Мастер-класс. Тема:“Татар теле һәм әдәбияты дәресләрендә тавышландыру алымын кулланып, укучыларның бәйләнешле сөйләм телен үстерү” (район күләмендәге семинар)
методическая разработка (5 класс) на тему

                   Саба  муниципаль   районы    Шәмәрдән  лицее  

“Татар   теле  һәм  әдәбияты  дәресләрендә  тавышландыру  алымын  кулланып,  укучыларның   бәйләнешле  сөйләм  телен  үстерү” темасына  мастер-класс  ( район   күләмендә)

                                                                           Укытучы:  Әүхәдеева  А.В.

                                          2017  нче  ел

    Исәнмесез,  хөрмәтле   коллегалар!  Без  Сезне  мастер-класска  чакырабыз  һәм  Сезгә  серле  хатларыбызны  өләшәбез. Ә хәзер, әйдәгез,  шул  хатларны  укып  чыгыйк  әле (матур теләкләр  укыла). Бу  матур теләкләр  уку  елы  буенча  Сезне  озатып  барсын.

   Без, татар  теле  һәм  әдәбияты  дәресләрендә  5-7  нче  сыйныф  укучыларының    бәйләнешле   сөйләм  телен  үстерү  өчен, төрле  алымнар  кулланабыз.  

     Сезгә  хәзер  үзебез  дәресләрдә  куллана  торган  тавышландыру  алымын  тәкъдим  итәбез.                                                                                                                            

    Нинди  алым  соң  бу? Укучыларга  таныш  булган  тавышсыз  мультфильм  күрсәтелә. Шулай  ук  терәк  сүзләр  бирелә. Укучылар   мультфильмны  тавышсыз   гына  карыйлар. Шуннан  соң  уйлау  өчен, вакыт  бирелә. Биремне  үтәгәндә, теманы укучы  үзе  дә  сайлый   яки  укытучы  да  тәкъдим  итә  ала. Эш  башкарылганнан  соң, бергәләп, укучыларның  сөйләмнәренә нәтиҗә  ясала.                                                                                                                  

    Сезнең  кулларга  бирелгән  хатларга әйләнеп  кайтыйк  әле. Матур теләкләр  артында  сюрприз язу бар. Әйдәгез, шуларга  игътибар  итик  әле. Кемнәрдә  язулар бар  алгарак  чыгуыгызны  сорыйбыз.

    Сезгә  тавышсыз  мультфильм   күрсәтәбез. Ләкин  Сезгә, укучыларга  вакыт  бирелгән  кебек, вакыт  биреп  тормыйбыз. Шунда  ук тавышландырабыз. Теманы  үзегезгә  сайлау  мөмкинлеге  бирелә (бер  тапкыр  карыйлар, икенчесенә  тавышландыралар).

  Бу  алым  белән  без  укучыларның  диалогик  һәм  монологик  сөйләм  һәм  иҗади  уйлау  сәләтен  үстерәбез.

     Ә хәзер  кемнәргә  язулар  чыкмады, шулар  түбәндәге  сорауга  җавап  әзерләп  утыру  сорала:  “ Бу  алым  Сезгә  нәрсә  бирде?  Сез  үзегезнең  дәресләрегездә  ничек  кулланыр  идегез?” ( укытучыларның  җаваплары  тыңланыла  һәм  нәтиҗә  ясала).

     Хөрмәтле  коллегалар! Бүгенге  мастер-классыбыз  тәмам, Сезгә  ошагандыр  дип   уйлыйбыз. Игътибарыгыз   өчен  рәхмәт!