“СӘЛАМ” УМКсына белешмәлекләр.
учебно-методический материал на тему

ӨСТӘМӘ ПРОФЕССИОНАЛЬ БЕЛЕМ БИРҮ ДӘҮЛӘТ АВТОНОМ МӘГАРИФ УЧРЕЖДЕНИЕСЕ

“Татарстан Республикасы Мәгарифне үстерү институты”

Проект эше

Тема: “СӘЛАМ” УМКсына белешмәлекләр

(1сыйныф өчен)

“Федераль дәүләт белем бирү стандартлары шартларында татар телен һәм туган тел буларак укытуда инновацияләр” темасы буенча белем күтәрү курслары кысаларында

Башкардылар: Бакирова Н.Н

Әхмәдҗанова З.Р.

 Шәрәфетдинова Л.М.

Сафина А.З.

Эш урыны:  АГБМУ “Гимназия №139”

Проект эше яклауга кертелде

—————————

          Проект эшенең җитәкчесе: Җамалетдинова З.И.

Казан - 2017

Беренче белешмәлек

Сайт белән эшләү

1. Компьютерны кабызып интернетка керергә.
2. Эзләү юлында (поисковик) www.selam.tatar.ruсайтына керергә.
3. Укытучы биргән исем һәм серсүзне җыеп сайтка керергә.

Серсүз онытылган очракта:

а) сайтка кергәч тәрәзә астында “серсүз онытылганмы?” сүзенә басырга.

б) шул очракта үзегез онытмый торган серсүз кертергә.

4. Темага керергә һәм кирәкле эш төрен сайларга.

Икенче белешмәлек

Яңа сүзләрне истә калдыру

1. Сайтка кереп теманы сайларга һәм күнегүне табарга.
2. Күнегүдәге диктор артыннан “дүрт” адым ясарга:

3. Дәреслек артындагы сүзлекчәдән шул сүзләрне табарга һәм иҗекләп укырга.
4. Сайттагы флешкарталар белән үзеңне тикшереп карарга.
5. Истә калсын өчен яңа сүзләрне көн саен 10-15 минут дәвамында кабатларга.

Өченче белешмәлек

Өченче белешмәлек

Парларда эшләү

1. Биремне игътибар белән укырга.
2. Эшне икегез арасында тигез итеп ике өлешкә бүләргә.
3. Иптәшеңә авыр булса,  аңа ярдәм итәргә;  бер-береңнең хаталарын төзәтергә.
4. Иптәшең синнән яхшырак эшләсә, ярдәм сорарга оялма.
5. Иптәшең хата ясамыймы икән дип, тикшереп тор; ләкин моны аны кимсетмичә генә эшлә.
6. Төп кагыйдәне онытма: һәр күмәк эшне киңәшләшеп һәм ярдәмләшеп эшләргә. Син аның өчен, ул синең өчен җаваплы.

Дүртенче белешмәлек

Эш дәфтәре белән эшләү

1. Дәфтәрне тышларга, бөтен биремнәрне укытучы кушканча башкарырга.
2. Барлык эшне пөхтә һәм чиста итеп эшләргә.
3. Дәфтәрдә дәрескә кагылмаган рәсемнәр һәм язулар булмаска тиеш.
4. Дәфтәрне бөгәрләмәскә, пычратмаска.
5. Сүзләрне аңлаешлы һәм каллеграфик дөрес язарга.
6. Каләм белән язганны бетергеч белән бозмаска.
7. Ялгышларыңны вакытында төзәтә барырга, аннан соңга калдырмаска.
8. Замазка кулланмаска, карандаш белән сызып төзәтергә.

Бишенче белешмәлек

Җыр белән эшләү

1. Җырны китаптан кычкырып укы.
2. 2-3 тапкыр укып, истә калдырырга тырыш.
3.  Сайтка кереп, кирәкле җырны сайла һәм тыңла, китаптан карап бар.
4. Берничә минуттан җыр сүзләрен текстка карамыйча сөйләп кара. Кирәк булса, китапка карап алырга мөмкин.
5. 10-15 минуттан, тагын 2-3 тапкыр җыр сүзләрен текстка карамыйча сөйләп кара.
6. Йоклар алдыннан җырны кабатла.
7. Иртән җыр сүзләрен укы, аннан яттан сөйлә.

Җыр зур һәм авыр булса, истә калмаса

1. Җырның беренче  куплетын ятла.
2. Җырның икенче өлешен ятла.
3. Беренче һәм икенче  куплетны кабатла. Сайтка кереп, җырлап кара.
4. Өченче куплетны ятла.
5. Бөтен җырны яттан сөйлә. Җырлап кара.
6. Йоклар алдыннан җыр сүзләрен кабатла.
7. Иртән җырны китаптан укы, яттан сөйлә.