РАБОЧАЯ ПРОГРАММА учебного курса «Мордовская литература» в 8 классе
рабочая программа (8 класс)

               Программась ащи фкакс 8-це классонь «Родной литература» тонафнемань книгати общеобразовательнай учрежденияса, книгать автороц Азыркина Е.И., Саранск, 2018к.

   Родной литературань  урокти 8-це класса макссеви кафта частт недляти, общеобразовательнай программать коряс сизьгемонь   част, школань тонафнемань планть коряс 34 тонафнемань недля, марнек 34 част кизоти.

Тонафнемань материалсь етави программань материалть кирьфтаманц вельде.

Скачать:

ВложениеРазмер
Microsoft Office document icon rab._prog._po_rod._lit._8_kl.doc251.5 КБ

Предварительный просмотр:

                     

 Рассмотрена и одобрена на за-           Согласовано»

 седании методического объе-          Заместитель по                                          

  динения                                                    УВР                                        

 Председатель МО                     _________/Лёвина Н.А./

                                                                                                                                                                «____»____________2020 г. «____» __________2020г.

                                                                                                                       

«Утверждено»

Директор МБОУ «Мордовско –Полянская ООШ»

Зубово-Полянского муниципального

района Республики Мордовия

______________ / Поршунова М.С./

Приказ № ____от «____»_______2020 г

                               

РАБОЧАЯ ПРОГРАММА

               

учебного курса «Мордовская литература» в 8 классе

                                                   Составитель:  Моисеева Людмила Михайловна

                                              2020 – 2021к.

                                           Учебнай предметть содержанияц.

Родной литературань рабочай программась тиф кафксоце классонь тонафнихненди, конанди основакс сявф:

  • Российскяй Федерациянь Федеральнай законц «Об образовании в Российской Федерации» №273 от 29.12.2013 года.
  •  основной и средняй школань примернай программась родной литератураса  5-11 класса Российскяй Федерациянь  национальнай школань  2000 кизотькса;
  • Мордовия Республикань Образованиянь Министерствань «Мокшэрзянь литературань программат 5-11-це классненди», Саранск 2010к.,
  • Федеральнай Государственнай образовательнай стандартсь, кона примаф Российскяй Минобразованиять приказонц коряс  05.03.2004к.;
  •     учебнай планонц коряс МБОУ «Мордовско – Полянскяй ООШ»  .

    Афкуксонь календарно-тематическяй планць тиф, нежедемок «Мокшэрзянь литературань программат 5-11 классненди», кона нолдаф 2010 кизоня, Саранскяйса, Мордовскяй книжнай издательстваса.

        Программась ащи фкакс 8-це классонь «Родной литература» тонафнемань книгати общеобразовательнай учрежденияса, книгать автороц Азыркина Е.И., Саранск, 2018к.

   Родной литературань  урокти 8-це класса макссеви кафта частт недляти, общеобразовательнай программать коряс сизьгемонь   част, школань тонафнемань планть коряс 34 тонафнемань недля, марнек 34 част кизоти.

Тонафнемань материалсь етави программань материалть кирьфтаманц вельде.

     Лама лия предметтнень еткса, конат тонафневихть школаса, няевикс васта максови мокшэрзянь литературати. Родной кяльса серматф произведениятнень мархта шабатне васьфтихть васенда начальнай класса, сяда меле художественнай литературать колга содамошитнень касфтсазь мельдень класса тонафнемста. Литературась лезды тейст шарьхкодемс эряфть, перьфпяльть, кърхкалгофтсыне тевснон-мяльснон, козякофтсыне кяльснон-валснон, кеподьсыне корхтамань и сермадомань кялень культураснон, келептьсыне эстетическяй ванфксснон,касфтсынь содамошиснон эсь культураснон, масторснон колга.

     Литературань произведениятнень вельде тонафнихне сяда цебярьста кармайхть содама эсь народснон тевонзон-мялензон, иланзон, сонь кяль-валонь мазышинц и эряфонь киса смузенц, сядонгольдень эряманц-ащеманц.

      Родной литературань урокнень инголи путневи цельхть:

- тонафтомс шабатнень родной кяльть и литературать вельде шарьхкодемс эсь народснон историянц и тяниень пингонь эряманц,

-воспитандамс афкуксонь патриотт,

- касфтомс содамошиснон мокшэрзянь народть историянц, культуранц колга,

-касфтомс шарьхкодемаснон кяльть национальнай башкаширенц колга.

      Эсь кяльса серматф произведениянь тонафнемась панжи кели ки рузонь литературать шарьхкодеманцты и сонь вельденза лия нароттнень литератураснон содаманцты, сон лезды сяда теждяста шарьхкодемс сембе искусствань виттнень: киноть, театрать, живописть, музыкать и лиятнень.

      Родной литературась кемоста сотнеф эряфть мархта, сяс и полафксне, конат молихть тя пингста, фалу  эрявихть кирдемс мяльса сонь тонафнемстонза.

       Тяни родной литературань урокста произведениятненди идейно-художественнай питнеть путомста сави кирдемс мяльса васендакиге аф идейно-политическяй ширеть, кода ульсь инголе, а нравственнайть и эстетическяйть. Анализонь тиемста васенда эряви шарфтомс мяль общечеловеческяй проблематнень панжемаснонды, азомс эряфса писательть ванфонц видеть-аф видеть лангс,кодама художественно- выразительнай средства вельде авторсь панчсесы геройхнень тевснон-валснон,потмоежеснон,ванондсы кялень козяшить. Тяка пингть шабатне аф ламонь- аф ламонь тонафнихть арьсема, эсь мяльснон-арьсемаснон азондома, пара тефнень и афсатыкснень няема.

       Родной литературать коряс программать сермадомста авторхне кирдезь мяльса и нолдазь тевс ся цебярь сатфкснень, конат кочкавсть синь тиевомстост ведьгемоньда лама кизоста. Тонафнемс сявфт ся произведениятне, конат кандыхть афкуксонь нравственнай и эстетическяй питне.

  5-11-це классненди программась тиф тяфта, штоба тонафнихне аф ламонь тонадольхть художественнай произведениятнень  смузьснон  шарьхкодема и тейст виде питнень путома, кармальхть содама теоретико-литературнай  шарьхкодематнень и синь вельдест маштом анализонь тиема, келемольхть кялень козяшисна и эстетическяй  культурасна

     Программаса оцю мяль шарфневи предметтнень ёткса сотксненди. Родной литературать  тонафнемста учительти фалу эряви маштозь нолямс тевс ся материалхнень, конат келептьсазь  и крхкалгофтсазь  шабатнень содамошиснон (лия народонь литературань, живописень, скульптурань, графикань, музыкань, родной масторть историянц колга произведениятне).

      Родной литературань программатненди  сувафтфт  мокшень и эрзянь народть устно-поэтическяй  лама  произведениясна, содавикс писательхнень  и литературать  касома кисна, поэзиясь, прозась, драмотургиясь, азфт аф класса лувомать  коряс книгатнень  лемсна и сёрмадысна.

    Родной литературань тонафнихненди эряви кирдемс мяльса, што минь литератураньке серматф кафта кяльса, но сембе лия ширетнень коряс сон аф явови, сяс мес няфнесыне сембе мокшетнень и эрзятнень эряфснон, койснон и мяльснон. Аф эряви юкснемс сяньге: минь литератураньке кемоста сотнеф рузонь кяльть мархта. Улихть малавикс сюжет, темат, эряфонь няфтема принципт. Минь писателеньке тонафнесть рузонь и лия народонь художественнай  валонь мастерхнень эзда эряфть сяда цебярьста няфтемаса, сяс шабатненди сидеста сави корхтамс тянь колга. Тяка мархта марса эрь урокса эряви шарьхкодемс, мезе од тись тя или тона писательсь литератураса, кодама общечеловеческяй смузь кандыхть сонь произведенинза, мезьса пяк лац няевихть национальнай ширенза. Сатомшка мяль эряви шарфтомс мокшетнень и эрзятнень койснон лангс (семьяса сяда оцюфнень кулхцондомасна, щамснон, праздниконь ётафтомаснон и ст. тов) и национальнай обуцянь ширетнень панжемаснонды, родной кяльть козяшинц и мазышинц няфтеманцты.   

             Родной литературать тонафнемста шабатнень кялень культураснон касфтомасна.

Родной литературань программаса эрь класса максовихть башка част кялень культурать касфтоманцты. Ня урокнень эса сембода сидеста серматкшневихть изложеният и сочиненият.

  Учительсь старандай эрь урокса тонафтомс шабатнень мазы и шарьхкодеви валса эсь мялень азома, беседань вятема, лиянь корхтамань кулхцондома, эсь кялезост валмуворксонь и цитань сувафнема. Эрявихть тонафтомс шабатнень лувф произведениятнень содержанияснон азондома. Синь азондовихть нюрьхкяняста, кочкаф (кодамовок башка эпизодонь или сюжетонь пялькс), произведениятнень малавикс и художественнай ширеснон апак юкстак. Художественнай азондомась сембода стака, сяк школаса сон васьфневи пяк шуроста. Кяльть культуранц касфтоманцты лезды произведениятненди анализонь и комментариень тиемась, станя жа мяльс туф лувомась, произведениять рузонь кяльс ётафтомац и стак тов. Сембе ня приемтне лездыхть шабатненди цебярьста тонадомс устнайста корхтамась.

   Устнай корхтамать мархта сотнеф сермадомань культураське. Тянди лездыхть тяфтама приемтне, кода цитатань сермадомась, планонь, тезисонь, конспектонь тиемась, изложениянь и сочинениянь сермадомась.

  Сермадомань работатне, конатне ётафтовихть ученикнень мархта, ащихть литературать тонафнеманцты и анализонцты пяльксокс. Старшай класснень эса сермадомань работань основной видкс лувови сочинениясь. Сон касфтсыне ученикнень сермадомань кяльснон и тонафтсыне синь арьсема.

  Учительсь оцю мяль шарфни сочинениятненди, конатне сермадовихть произведениять васенцеда лувомдонза меле, мзярда тейнза апак тиколь анализ. Тя тонафтсыне ученикнень арьсема произведенияса кепсеф тематнень, проблематнень, геройхнень, композициять, сюжетть колга. Тяфтама сочинениять можна сермадомс кода кудса, станя и класса.

        Аф класса лувомать цебярьста ладямац ламода ащи школань библиотекать эзда. Аф класса лувомань урокть анокламста кафта-колма недяляда инголи учительсь максы шабатненди тев: лувомс произведениять и арьсемс тя или тона кизефкснень лангса. Тя пингста тонафтысь ётафты эрявикс работа, сянкса штоба шабатнень эвондаль мяльсна лувомс произведениятнень: кой-коста азонды или лувонды книгаста сявф мяльс туф вастт, лияста путни тонафнихненди кодамовок кизефкст, мярьгонди панжемс тяштьфть смузенц.

   Аф класса лувомань урокнень эрявихть ётафнемс станя, штоба синь сувальхть шабатнень седизост и ламос афольхть юкстав, лиякс мярьгомс улельхть афкуксонь праздникокс. А тянкса сидеста нолямок книгань выставкат, литературнай газетат.

    Оцю класснень эса заданиятне сяда стакалгофневихть. Лувф книгатнень коряс ётафтовихть семинархт, конференцият, обсужденият, сермадовихть аннотацият и рецензият.

Аф класса лувомань урокне эрсихть разнай видонь:

  - библиографиянь урок

  -  урок-литературнай композиция

  -урок-ёфкс

  -урок-конференция

  -урок-концерт

  -урок-азкс

  -урок-инсценировка

  -заочнай экскурсиянь урок

  -урок-конкурс.

Литературань материалть коряс тяфтама мероприятнень, конатнень ётафнесыне тонафтысь тонафнихнень мархта урокта меле, лувовихть аф классонь работакс. Ученикне ётафтыхть урокта меле разнай кружокса, кепотьксонди, литературань творчествань, грамматическяй, краеведениянь мероприятият. Аноклайхть лувомань илятть, конференцият, писательхнень мархта  конкурст, олимпиадат, родной кялень и литературань недялят. Сембе тя работась лезды шабатненды сяда цебярьста шарьхкодемс эсь кяльса серматф литературать, содамс и кельгомс шачема масторть.

8-це класса тонафнихненди эряви маштомс и содамс:

-мезе стамсь фольклорсь,

-сказаниять,

-силлабическяй стихосложениясь,

- мезе стамсь образсь,

-лирическяй поэмать,

-стихонь строфась.

                2.Учебнай курсть « Родной литература 8-це класса» основной содержанияц.

I.

МОКШЭРЗЯНЬ УСТНАЙ НАРОДНАЙ ТВОРЧЕСТВАСЬ.

                                          Фольклорсь кода искусства(1 част)

Народнай творчествать колга шарьхкодемась. Минь народоньконь устнай творчестванц сотксоц видить-сокайть тевонзон-валонзон мархта. Фольклорса синкретизмань ушетксне.

Устнай народнай творчествать общественнай функциянза и эряфса кемокстамань условиянза. Фольклорса народть эряфонц, мировоззрениянц, коензон-обуцянзон няфтемасна.

Устнай народнай творчествать жанровай форманза: героическяй эпосонь азксне, легендатне и преданиятне, эпическяй и лирическяй моротне, содама ёфксне, валмуворксне, сиде моронятне, свадьбань поэзиясь.

Мокшэрзянь письменнай литературать эвондамаса, касомасонза-вииямасонза фольклорть ролец. Фольклорть и литературать ёткса фкаксшись и аф фкаксшись. Тяниень пингонь мокшэрзянь фольклорсь. