Мокшень кялень урок «ДС, ДЬС, ТС, ТЬС орфограмматнень сермадомасна»
план-конспект урока

                              Конспект урока по мокшанскому языку

               «ДС, ДЬС, ТС, ТЬС орфограмматнень сермадомасна»

Урок-исследования

Цельхне и задачатне:

1)тонафтомс ученикнень существительнайхнень и глаголхнень эса сермадомс ДС,ДЬС,ТС,ТЬС орфограмматнень.

2)тонафтомс иттнень шарьхкодемс ДС, ДЬС, ТС, ТЬС орфограмматнень мархта существительнайхнень, глаголхнень.

3)тонафтомс иттнень мушендома ДС, ДЬС, ТС, ТЬС орфограмматнень мархта валхт орфографическяй валксста.

4)касфтомс иттнень содамошиснон существительнайхнень,глаголхнень сермадомста.

5)касфтомс иттнень кельгомаснон мокшень кяльти.

Оборудованиясь: тетрадь, учебникт, мокшень-рузонь валкс, карточкат, компьютернай презентация.

Урокть планоц.

1.Организационнай моментсь.Азондомс урокть целензон.(1 мин.).

2.Кизефкст и заданият вайгялькснень и букватнень коряс (4 мин.).

3.Карточка мархта тевсь (3 мин.).

4.Од темать азондомац (7 мин.).

5.Кизефкст существительнайть и глаголть коряс (5мин.).

6.Кемокстамс од темать задания вельде (20 мин.).

7.Кудонь заданиять максомац (2 мин.).

8.Урокти итогонь тиемась (2 мин.).

9.Оценкань путомась (1 мин.).

 Урокть молемац.

1.Организационнай моментсь, урокть целенза. ( слайдсь).

2.Кизефкст и заданият вайгялькснень и букватнень коряс.

ТОНАФТЫСЬ: Шабат, теенть ули кизефксозе. Мезе тонафневи фонетика разделса?

ТОНАФНИСЬ: Фонетика разделса тонафневихть вайгяльксне и букватне.

ТОНАФТЫСЬ:Азость кайги и аф кайги согласнайхнень.

ТОНАФНИСЬ: Кайги согласнайхне-б,в,г,д,ж,з,й,л,м,н,р.

ТОНАФНИСЬ:Аф кайги согласнайхне-п,ф,к,т,ш,с,йх,лх,рх,х,ц,ч.

ТОНАФТЫСЬ: Мъзяра слогста ащи СЕРМАДСА валсь?

ТОНАФНИСЬ: СЕР-МАД-СА валсь ащи 3 слогста.

ТОНАФТЫСЬ: Кодама вайгялькс астама КУДСА, ВАСТСА валхнень эса ДС,ТС букватнень эземс?

ТОНАФНИСЬ: ДС,ТС букватнень эземс астама Ц вайгялькс.

3.Карточка мархта тевсь.

ТОНАФТЫСЬ: Шабат, заданиять коряс теенть эряви тиемс фонетическяй разбор РОЗЬ валти.

ТОНАФНИСЬ: РОЗЬ валсь фкя слогонь.Гласнай О вайгялькссь-фталце рядонь, кучка подъемонь, тървань, няфтеви О букваса.

Согласнай вайгяльксне: Р-калгода парнай, кайги парнай, няфтеви Р букваса. З-ляпе парнай, кайги парнай, свистящай, няфтеви З букваса.

4.Од темать азондомац.

ТОНАФТЫСЬ: Эрьда, шабат, нинге весть лятфтасаськ тячиень теманьконь и азондсаськ мезе содаме ДС, ДЬС, ТС, ТЬС орфограмматнень колга.

Тячиень урокса минь ванцаськ ДС, ДЬС, ТС, ТЬС орфограмматнень сермадомаснон существительнайхнень и глаголхнень эса.

Панжесть 3-це слайдть, лувсаськ стихотворениять и ванцаськ ДС, ДЬС, ТС, ТЬС орфограмма мархта валхнень.

ТОНАФНИСЬ: Ломатть!

Мяляфтость и содасть,

Марстонь кудоньке минь-

Модась,

Марстонь валдоньке минь-

Шись.

Кудсонк коцай васттнень матсаськ.

Шитьке валдоц,лямбоц саты,

Штоба касоль серось-

Кшись

Мезень кальдяв ульсь-юкстасаськ.

Кие лезды?

Аньцек минць.

Марстонь вийса ванфтсаськ

Эряфть

Срафтсаськ еткстонк кяжень перяфксть,

Тянь минь эздонк веши Пингсь.

(Н.Циликин).

ТОНАФТЫСЬ: Кие азсы: «Мезе марятама валхнень азомста ДС, ДЬС, ТС, ТЬС орфограмматнень вастс?»

ТОНАФНИСЬ: Тя орфограмматнень вастс корхтамста кулеви Ц вайгялькс, а сермадомста няфтеви ДС, ДЬС, ТС, ТЬС букваса.

Тянь минь сяда тов ванцаськ заданиятнень вельде, а васенда отвечатама кизефкснень лангс.

5.Кизефкст сушествительнайть и глаголть коряс.

ТОНАФТЫСЬ: Шабат, эрьда лятфтасаськ падешнень и синь кизефксснон.

