План«Ламонь – кърдань видонь глаголхнень сермадомасна» темать коряс
план-конспект урока (7 класс) на тему

МБОУ «Сузгарьевская СОШ»

Мокшень кялень урок

7 – це класса

«Ламонь – кърдань видонь глаголхнень сермадомасна» темать коряс

                                        Етафтозе: мокшень кялень и литературань тонафтысь

                                                          Нестеркина Е.Н.

Урокть темац. Ламонь-кърдань видонь глаголхнень сермадомасна

Урокть  целец. Тонадомс ламонь-кърдань видонь глаголонь тиема и корхтамста синь тевс сувафнема, видеста сермадома.

Тонафнефть лятфтамац.

Грамматическяй задания мархта диктант.

(сермадомс тонафтыть диктовканц ала текстть, мумс глаголхнень, вельхксозост тяштемс т буква, къда синь тифтень кърдань видонь, л буква къда синь ламонь кърдань видонь, няфтемс ламонь-кърдань видоь суфикснень)

   Пиже кузнятнень лангса, конат касыхть школать перьфкя, тялоньберьф ашезь лотксе нармонень чильфсь.

Шабатне повфнесть аннема вастт, и толгафне стаянь – стаянь валгондсть тоза ярхцама. Нармоттненди инь цебярь ялгакс арасть инь емла тонафнихненди.

1.2 Кудонь заданиять проверямац.

Тонафнихне морафтсазь 43 – це упражненияста примерхнень, азлмлк ня глаголхнень фкя лацонь ширеснон и тейст поладови ламонь-кърдань видонь суффикснень. Меле проверяви тонафнихнень нюрьхкяня азкссна, конань сермадозь Ф.В. Сычковонь «Подружки» картинанц коряс.

классти кизефкст.

 - Кодама действия няфтихть тифтень-кърдань видонь и ламонь-кърдань видонь глаголхне?

- Кодама суффикс велбде тиевихть ламонь-кърдань видонь глаголхне?

- Мезень ширде аф фкя лаца вятьсы прянц – кшне- ламонь-кърдань видонь суффикссь лиятнень коряс?

Од материалть тонафнемац.

Доскаса серматфт колонкаса глаголхт:

а) каладомс – калаткшнемс;

    видемс – витсемс;

б) ардомс – арнемс;

    пяльдемс – пяльнемс;

в) ваткамс – ватксемс;

    каямс – кайсемс;

г) къфчядемс – къфчиемс;

    калтадемс – калтыемс;

2.1. Учебникть мархта тевсь(мярьгови лувомс 9 – це параграфть)

3. Доскаса покодемась.

3.1. Полас-полас лисихть тонафнихть, учительть диктовканц ала сермадыхть 49-це упражненияста тифтень валрисьме.

3.2. Самостоятельнай работа.

Тонафнихне самостоятельна тисазь 45-це упражнениять, шарфтомок мяль ламонь-кърдань видонь суффикснень инголе согласнайхнень сермадомаснонды.

3.4. Индивидуальнай работа.

3.5. Налхксема

«Кроссворд». Пяшкуодемс шава клеткатнень кержи ширде видити аф определеннай формаса эрявикс глаголса, штоба васенце букваснон эзда лисель синоним валсь.

1. Лоткамс увнамда, колендемда.2.Етнемс киньге, мезеньге вакска.3. Пимс, каямс псить эзда (пси ведть эзда) пона, толга. 4. «Кяжиямс» глаголть синономоц. 5. « Маладомс» глаголть синонимоц. 6. «Повфнефнемс» глаголть синонимоц. 7. «Кошардомс» глаголть синонимоц.

Тяка пингть доскати серьгядеви тонафни и мярьгови тиемс 47-це упражнениять.

4.Обобщения.

 Учительсь тонафнеф темать коряс тии тюрьхкяня обобщения

5.  Кудонь заданиясь: морафтомс 9-це параграфть, тиемс 50-це упражнениять, лятфтамс 6-8 параграфнень