы бœстœмœ»,зœгъгœ. Сœбœтхъуаты Фатъимœт бабœрœг котда Турчы йœ хœстœджыты. Уазœгуаты дзы мœй фœци, œрзылд йе ̉̉̉̉рвадœлтыл, йœ хион-къабœзтылœ. Сœбœтхъуатœй Турчы цœры дыууиссœдз хœдзары, Ирыстоны та сты œдœппœтœй-цалдœр. Фатъимœт йœ мысинœгты мœнœ афтœ зœгъы:

-Цы рœстœг фœдœн Турчы, уым нœ рахатыдтон национализмы œууœлтœ. Хœларœй, хъœрмудœй цœрынц. Куыд, Ирыстон, афтœ ам дœр кœнынц кœрдзынтœ, фыдджынтœ, цœхœраджынтœ œмœ œндœр алыхуызон джынтœ, фœлœ сœ махау кувгœ кœнынц, аразынц иннœ ирон хœринœгтœ дœр.

Хœларœй цœрынц иннœ адœмыхœтыттимœ, иу у сœ зиан дœр. Анталийы зианы уыдтœн, сылгоймœгтœ афтœ хъарœг кодтой, амондджын, дам уый у, йœ фыдœлты хœххыл чи сœмбœлы, йœ фыдœлты фœлмœн сыджыт кœуыл œркалынц, мах та, дам,  œцœгœлон бœстœйы мœлœм.

Мœ зœрдыл бадардтон Турчы цœрœг ирон Бады Елхъаны ныхас, уый загъта:

«Нœ ирондзинад лœууы œртœ бындурыл: Ирон œгъдау, Ирон œвзаг, Ирон œфсарм, œмœ сœ мах хъуамœ бахъахъхъœнœм цыфœнды рœстœджы, цыфœнды уавœрты дœр рœсугъдœй, цœмœй нœ фœстагœттœ суой нœ ирондзинады артдзœст хъахъхъœнджытœ.»

Рœстœг цœуы œмœ фарн  йемœ хœссы. Туркимœ бастдзинœдтœ фœфидардœр сты, фœзындис уавœртœ нœ туркаг œфсымœртœм уазœгуаты ацœуынœн, уыдонœй дœр бирœтœ сœ фыдœлты зœххœн салам дœттынц.

--Мах, 3-аг къорд,  нœ проектон куыст бœцœдтœ кодтам къулыгазеты хуызы ахœм темœйыл «Мœ къабаз фœсденджыз риссы» .

Эпигрœфœн ын райстам Уарзиаты Вилены ныхœтœ «Дон дœр йœ рагон фœд агуры.» œœœœ

Нœ газетмœ бахастам туркаг ирœттœ сфœлдыстадœй  œмдзœвгœтœ. Ныртœккœ уын сœ бакœсдзыстœм.

Кœронбœттœн.

Аргъ скœнын къордты куыстœн.

Хœдзарма куыст: œрœмбырд кœнын œрмœг фыссгœ куыстœн.