Главные вкладки

    Внеклассное мероприятие по коми языку "Коми кыв ме тöда"
    методическая разработка (7 класс) на тему

    Урок с использованием методики Эдварда де Боно

    Скачать:

    ВложениеРазмер
    Microsoft Office document icon komi_kyv_-_chuzhan_kyv.doc65.5 КБ
    Office presentation icon komi_kyv_me_toda.ppt1.97 МБ
    Office presentation icon komi_sayty.ppt858 КБ

    Предварительный просмотр:

    МОУ Помоздинская СОШ им. В.Т.Чисталёва

    Коми кывйысь внекласснöй мероприятие

    Коми кыв ме тöда…

    Уджсö дасьтiс:

    Игнатова Елена Владимировна

    2012 во

    Коми кывйысь внекласснöй мероприятиелöн конспект.

    Уроксö дасьтiс  Помöсдiн школаса коми кыв велöдысь –

    Игнатова Елена Владимировна

    Тема: Коми кыв ме тöда.

    Уроклöн могъяс:

    1) Видлавны коми кывкöд йитчöм тырмытöмторъяс да чужтыны радейтöм чужан кыв дорö.

    2) Кыпöдны коми кыв урокъяс дорö интерес;

    Оборудование: проектор, экран, нёль рöма(еджыд, гöрд, сьöд, кольквиж) шляпаяс, коми небöгъяслöн выставка, ватман вылö серпасалöм финн-угор рöдвуж кывъяслöн пу.

    Урок мунöм.

    1. Оргмомент.

    Видза оланныд, дона челядь да пыдди пуктана гöсьтъяс! Талун миян аслыспöлöс урок. Видзöдлöй, челядь, öта-мöд выланыд. Кутшöм мича рöма паськöмаöсь ставныд( 4 котыр – 4 рöма паськöм). Чайта, талунъя урок вылын тi петкöдланныд бур тöдöмлунъяс да джуджыд мöвпъяс.

    Юргö кывбур Настя М.

    Некрасов Александр

    Авъя лэбач – коми кыв

    Авъя лэбач – коми кыв

    Коми сёрни, сьыланкыв.

    Быдмин-сёвмин, сьöлöмшöрöй,

    Коми йöзкöд Парма шöрын.

    Мича дзоридз – коми кыв,

    Чужанiнлöн муса ныв.

    Уна нэм тэ олан-вылан,

    Ылöдз нималан да кылан.

    Шондi югöр – коми кыв,

    Кыпыдджыка сёрнит, сьыв.

    Медым тэнад ыджыд рöдыд

    Коми кывлысь мичсö тöдiс.

    Кыдз тi чайтанныд, мый йылысь ми талун кутам сёрнитны? (Коми кыв йылысь)

    Уроклöн тема – Коми кыв ме тöда… (Презентация 2 слайд)

    Ми ставным олам Коми муын, коми сиктын, сёрнитам коми кывйöн либö кылам сiйöс быд лун. Талун ми донъялам коми кывсö,видзöдлам сы вылö уна боксянь, буретш та могысь и юксим водзвыв котыръяс вылö. Тiянöс талун öтувтö не сöмын тема, но и рöм. Быд котырлöн аслас рöм да сэтшöм жö рöма шляпа. Нёль рöм - нёль видзöдлас, нёль сикас мöвпалöм. (3 слайд)

    2. Котыръяслöн удж

     1 котырлöн выступление.
    Еджыд шляпа – сöстöм вежöр. Коми кыв йылысь  юöр. Олöмысь стöч пасйöдъяс да лыдпасъяс.
    (4 слайд)

    Челядь висьталöны:

    -финн-угор рöдвуж пу да коми кывлöн сыын ин (Борцова С. И Кочанова М.);

    -Коми Республикаын олысь йöз( лыд, национальностьяс, рочьяс да комияс) (Сенькин С.);

    -коми диалектъяс (Размыслов В.)

    -коми кыв – государственнöй кыв (Рогозин М.)

    2 котырлöн выступление.

    Гöрд шляпа – сьöлöмкылöмъяс. (5 слайд)

    Миян классын эм 4 роч морт, кодъяс ставныскöд öттшöтш велöдöны коми кыв. Налы торъя нин сьöкыд. Быдсямаыс овлö: и серамтö петкöдласны, и дöзмывласны, оз кö артмы ставыс колана ногöн, и синваныс на, колокö доршасьлывлö мукöд пöрйö… Öти кывйöн кö – сьöлöмкылöмыс, эмоцияыс зэв уна.

    «Мыйла ме велöда коми кыв?» - татшöм юалöм вылö найö вочавидзисны.

