Мастер-класс "Чужан му да нимъяс"
учебно-методический материал на тему

Слайд1                      Мастер-класс. Тема:  Кöні тэ олан?  Кытысь аддзыны топонимлысь вежöртассö?

Мастер-класслöн мог:      1.Топонимика наукаöн тöдмöдöм.

                                           2.Чужан мулöн историяö пырöдчöм.

                                           3.Велöдны, кыдзи расшифруйтны топонимъяс.

Мастер-класслöн мунöм:1. Организационнöй момент да кывкуд серти удж.

 2.Чужан му да нимъяс. Лыддям Г.Юшковлöн кывбурысь юкöн.

Слайд 2  Мишö егыр, Пильö йöнöд,

Кирö яг и Петыр нюр.

Ставыс нима: ель и кыскöд,

Чукльöсь ордым, кузьысь-кузь…

И мен нимкодь, мый эг кыськö

Тайö му вылас ме усь.                                                                                                                                                  

                                                                                                  Г. Юшков

Велöдысь: Ёртъяс, кутшöм мöвп восьтö нималана коми гижысь?

Слайд 3   Коми му. Чужан му.  Кутшöм сiйö паськыд да ыджыд.(416, 8 сюрс км2).Эмöсь танi и зыбуч нюръяс, и помтöм- дортöм парма, ыджыд и посни юяс, ичöт грездъяс и каръяс.

Быд месталöн эм аслас ним, а быд иннимлöн эм вежöртас.

Слайд 4  А кутшöм каръяс ті тöданныд Коми муысь? Ставыс 10 кар….

Слайд 5-6 Мича нимъясöн нималö и миян Луздор район…Коді вайöдас медся мича  ин ним?

-Тi коркö думыштлiнныд-ö, мыйла тадз шуöны тайö кар либö грездсö, юсö либö тысö?

Мыйла тадзи шуöны тiянлысь сикт-грездтö? ( Мутнича).

А тöданныд- ö  ті, мый миян Мутницасянь куим часа туй вуджöм  бöрын позьö паныдавны нöшта  оти Мутница. Миян сиктным сулалö Мутница ю вылын. И Киров обласьтса Мутница грезд тшöтш меститчöма Мутница ю берегын. Сöмын тайö дзик разнöй юяс. Миян усьö Летка юö, а Кировсаыд — Великаяö. Но кыкнаныс кылöдöны ассьыныс васö  Каспийскöй саридзö.

И нöшта тöд вылö... Чукоткаын эм Мутница ю, а Сербияын — Горня-Мутница кар. Ыджыд тышöдз Украинаын вöлöма Мутница грезд.

Буретш места нимъяс серти позьö  туявны культураяслысь öта-мöд вылас тöдчöмсö. Шуам, Луздорса Мутницаын олöны леткаса комияс, но сиктыслöн нимыс дзик роч. Мутница — юлöн йи улысь воссигöн гудыр ва. Вöлöмкö, водзын Летка район пырöма Вятка губерняö.

А со Сыктывкар — шнич коми ним, тадзикöн сійö юргö мукöд кывъя войтырлöн сёрниын, тадзикöн жö сійöс пасйöны дзик быд картаын.

Места (ин) нимлöн тöдчанлуныс сыын, мый сійö видзö медэтшаыс вылö куим сикас юöр (информация): географическöй — индö местасö; историческöй -  гöгöрвоöдö ним артмöмлысь историческöй помкасö; да языкöвöй — эскöдö, кутшöм войтыр сикас оліс либö олö на тайö му вылас.

Ставсö тайöс тöд вылын кутöмöн позьö шуны: историческöй ин нимъяс — тайö войтыр сикас духовнöй культуралöн пасъяс, экологиялöн  культураын видзанторъяс.

Топонимъяс позьö  öткодявны историялöн рöмпöштанкöд либö  важ олöмас öшинькöд.  Ин ним — историческöй паметьлöн, сідз шусяна, гуся код. Кодыр вежöны уна нэм чöж видзöм места ним, бырö  и войтыр сикаслöн вежöрын важысясö казьтылöмыс.

Сiдзкö вöчам кывкöртöд: Став инлöн эм ним. И сiйöс оз прöста, нинöм вылö видзöдтöг , пуктыны. Быдöнлöн эм вежöртас.

