Доклад
занимательные факты по теме
Илеткел: «С.А.Сарыг-оолдуң чогаалдарынга даянып алгаш, технология кичээлдеринде уругларга алгы-кеш-биле ажылдарны кылдырып ѳѳредири»
Сорулгазы:
1. Уругларның практиктиг ажылдарын делгемчидип, күш- ажылга кижизидип, ѳѳредири.
2. Чоннуң езу- чаңчылдарынга ѳѳредип, шаандагы болгаш амгы үениң күш-ажылын деңнеп, дыл-домаан сайзырадыры, уругларның бот чогаадылгазын делгемчидери, амыдыралга ажыглаары-биле ѳѳредири.
Ажыглаан методтар: Бо ажылга тайылбырлап-бижиир (описательный), шинчилеп –тывар (частично-поисковый) аргаларны ажыглаан.
Ажылдың материалы: Дүктен болгаш кештен кылган ѳѳреникчилерниң ажылдарын технология кабинединде делгеп чыгганы.
Практиктиг ажыглалы: Уругларның хол-биле кылган ажылдарын школа музейинге делгеп салыры.
Скачать:
Вложение | Размер |
---|---|
![]() | 29.2 КБ |
![]() | 1.6 МБ |
Предварительный просмотр:
Тыва Республиканың «Алдан-Маадыр» аттыг национал музейи.
Илеткел: «С.А.Сарыг-оолдуң чогаалдарынга даянып алгаш, технология кичээлдеринде уругларга алгы-кеш-биле ажылдарны кылдырып ѳѳредири».
Бегзи Айдысмаа Алдын-ооловна-
Чаа-Суур муниципалдыг бюджеттен
хандырылгалыг нити билиг ортумак
школазының технология башкызы.
Илеткелдиң ады: «С. Сарыг-оолдуң чогаалдарынга даянып алгаш, технология кичээлдеринде уругларга алгы-кеш биле ажылдарны кылдырып ѳѳредири».
Сорулгазы:
1. Уругларның практиктиг ажылдарын делгемчидип, күш- ажылга кижизидип, ѳѳредири.
2. Чоннуң езу- чаңчылдарынга ѳѳредип, шаандагы болгаш амгы үениң күш-ажылын деңнеп, дыл-домаан сайзырадыры, уругларның бот чогаадылгазын делгемчидери, амыдыралга ажыглаары-биле ѳѳредири.
Ажыглаан методтар: Бо ажылга тайылбырлап-бижиир (описательный), шинчилеп –тывар (частично-поисковый) аргаларны ажыглаан.
Ажылдың материалы: Дүктен болгаш кештен кылган ѳѳреникчилерниң ажылдарын технология кабинединде делгеп чыгганы.
Практиктиг ажыглалы: Уругларның хол-биле кылган ажылдарын школа музейинге делгеп салыры.
Технология кичээлдери уругларны амыдыралга ѳѳредир онзагай кичээл. Кичээлден алган билиин уруглар амыдыралынга улаштыр ажыглаар кылдыр ѳѳренип алыры дээрге-ле башкының чедиишкини, талантызы. Ынчангаш кичээлге ѳске материалдар-биле уругларны таныштырып, деңнелге ажылын чорудуп, слайд-карточкаларны ажыглаары-уругларның билиг чедип алырының кол аргазы деп бодаар мен. Кол-ла чүүл ѳѳреникчилерни холу-биле тудуп кылырынга чаңчыктырары, ѳѳредип алыры.
Тыва кижиниң ажылгыр-кежээзи ооң кызымаанда. Ажылды шынарлыг кылдыр кылып билиринде деп чүүлдү уругларга билиндирери чугула.
Күш - ажыл – амыдыралдың ундезини. Ону кижи бүрүзү билир.
С.Сарыг-оолдуң « Ол-ла Маскажык» деп чечен чугаазы ѳѳредиглиг, кижизидикчи утказы улуг. Чечен чугааның бирги эгезинде автор пейзаж чурумалы болгаш Ууштар ашактың ѳг-бүлезин дамчыштыр эрги Тывада амыдыралды кѳргүскен.