    Гуторова Т., Булдыгина К., Глуховская Л., Абросимов И. лыддьöны вочакывъяс.   Люба лыддьö кывбур

    Юшков Геннадий  «Уна кыв»

    Уна кыв ме рочöн тöда.

    Со вот висьтавны ме мöда!

    Каньыд – кошка,

    Паньыд – ложка,

    Пиыд –сын, а нылыд – дочь,

    Луныд – день, а войыд – ночь,

    А вот, шуам, пионер,

    Школа, трактор, инженер,

    Автомат и витамин –

    öти ногöн шуам ми.

    Уна кыв на öтмоз кылö,

    Вежöртасыс лоö стöч.

    Но öд аслыд кокньыд вылö

    Ставсö öткодьöн он вöч!

    Медым велöдчыны водзö,

    Колö бура кужны рочöн.

    Верстьö мортöн лоан кор,

    Кутан тöдны унджыктор.

    Но мед тöдiн, кытöн олан,

    Чужан кывйыд медся колан.

    Чужан кывтö кö он тöд,

    Быттьö сёян и он пöт.

    Мыйкö шуны восьтан вом,

    А он сяммы да и пом!

    Медбур, видзöдны кö водзö,

    Кужны комиöн и рочöн.

    3 котырлöн выступление

    Коми кывкöд йитчöм тырмытöмторъяс петкöдлöм, найöс гöгöрвоöдны вермöм. (6 слайд)

    Петкöдлöны сценка.(Самойленко А. да Напалков Р.)

    - Коми кывйысь яндысьöм (Мартюшева Н.);

    - Газет-журналын гöгöрвотöм кывъяс (Самойленко А.);

    - Географическöй нимъяс комиöдiгöн паныдасьлысь тырмытöмторъяс (Рыбчак Р. да Напалков Р.).

    Алёна лыддьö кывбур

    КӦНІ МИ ОЛАМ? Николай Щукин

    Карса улич кузя муна,

    Гӧгӧр лавка, магазинъяс.

    Коми кывтӧ тэ кӧть вунӧд,

    Лыддяла реклама нимъяс.

    "Алко", "Маркет", "Лада", "Вэртас",

    "Лема", "Бижутерия",

    "Херок", "Фронда", "Адамас",

    "Аристон", "Пицерия".

    Думыштла ме: кӧні олам?

    Гашкӧ, тайӧ суйӧр сай?

    Водзӧ лыддяла: "Милано",

    "Ноутбуки" и "Клондайк".

    Ладнӧ, коми нимъяс воштім,

    Но мен роч йӧзыс тшӧтш жаль.

    Мыйла шусьӧ "кибер-почта?"

    Мыйся кылӧ "Летуаль"?

    Йӧз муӧ эг ветлыв важӧн,

    Розя зепнад он шлондайт.

    Веськӧдь мен "Дали вояжыд"

    Асланым тан суйӧр сай.

    Эм кӧ "бона", сёям "манго",

    "Бистро" висьталӧны тэн.

    Коми йӧз вӧсна мен яндзим,

    Коми кывлӧн йывмӧ нэм.

    4 котырлöн выступление

    Бурторö эскысьяс. Котырö пырысьяс бур боксянь, кыпыда донъялöны коми кыв. (7 слайд)

    Данил висьталö кывбур

    Горчаков Гений

    Коми кыв медмыла

    Ме серти кö, коми кыв медмыла.

    Кодыр муса коми кыв ме кыла,

    Сьöлöм радлö,нимкодьöйла сылö,

    ывла вылыс быттьö ловзьö, сьылö.

    Кодыр мыла коми кыв ме кыла,

    Бордъясьла ме –

    лэбны дась зэв вылö.

    Сöрöм сiйö! – быттьö сiйö кулö…

    Оз вун сiйö, мунам кöть зэв ылö.

    Дона коми том ныв – зонъяс!

    Коми сёрниыд оз конъяс!

    Коми сёрниыд оз конъяв!...

    Пöль-пöч кывйыд оз на сьöктöд,

    Сьöлöм вывсьыд шогтö вöтлас.

    - Коми газет-журналъяс (Попов Д.);

    - Коми йöзлöн гаж (Жангурова В.);

    - Коми сайтъяс ( Игнатов Д. презентация).

    Учитель судзöдö турунвиж шляпа. Кыдз тi чайтанныд, кутшöм вежöртасыс тайö рöмыслöн? (видлöны тöдмавны)

    Турунвиж шляпа улын чужöны

    выль мöвпъяс, выль видзöдласъяс, творчество. (8 слайд)

     А öнi ми уджалыштам творческöя.  (Рефлексия) Гижöны  неыджыд творческöй удж.