(Доскати лисихть 3 тонафнихть: 1-цесь сёрмадсыне основной склоненияса ащи пашнень и синь кизефксснон, 2-цесь указательнай склоненияса фкя лувксса васьфневи падешнень и синь кизефксснон, а колмоцесь указательнай склоненияса лама лувксса васьфневи падешнень и синь кизефксснон

ТОНАФТЫСЬ: Молодецт. Падешнень содасасть лац. Озада. Ответонте лездыхть сяда тов покодемасонк. Кодама валхненди мярьгихть глаголхт?

ТОНАФТЫСЬ: Азость глаголхнень аф определеннай формань суффиксснон.

ТОНАФНИСЬ: Тя -мс-, -ма-, -мда суффиксне

ТОНАФТЫСЬ: Глаголонь кодама спряженият тинь содатада?

ТОНАФНИСЬ: объектнай и аф объектнай.

ТОНАФТЫСЬ: Мезень ширде аф фкат объектнай и аф объектнай спряжениянь формаса глаголхне?

6.Кемокстамс од темать задания вельде.

ТОНАФТЫСЬ: Максф существительнайхнень путость местнай, исходнай, направительно - вносительнай падежса. Кядь, ведь, медь, седь, кедь, куд, сад, тяште.....

ТОНАФНИСЬ: кяДЬСа, кяДЬСта, кяДЬС. ( слайдсь)

ТОНАФТЫСЬ: Максф глаголхнень сермадость объектнай спряженияса: сёрмадомс, тяштемс, путомс, ванфтомс, куцьфтемс, кандомс, пандомс, андомс, уйфтемс...

ТОНАФНИСЬ: сермаДСа, тяшТЬСа, пуТСа, канДСа ( слайдсь).

ТОНАФТЫСЬ: Максф существительнайхнень сермадость именительнай падежса: мяштьсон, кудстонза, вастстонза, келуведьстот, ундса, шуфтсонк.( слайдсь).

ТОНАФТЫСЬ: Ётафттама «Налхксема».Теенть максф чайнворд, коса сембе валхне ушедыхть и аделавихть А букваса.Содасть синь.(слайдсь).

ТОНАФТЫСЬ: Валмуворкснень, приметатнень и содама ефкснень эзда мусть ДС, ДЬС, ТС, ТЬС орфограмма мархта существительнайхнень и глаголхнень.

1.Праздникнень мяляфтсыне, да стакшинь тефнень юкснесыне.

2.Пянакудса налхки и увнай толсь – ули вишке варма.(слайдсь).

ТОНАФТЫСЬ: Арьсемс валрисьмот максф глаголхнень мархта.

КепоДЬСа, лоткафТСа, анДСа, морафТСа.

ТОНАФНИСЬ: Кеподьса пурть доскать ваксста.(слайдсь).

ТОНАФТЫСЬ: Етафтомс глаголхнень рузонь кяльс. Дубордомс, езмолдомс, зойнямс, инголдамс, кяжень пандома, цингордомс.(слайдсь).

7.Кудонь заданить максомац.

ТОНАФТЫСЬ: Ларионов Сергей Степановичень «Шачень-касонь» произведениястонза кочкамс существительнайхть и глаголхт ДС, ДЬС, ТС, ТЬС орфограмма мархта.

8.Урокти итогонь тиемась.

9.Оценкань путомась.

                            Урокти самоанализонь тиемась

Тячиень теманьке ульсь ДС, ДЬС, ТС, ТЬС орфограмматнень сермадомасна. Монь койсон, тонафнихне тиендихть лама эльбятькста тяфтама орфограмма мархта валхнень эса .Сяс и эряви шарфтомс оцю мяль тянди. И мон инголен путонь цель, штоба шабатне сяда кържа тиендельхть эльбятькста, сявине тя темать и ётафтонь урок-исследования.

Мон арьсян, што уроконь целезе пяшкотьф. Шабатне активнайста няфтезь пряснон заданиятнень тиемста.Тейст пяк интересна,мъзярда етафнят аф стандартнай урокт.Мялезост, мъзярда урокс нолдафт налхксемань заданият. Къда улихть налхксемат и лия занимательнай материал, то лафчста тонафнихневок няфнесазь эсь пряснон сяда активнайкс.

Пара, мъзярда етафневихть тяфтама урокт, сяс мес тяфтама урокне касфтсазь иттнень кельгомаснон и интересснон мокшень кяльти.

Пингсь урокса ульсь етафтф планть коряс. Кизефкст и заданият, од темать азондомац тонафнихнень лезксснон вельде,урокть кемокстамац,нолдамок тевс заданият слайттнень вельде.

Уроконь пингть иттне тисть аф кържа задания. Отвечсесть аф аньцек кизефкснень лангс, но и активнайста работасть заданиятнень и валксть мархта.

Уроксь етась разнай методса: работаме валхнень, валрисьмотнень и ваалксть мархта. Лама ульсь практическяй тевдовок. Няфтьф соткссь и рузонь кяльть мархтовок.Тянь инкса, арьсян, тонафнихне лац шарьхкодезь од темать.

Шабатне тонафтфт эсь тевснон тиема, маштыхть кемокстама содамошиснон книгатнень, карточкатнень мархта. Урокса етафтфт кода фронтальнай, станя и индивидуальнай заданият.

Уроксь няфтезе, што иттне од темать шарьхкодезь. Уроконкса путфт тонафнихненди оценкат.

Кудонь тевсь максф поисковай (вешендеви) методонь коряс. Тя методсь сяда касфтсыне мяльснон тонафнемс уроконь темать.

Монь койсон, сяда сидеста эрявихть етафнемс тяфтама урокт. И арьсян, што уроксь пяшкотьф сембе ширде.