Ийиги эгеде Маскажыктың мурнакчы ажылчын апарганы. Болуушкуннар Ада-чурттуң Улуг дайынынын чылдарында, Кызылдын алгы заводунда болуп турар. Автор тыва араттарның ажылчын мергежилди канчаар шиңгээдип алганын дайын чылдарында оларның харыысаалгалыын, патриотчу сеткилин кѳргускен.
Улусчу эрге- чагырга чылдарында Маскажыктың ажылчын болу бергени. Адазындан салгап алганы хѳм соктаар деп мергежилин ажыглааш, кызымак ажыл-ижин, күзел чүткүлдүүн амыдыралынга кѳргүскени.
Бо чогаалга даянып алгаш, дүк болгаш алгы-кештен кылган ажылдар дугайында беседаларны ажыглап, уругларга билиндирери чугула. Маскажыктың ачазының кылып турар ажылы- алгы ууштаар. Чогаалда чымчатпаан кадыг хѳмнү аар,чиик ийи докпак-биле эттеп- соп турарлар.
Шаанда тывалар чүгле алгы-кештен идик-хепти даарап кедип чораанын « Ол-ла Маскажыктан» кѳрүп болур:
- Күжүр ачай, чоруп-ла кѳрейн. Ам-на чѳпшээреп кѳр. Мооң-биле бѳгүн 4 ѳшкү кежи кургады эттедим-дээш, Маскажык бир ѳшкү кежин ынаа артынче аспышаан, чугаалаан.
Алгызын ачазы эдирээлевишаан, оглунче элээн үр ыыт чок кѳруп олуруп-олуруп:
- Чоруп шыдавас сен-деп шыжыгар.
- Ча, ол Семис-Кожай сугдан улдуң кылыр хѳмден барып айтыр. Оода идииң дүптеп берейн. Ындыг идик-биле канчап аңнаарыл…..
Оол кожайның кадайындан улдуң дилээрге, бүдүн инек кежи тудускаш, чүгле 2 чаагының кежин алыр сен дээш оолду чорудуптар. Чогаалда күш-ажылды уругларга билиндирип, малдың дүгү, кежи ажыктыг деп чүвеге кижизидери онзагай. Кештиң дүгүнден янзы-бүрү идик-хепти аргып кедип, энчек, ширтекти оон кылырын уругларга сагындырып, практика кырында ѳѳредири-күш-ажылга ынак болурунга улуг идигни берип турар.
«Ол-ла Маскажыкта» адашкылар ийи хүн ынчаар ыйгылдашкаш, демги хѳмүн чычады эттеп алган. Соктаар-даа, далгыыр-даа – ажыл улуг болган.
Дүк болгаш кештен кылыр ажылдарның ылгалын уругларга билиндирип алырда, амыдырал-биле холбааны чорудары чугула.
Улуг философ, ѳттүр кѳѳр кайгамчык бодалчы Фридрих Энгельстиң «Кижини күш-ажыл кижи кылган» дээни кончуг шын. Күш-ажыл кижиниң мага-бодун сайзырадып, күш-шыдал киирип, кѳрүштүг чараш угаан-медерели сайзыраңгай, бодамчалыг, кижизиг кылдыр кижизидип чоруур.
Уругларны күш-ажылга кижизидерде ажыл кылган кижи күш үндүрер, угаан-биле бодап кылыр, арга-дуржулга, мергежил негеттинер деп чүүлдү билиндирер.