    1 тезис: Коми кыв сöвмас, паськалас. Мыйла?

    2 тезис: Коми кыв бырас-кусас. Мыйла?

    Кывкöртöдъяс вöчöм.

    Котыръяс лыддьöны мини-сочинениеяс. Тайö и лоö уроклöн кывкöртöднас.

    Урок помын велöдчысьяс лыддьöны наизусть коми кыв йылысь кывбуръяс.

    Ксюша лыддьö кывбур.

    Чужан кыв (А.Шомысова)

    Чужан кывйöн ме лолала, ола,

    Чужан кыв – менам олöмлöн мич.

    Мукöд кывйöн, дерт, сёрнитны колö,

    Сöмын ас кывйыд сьöлöмлöн лич.

    Паськыд парматі пöткаöн лэбзяс,

    Тэрыб йöраöн кытшовтас рас,

    Зарни чериöн Эжваын дзебсяс,

    Йиджтас гижöдö вöр-валысь пас.

    Чужан кывйöн ме лолала, ола,

    Ас мам-батьлöн рам томиник ныв…

    Мукöд кывйöн, дерт, сёрнитны колö,

    Сöмын медмуса мем коми кыв!

    Саша лыддьö кывбур

    Попов Серафим

    Чужан кыв кедзовтысьяслы

    Мед кодкö видö чужан кыв,

    А кодкö ёнджыка на ёрö

    Да ассьыс мича сьыланкыв

    И праздник пасйигöн оз горöд.

    Эн казьтöй некор налы тi,

    Оз кусыньт мыйла найöс яндзим.

    Кор кушöдз ваймö сьöлöм би,

    Сэк оз нин гöрдöд мортлöн бандзиб.

    Эм менам öти муса ныв,

    Но чужан муöй сё пöв муса,

    А кодi ёрö чужан кыв,

    Дась сiйö вузавны и мусö.

    Денис лыддьö кыбур

    Юшков Геннадий

    Коми кыв

    Коми кыв! Кольöм нэмын на тэныд

    Уна потшöссянь кравзiсны пом.

    А тэ сöдзöдчин, вояссö венiг,

    Гора юралан, важсьыс на том.

    Он на эновтöм ыб моз тэ эжмы.

    И он кус, кыдзи лöдсавтöм би.

    Коми йöзлы тэ колан, кыдз Эжва,

    Кыдзи парма, кöн рöдмылiм ми!

    Лера лыддьö кывбур

    Чужан кыв  В.Тимин

    Зарни бордъяса,

    Медся мыла,

    Чужан кыв – менам олöм да вöт,

    Позьö сёрнитны

    Любöй кылöн,

    Сöмын öтдортны ассьым

    Ог мöд.

    Войвыв эрдъяслöн

    Повтöм лэбач, -

    Сетiс вын сылы

    Коми му,

    Но, а сöстöмлун сетiс,

    Дерт жö,

    Сылы матушка-Эжва ю.

    Сiйö тiянлöн,

    Пöльяс, пöчьяс,

    Сiйö тiянлöн,

    Ныв да зон.

    Мöвпыд ас кывйöн

    Кык пöв стöчмö,

    Мортыд ас кывйöн

    Кык пöв ён.

    Челядь, та вылын ставыс!  Ме чайта, мый талунъя сёрниыс оз коль весьшöрö. Ёна кöсъя, мед тiян некор эз кус  чужан кыв дораныд муслунныд. Аттьö!


    Предварительный просмотр:

    Чтобы пользоваться предварительным просмотром презентаций создайте себе аккаунт (учетную запись) Google и войдите в него: https://accounts.google.com

    Подписи к слайдам:

    Слайд 1

    Видза оланныд!

    Слайд 2

    Коми кыв ме т ö да…

    Слайд 3

    Нёль рöм – нёль видзöдлас, нёль сикас мöвпалöм.

    Слайд 4

    1 котыр Еджыд шляпа – сöстöм вежöр. Коми кыв йылысь юöр. Олöмысь стöч пасйöдъяс да лыдпасъяс.

    Слайд 5

    2 котыр Гöрд шляпа – сьöлöмкылöмъяс. Мыйла ме велöда коми кыв?

    Слайд 6

    3 котыр Сьöд шляпа – тырмытöмторъяс. Коми кывкöд йитчöм тырмытöмторъяс петкöдлöм, найöс гöгöрво ö дн ы верм ö м .