Слайд 7  

Кывбурысь юкöн:              Ю дор сиктъяс, ты дор грездъяс-

                                             Коми йöзлöн оланiн.

                                             Ветлан туйяс, быттьö везъяс,

                                             Öшлöмаöсь ставлы ним.   Ю.Васютов

  Гöгöрвоана, мый оз став географическöй нимлысь дзик пыр позь гöгöрвоны лексическöй вежöртассö. Тайö сьöкыд. но интереснöй уджнас занимайтчöны ученöй- топонимистъяс.

  Топонимист  кыв артмöма topos  (ин) , ним да ист(специальность) юкöнъясысь. Сiдзкö, топонимист- ученöй,  кодi велöдö места нимъяс (ю, кар, сикт, шор, ты и с. в.)

   Коми топонимия кутiс сöвмыны 17-öд  нэмсянь. Ученöй – путешественникъяс, кодъяс веськавлiсны Коми муö, гижавлiсны географическöй места нимъяс. Сэки вöлi лэдзöма «Книга Большому Чертежу», кöнi  ёнджыка пасъявлiсны ю нимъяс.

  Медся тöдчана удж вöчисны Г.Ф.Миллер, И.И.Лепехин, Э.Гофман. кыв боксянь чукöртiс да туялiс ин нимъяс  А.М.Шегрен.

  Водзö нуöдiс уджсö П.И.Савваитов, кодi комиа-роча словарö пыртöма 73 коми места ним.

  Революция бöрын уджыс кусi. И сöмын 1960-öд вояссянь топонимика дiнö сьöлöмсянь босьтчöмаöсь кыв велöдысьяс, историкъяс да географъяс: В.И.Лыткин, А.И. Попов, А.К.Микушев, Б.А. Серебренников.

Слайд 8 

- Кытысь  позьö аддзыны топонимъяслысь нимъяс да налысь вежöртас?

- Да, небöгъясысь.

Небöгъяс петкöдлöм:

1. Жербцов И.Л. Где ты живешь. Сыктывкар: Коми книжное издательство ,1994.

2. Туркин А. И., Кöнi тэ олан? Сыктывкар:  Коми книжное издательство ,1977.

3. Афанасьев А.П., Топонимия Республики Коми, Коми книжное издательство,1996.

4. Мусанов А.Г.Словарь географических названий Прилузья. Сыктывкар: ГУ Редакция журнала «Арт», 2007

Слайд 9   Эмöсь Коми муын  ыджыд карьяс и сиктьяс, паськыд да векни юяс, нюръяс да вадъяс.

И важынсянь нин быд месталöн эм аслас ним. И мыйыськö ас кадö найöс вöлi тадзи нимтылöма. Пуктылöмаöсь ним абу сiдз прöста, нинöм вылö видзöдтöг, а сэнi вöлöм кутшöмкö вежöртас.

Тіян водзын мог: ме сета тіянлы карточкаяс, а ті юкой смысл серти  группаяс вылö  топонимъяс.

1.Морт ним да прöзвище серти: Минька шор, Исак йöр, Март хутöр(Мартемьян нимысь), Микаль хутöр, Гурейвож, Архипсикт, Макарсикт, Варук пуктанiн, Давид вöянiн, Архипшор, Нахаловскöй.

2.Лэбач-пöтка, гортса да вöрса пемöс серти: Дзодзöга, Голубкошор, Ручпозъя, Ошкашор, Кöбылашор, Чуль(чув), Крысовка.

3.Пуяс-быдмöгъяс серти: Осиновка, Лежнöга кöдж, Березовка.

4.Физико-географическöй аслыспöлöслун серти: Тылашор, Лунвож.

5.Выль либö важ олöм серти: Лензавод, Порсьгöп, Кузнича шор, Коммунарскöй, Коми слöта, Роч слöта.

6.Ыджда да форма серти: Ыджыдкуш, Ичöткуш, Треугольник.

7.Му веркöс, ю пыдöс серти: Изъяшор, Карьер.

8.Места серти: Лунвож, Ключ, Нюр Шор.

9. Дон да рöм серти: Сьöдъюр(шор), Лёкшор, Косньöдз шор, Кöпач шор, Вошлашор.

