Тема : Ялгызлык исемнәр. 3нче сыйныф(татар төркеме)
материал

Сыйныф: 3 сыйныф(татар төркеме)

Тема : Ялгызлык исемнәр.

Максат : ялгызлык  исемнәр турында тулырак мәгълүмат  бирү,белемнәрен ныгыту;ялгызлык исемнәрне дөрес язу күнекмәсен үстерү.

Җиһазлау : дәреслек,методик кулланма,эш дәфтәре, ноутбук, проектор,  карточкалар.

Дәрес барышы.

1. Оештыру өлеше.

Рәхмәт,кояш!Таң китердең,

Бар дөньяны ялт иттердең.

Нурың төште бүлмәбегезгә,

Җылы,рәхәт һәммәбезгә.       

Дежур укучы белән әңгәмә.

II. Белемнәрне актуальләштерү.

Матур язу күнекмәләре.

2. Яңа теманы аңлату.

1.Яңа теманы дәреслектәге Мөнир Мазунов шигырен уку белән башланып китә.Укучылар шигырьдән кеше исемнәрен  табалар.

2.Экранда Татарстан картасы күрсәтелә.Ялгызлык исемнәрне әйтәләр.                                                        

Шулай итеп, дәресебезнең темасы - Ялгызлык исемнәр.

−Балалар, кем әйтә ала, нәрсә микән ул ялгызлык исем? (Баш хәреф белән язылучы сүзләр.)

        − Аларның баш хәреф белән язылганын ничек белергә соң?

                        Димәк бер үк төрдән булган әйберләрне, кешеләрне бер-берсе белән бутамас өчен нәрсә уйлап тапканнар? (Кешенең, предметның үзенә генә бирелә торган исем.)

        Шул исемнәр нәрсә дип аталалар?(Ялгызлык исемнәр дип.)

Димәк,ялгызлык исемнәргә нинди исемнәр керә инде?

(-Кеше, кушаматлар, шәһәр,  елга, күл, газета, журнал, оешма  исемнәре.)

Газета, журнал, оешма исемнәре куштырнаклар эченә языла: “Сабантуй”, “Ялкын” , “Ачык дәрес” һ.б.

Ял минуты.

IV. Ныгыту.        

        1.Дәреслектә бирелгән кагыйдәләрне уку.

2.Дәреслек белән эшләү.

59бит,104нче күнегү (телдән).

59бит,105нче күнегү (язмача).

3. Эш дәфтәре белән эшләү.Үзең белгән ялгызлык исемнәрен төркемләп язарга.

Ил исемнәре:

Шәһәр исемнәре:

Диңгез исемнәре:

Урам исемнәре:

Авыл исемнәре:

Бәйрәмнәр:

Карточкалар белән эш.(карточкаларда ялгызлык һәм уртаклык исемнәре язылган ).Укытучы сүзләр әйткәч,укучылар ялгызлык исем булса кызыл,уртаклык исем булса яшел түгәрәк ярдәмендә үз фикерләрен әйтәләр.

        V. Йомгаклау.

        а). Балалар, кем әйтә ала, без бүген нинди тема үттек? (Ялгызлык исемнәре  .)

        ә) Укучыларның дәрестәге эшләренә бәя бирү, билгеләр кую.

Өй эше .  

1. 59,60нчы битләрдәге кагыйдәләрне истә калдырырга;

      2)Эш дәфтәрендәге 52 нче күнегү(телдән);

      3)Иҗади бирем:Синең дусларың бармы?Шул турыда кечкенә хикәя язарга.