    Слайд 7

    4 котыр Бурторйö эскысьяс. Бур боксянь, кыпыда коми кыв донъялöм

    Слайд 8

    Турунвиж шляпа улын чужöны выль мöвпъяс, выль видзöдласъяс, творчество .

    Слайд 9

    Коми кывл ö н аскиа лун. Коми кыв с ö вмас, паськалас. Мыйла? Коми кыв бырас- кусас. Мыйла?

    Слайд 10

    Атть ö !

    Слайд 11

    Уджс ö дасьт i с Пом ö сд i н школаса коми кыв вел ö дысь Игнатова Елена Владимировна 2012 во


    Предварительный просмотр:

    Чтобы пользоваться предварительным просмотром презентаций создайте себе аккаунт (учетную запись) Google и войдите в него: https://accounts.google.com

    Подписи к слайдам:

    Слайд 1

    Вел ö дчысьлы отс ö г выл ö коми сайтъяс

    Слайд 2

    Эм позянлун аддзыны коми гиж ö дъяс: кывбуръяс, висьтъяс, повесьтъяс романъяс пьесаяс «Аудиоархив» юк ö нын коми гижысьяс лыддь ö ны ассьыныслысь гиж ö дъясс ö

    Слайд 3

    Коми гижысьясл ö н биография да текстъяс Серпасалысьясл ö н биография да нал ö н уджъяс Кывкудъяс Сьыланкывъяс Финн-угор гижысьясл ö н текстъяс

    Слайд 4

    Комиа-роча вежавидзана кывъяс

    Слайд 5

    Коми й ö зл ö н традицияяс Мойдъяс, мифъяс, легендаяс (роч кыв вылын) Шусь ö гъяс да кывй ö зъяс

    Слайд 6

    Коми гиж ö дъяс Коми гижысьясл ö биографияяс и фотографияяс Кывкудъяс Сьыланкывъяс Коми культура Грамматика Коми театрл ö н история Приметаяс

    Слайд 7

    Позь ö не с ö мын аддзыны кутш ö мк ö ю ö р Коми Республика йылысь ( история, й ö з лыд, национальностьяс, каръяс да районъяс ), но и пыртны ассьыд пасй ö дъяс. Википедия (свободная энциклопедия)

    Слайд 8

    Коми культура

    Слайд 9

    Интернет - ресурсъяс http:// www.fulib.ru http:// www.finnougoria.ru http:// www.kominarod.ru http://foto11.com http:// www.finnougr.ru http://ru.wikipedia .

    Слайд 10

    Уджс ö дасьт i с Пом ö сд i н школаса 7 «а» вел ö дчысь Игнатов Даниил

    Слайд 11

    Атть ö !


    По теме: методические разработки, презентации и конспекты

    Внеклассное мероприятие по русскому языку "Путешествие в стран иностранных слов" Внеклассное мероприятие по русскому языку "Путешествие в стран иностранных слов" Внеклассное мероприятие по русскому языку "Путешествие в страну иностранных слов"

    Цель данного мероприятия в занимательной форме  показать разные уровни функционирования русского языка: как одного из мировых языков, как языка народов, населяющих Россию, как государственн...

    Внеклассное мероприятие по русскому языку "Путешествие в стран иностранных слов" Внеклассное мероприятие по русскому языку "Путешествие в стран иностранных слов" Внеклассное мероприятие по русскому языку "Путешествие в страну иностранных слов"

    Цель данного мероприятия в занимательной форме  показать разные уровни функционирования русского языка: как одного из мировых языков, как языка народов, населяющих Россию, как государственн...

    Методическая разработка уроков и внеклассного мероприятия «Проектная деятельность учащихся на уроках развития речи и внеклассном мероприятии по теме «Русские народные промыслы»

    Проектная деятельность – один из лучших способов для совмещения современных информационных технологий, личностно-ориентированного обучения и самостоятельной работы учащихся. Главное – продумать ...

    Методические разработки внеклассных мероприятий по физической культуре и спорту. Методические разработки внеклассных мероприятий по физической культуре и спорту.

    Аннотацияк учебно-методическим  разработкам внеклассных мероприятий  по физической культуре с использованием нестандартного оборудования. 1....

    Внеклассное мероприятие, посвященное 23 февраля (военно-спортивный праздник). Внеклассное мероприятие, посвященное 23 февраля (военно-спортивный праздник). Внеклассное мероприятие, посвященное 23 февраля (военно-спортивный праздник).

    -соединить спортивно-оздоровительную работу с патриотическим воспитанием   школьников   -развивать у детей мотивацию к занятию спортом   - формирование спортивных к...