Әкият геройлары бездә кунакта (башлангыч сыйныфлар өчен дәрес проекты)
план-конспект урока по теме

                                   Татарстан   Республикасы   Зеленодол   муниципаль  районы

                                    гомуми   белем   бирү  учреждениесе

                                   "Зур  Ключи   гомуми  урта   белем  бирү   мәктәбе"нең

                                   1  нче   категорияле  татар  теле  һәм  әдәбияты   укытучысы

                                   Галиева  Минзифа   Хәлим   кызының   эш  тәҗрибәсеннән

“ Әкият геройлары  бездә кунакта” темасына дәрес проекты.                                      2 нче сыйныфта   “Борын-борын заманда” бүлеген йомгаклау дәресе.

Җиһазлау: әкият геройлары битлекләре, киемнәр; агачлар, карбыз, йорт макетлары; бәяләү картасы. Максатлар: алган белемнәрне ныгыту, гомумуку күнекмәләрен камилләштерү;                     диалогик, монологик сөйләм телен үстерү; иҗади сәләтләрен ачу, үстерү;                                    аралаша белү әдәбе; бер-берләренә ярдәмчеллек, теләктәшлек тәрбияләү.

Дәрес программасы.                                                                                                                                                                               I. Оештыру.                                                                                                                                                                                          1. Дәрескә әзерләнү.                                                                                                                                                                        2. Исәнләшү.                                                                                                                                                                                        II. Проектны тормышка ашыру. 

1.Кереш әңгәмә.

2.Әдәби викторина.

3.Әкиятләрне сәхнәләштерү.

4.Үзбәя.

5.Чыгышларны бәяләү.

III. Йомгаклау.

1.Балларны санау.

2.Билгеләр кую.

Дәрес эшкәртмәсе.

I. Кереш.

Исәнмесез, дусларым! Хәерле көн!

Без әкиятләр дөньясына сәяхәтебезне тәмамлыйбыз. Бүген дәрестә сезнең аеруча игътибарлы, тәртипле, әдәпле булуыгыз  кирәк. Бер-берегезгә ярдәм итегез, бер-берегезнең уңышларына сөенегез.

Дәресне башлыйбыз.

II. Белемнәрне барлау, тигезләү.

1.Әңгәмә.

-Без өйрәнгән бүлек ничек атала?

-Бу әкиятләрне кем язган?

-Халык әкиятләрен кем яза?

-Әдәби әкиятнең авторы билгелеме?

-Укылган әкиятләр нәрсә турында?

-Әкиятләрдә нәрсә җиңә?

- Яхшы, сез әкиятләр турында күп нәрсә беләсез. Сезнең җаваплар миңа бик ошады.

2.Әдәби викторина.

- Хәзер әдәби викторина бүлегенә күчәбез.

Искә төшерегез: викторина сорауларына җавап бирер өчен нинди кагыйдәләрне белергә кирәк? Ә хәзер игътибар:

а) Болар кайсы әкият геройлары?

Мәче-Чыпчык

Шөпшә- Карга

Төлке- Торна

Аю- Төлке

б) Бу кем?

-Ул ашаганнан соң гына юына.

-Ул ике төрле тавыш белән җырлый.

-Ул бер зур шар таба.

-Ул телевизор бүләк итә.

-Ул сай тәлинкәдән генә ашый ала.

-Ул үлгән булып кылана.

-Аның туган көне була.

-Ул көне буена нәрсә эшләгәне турында җырлап йөри.

-Ул мәчене акылга утырта.

-Ул ташбакага әверелә.

в)Ф.Яруллин әкиятен тап.                                                         г)Ф.Зыятдинов әкиятен тап.

“Итагатъле Мәче”                                                                        “Итагатъле Мәче”    

“Карга белән Шөпшә”                                                                 “Карт белән Төлке”

“Кәҗә белән Бүре”                                                                       “Кәҗә белән Бүре”

“Өч кыз”                                                                                        “Карга белән Шөпшә”

“Урман әкияте”

д)Бу әкиятләрнең кайсы литва халык әкияте?

 “Карга белән Шөпшә”

“Итагатъле Мәче”

“Карт белән Төлке”

“Кәҗә белән Бүре”

“Хәйләгә каршы хәйлә”

җ)Бу кемнең сүзләре?

-Бүләгең ярыйсы икән.

-Кар! Быз!

-Нишлисез, мәче әфәндем?

-Син мине мәңге тота алмыйсың.

-Ашасана,сылу кунагым.

-Бусы мин!

- Бик яхшы, әкиятләрне игътибар белән укыганыгыз күренеп тора.

3.Сәхнәләштерү.

 - Дусларым, сезнең үзегезнең әкият герое булып уйныйсыгыз киләме?

 Мин сезгә геройның исеме язылган карточкалар таратам. Сез бу геройның кайсы әкияттән икәнен белергә һәм иптәшләрегезне табарга тиеш. Аннан соң битлекләр һәм киемнәр арасыннан үзегезгә туры килгәнен сайлап алып, уйнарга әзерләнегез. Соңыннан чыгышларны карарбыз.

4.Үзбәя.

- Ә хәзер уйлап карагыз: сез ничек уйнадыгыз? Үз уеныгызда нәрсәне күрсәтеп бетерә алмадыгыз? Иң яхшысы нәрсә иде?

5.Чыгышларны бәяләү.

- Иптәшегезнең уенына бәя бирегез: сезгә нәрсә ошады? Нәрсәне үзгәртергә мөмкин?

III. Йомгаклау.  Белемнәрне бәяләү таблицасы