Чогаалчывыстың күш-ажылчы кижизидилгеге ѳѳредиглиг, сургаалдыг чогаалдарының аразындан технология кичээлдеринге хамааржыр чогаалдарында алгы-кеш, аңныыр ажылын кѳргүзүп турар чогаалынга «Белек» деп баштайгы тоожу хамааржыр. Чогаалчы ол үениң амыдыралын Тываның ырак булуңнарының бирээзи Тожу чонунуң бедик патриотчу сагыш-сеткилин Хаяжыктың ѳг-бүлезин дамчыштыр кончуг эки тода дамчыткан. Аңчы авашкыларның (Илдирмаа, адыгжы, кырган-авазы) алгы-кежин союп, эптеп турарын тода кѳргүскен. Адыгжының база ооң кырган-авазының Кызыл шеригге дузалаар чорукка шаа-биле киржип турарын чырыткан. Хаяжыктың кожуун тѳвүнге садыгга келгени болгаш оларның белек дугайында бодалдарының улуг уткалыг болу бергенин билиндирбишаан, шынап-ла алгы-кештиң, дүктүң дузазының улуун, ажыктыын, херегин ѳѳреникчи бүрүзү билир-даа болза херек кырында холлу-биле дүктү дыдып, арыглап-чуп, ѳңнеп, ээрери онзагай ажыл дээрзин уруглар билип, амыдыралга ажыглап билирин уламчылаары- эртем башкының чедип алыр чугула сорулгазы.
Хүннүң чырыы-биле агаар, сугнуң хѳрзүнге амыдыралды чаяап турары дег кижини күш-ажыл кижи кылып чоруур дээрзи үлегер чижек. Чогаалчывыстың бо ийи чогаалын чижекке ап, уругларны күш-ажылга кижизидип, билиндирип, ѳѳредип турар үлегер домактарны, шүлүк үзүндүлерин чижекке киирип болур:
1. /легер домактардан:
Ажылдан дескен –түрегге дүжер,
Билигден дескен- чазыгга дүжер.
Ары чигири- амданныг,
Ажыл бүрүзү- ажыктыг.
Шүшпең кижи кѳскү,
Шүүлең инек сүт чок.
2. Шулуктерден:
1. Шүшпең болгаш чалгаа болза
Чүү-даа ажыл дек бүтпес.
Чүрек-биле чүткүл турда
Шүүтсүнер чүве турбас. (Ю.Ш.Кюнзегеш «Ажыл»).
2. Ажыл турда, хүннүң узаа-
Карыш хире кыскалап кээр.
Ажыл барда, күштүү тевии-
Каракка-ла уранчый бээр.
Ажыл турда чырык черге
Чуртталганың байы дендээр.
Ажыл барда, шыктыг кѳктүг
Чуртувустуң күжү дам баар. (Монгуш +лчей-оол «Ажыл турда»).
3. Чүгле харын эрес-кежээ,
Чүткүл, соруу күштүг болгаш,
Ажылдан-на салдынмаза,
Амыдырал ынчан эки. (М.+лчей-оол «Ажылдан-на салдынмаза»).
4. Ажыл шупту хүндүткелдиг
Аар, чиик деп ылгалы чок.
Ажыдыышкын, тиилелгеже
Алдын дүлгүүр – мергежил ол. (Ю.Кюнзегеш «Ажыл»).
С.А.Сарыг-оолдуң биске арттырып кааны алдын чогаалдары-номчуурунга болгаш күш-ажылга ынактарның, бердингеннерниң, салым-чаяаныгларның кезээде холдан салбас дүлгүүрү деп болур. Күш-ажылчы кижизидилге кижи бүрүзүнге ѳг-бүлезинден, бичиизинден эгелээрин бо чогаалдарны чижекке ап, ѳѳренир бис. Күш-ажыл чокта чуртталга турбас.
Ажыглаан литература даңзызы:
1. С.Сарыг-оол «Чогаалдар чыындызы».
2. С.Сарыг-оол «Ол-ла Маскажык» Тѳрээн чогаал ному 6 класс, арыннар 5-10.
3. Повелитель слов. Очерки о жизни и творчестве народного писателя Тувы С.А.Сарыг-оола. Кызыл-2003.
4. Салым-чаяанның күжү. Куулар Д.С. Тѳѳгү болгаш амгы үе. Кызыл-1982, арыннар 34-53.
5. Күш-ажыл дугайында Ю.Ш.Кюнзегештиң, +лчей-оол Монгуштуң шүлүктери, үлегер домактар.
Предварительный просмотр:
Подписи к слайдам:
Сорулгазы : 1. Уругларның практиктиг ажылдарын делгемчидип , күш - ажылга кижизидип , ѳѳредири . 2. Чоннуң езу - чаңчылдарынга ѳѳредип , шаандагы болгаш амгы үениң күш-ажылын деңнеп , дыл-домаан сайзырадыры , уругларның бот чогаадылгазын делгемчидери , амыдыралга ажыглаары -биле күш-ажылга кижизидип ѳѳредири .
Ажыл турда,хүннүң узаа - карыш хире кыскалап кээр . Ажыл барда, күштүү тевии - каракка -ла уранчый бээр
Дүктү савааштап турары
Эскиз-биле ажыл
Дүктү суг -биле шаптаары
дүктү ѳ зекте ораап турары
Холга ѳйүп турары
Ажылдың түңнели
По теме: методические разработки, презентации и конспекты
![](/sites/default/files/pictures/2012/06/06/picture-90508.jpg)
Слайды к докладу по теме: "Доклад по теме: "Воспитательный потенциал школьного педагога на уроке иностранного ".
Данные слайды отражают и суммируют основную идею доклада....
![](/sites/default/files/pictures/2013/09/26/picture-294891-1380204761.jpg)
Доклад:"Эффективность учебного занятия-стимул к успеху педагога и обучающегося" Доклад:" Профессиональная компетенция педагога в дополнительном образовании"
Млтивация ребенка на освоение нового для себя и интересного вида деятельности.Профессионально компетентным можно назвать педагога доп. образования, который на достаточно высоком уровне осуществляет пе...
![](/sites/default/files/pictures/2013/05/18/picture-250976-1368877336.jpg)
Доклад к педсовету от 27 марта 2013 г. Тема доклада: «Формирование продуктивных компетенций через участие учащихся в кружковой деятельности».
Развитие творческих способностей детей является неотъемлемой частью образовательного процесса, который включает в себя не...
![](/sites/default/files/pictures/2013/03/03/picture-215164-1362308126.jpg)
Доклад "ФОРМИРОВАНИЕ ИНФОРМАЦИОННО-КОММУНИКАТИВНОЙ КУЛЬТУРЫ ПЕДАГОГА." и презентация к докладу.
Аннотация:В данной работе рассматривается вопрос формирования и повышения информационно–коммуникационной культуры педагога современной школы. «Все течет – все изменяется», - говорили древние. Эт...
![](/sites/default/files/pictures/2013/03/03/picture-215164-1362308126.jpg)
Доклад "ФОРМИРОВАНИЕ ИНФОРМАЦИОННО-КОММУНИКАТИВНОЙ КУЛЬТУРЫ ПЕДАГОГА." и презентация к докладу.
Аннотация:В данной работе рассматривается вопрос формирования и повышения информационно–коммуникационной культуры педагога современной школы. «Все течет – все изменяется», - говорили древние. Эт...
![](/sites/default/files/pictures/2013/03/03/picture-215164-1362308126.jpg)
Доклад "ФОРМИРОВАНИЕ ИНФОРМАЦИОННО-КОММУНИКАТИВНОЙ КУЛЬТУРЫ ПЕДАГОГА." и презентация к докладу.
Аннотация:В данной работе рассматривается вопрос формирования и повышения информационно–коммуникационной культуры педагога современной школы. «Все течет – все изменяется», - говорили древние. Эт...
![](/sites/default/files/pictures/2013/09/26/picture-294891-1380204761.jpg)
Доклад: «Обновление практик обучения и воспитания в современном дополнительном образовании.» Доклад: "Развитие игровой технологии в образовательной практике"
Воспитательный процесс в системе дополнительного образования....