Слайд 10     - А кыдзи позьö расшифруйтны тайö топонимъяссö, тöданныд ті али онöй? Расшифруйтöмын вермас отсавны:

* информантъяскöд сёрни,

* иныслысь аслыспöлöслунсö тöдмалöм;

*  вичкоса небöгъясöн удж;

* матысса ин нимкöд орччöдöм;

* важ кадся мусерпасъясöн тöдмасьöм;

* телефоннöй небöгöн тöдмасьöм;

* архивъясысь корсьöм;

Кöсъя юксьыны тіянкöд архив адресъясöн.

«Коми Республикаса национальнöй архив» Коми Республикаса государственнöй учреждение. Адрес: 167982, Коми Республика, Сыктывкар, Первомай улича, 90-öд №-а керка.

Киров обласьтса государственнöй архив. Адрес: 610007, Киров кар, Ленин улича, 138-öд №-а керка..

Государственное учреждение Республики Коми

«Национальный архив РК» Адрес: 167982 Республика Коми, г. Сыктывкар, ул. Первомайская, д.90.

Государственный архив Кировской области» Адрес: 610007, г. Киров, ул.Ленина, д,138.

* кывчукöръясысь корсьöм.

  Őнія кадö медся кокни корсьны колана юöрсö  öтуввезйысь, Интернетысь. Восьтам Коми республикаса электроннöй топонимическöй словарь  и вайö корсям кутшöмкö сикт либö ин ним.  Вайöй корсьлам Сыктывкарысь местечко Париж…кытысь  тайö нимыс веськаліс Комиö?

- Мастер-класс кывкöрталöм:

 Тіянлы вöлі вöзйöма «Кытысь аддзыны топонимлысь вежöртассö» тема серти мастер – класс. Ті тöдмасинныд, мый иннимъяс  позьö корсьны документъясысь, а позьö и интернетысь. Кута лача, мый тайö юöрыс тіянлы отсалас корсьны колана материал.

Нимъяс чужöны-сöвмöны уна нэм чöж. Морт ним, места ним да мукöд топыда йитчöмаöсь войтыр сикаслöн культуракöд да историякöд. Уна бурсö сетö миянлы чужан вужъяссянь кöленаысь кöленаö  вуджана кольöмторйыс. Кар-грезд, улич-изэрд, мукöд географическöй нимъяс — тайö духовнöй культуралöн торъя казьтылантор. Найö индöны кад да места вылö, тэчöны страналысь историко-культурнöй мыгöр. Историческöй нимъяс кузь нэм вуджигкості чукöртöны ас пытшкас войтыр сикас, сылöн история, культура, кыв йылысь донъявны позьтöм юöр. И кодыр вошö тайö историческöй нимыс, бырöны войтыр сикаслöн традицияяс, гöльмö культураыс да историяыс, вошö национально-культурнöй аслыспöлöслуныс.

Быд историческöй ним — тайö войтыр менталитетлöн, этшлунлöн пас. И кыдзи тöдчöдіс коркö академик Лихачёв, историческöй ним — тайö важ, öнія да аскиа костын культура видзан-сöвмöдан йитöд.

Слайд 11

Пом. Ставныдлы аттьö!

1.Морт ним да прöзвище серти: Минька шор, Исак йöр, Март хутöр(Мартемьян нимысь), Микаль хутöр, Гурейвож, Архипсикт, Макарсикт, Варук пуктанiн, Давид вöянiн, Архипшор, Нахаловскöй.

2.Лэбач-пöтка, гортса да вöрса пемöс серти: Дзодзöга, Голубкошор, Ручпозъя, Ошкашор, Кöбылашор, Чуль(чув), Крысовка.

3.Пуяс-быдмöгъяс серти: Осиновка, Лежнöга кöдж, Березовка.

4.Физико-географическöй аслыспöлöслун серти: Тылашор, Лунвож.

5.Выль либö важ олöм серти: Лензавод, Порсьгöп, Кузнича шор, Коммунарскöй, Коми слöта, Роч слöта.

6.Ыджда да форма серти: Ыджыдкуш, Ичöткуш, Треугольник.

7.Му веркöс, ю пыдöс серти: Изъяшор, Карьер.

8.Места серти: Лунвож, Ключ, Нюр Шор.

9. Дон да рöм серти: Сьöдъюр(шор), Лёкшор, Косньöдз шор, Кöпач шор, Вошлашор.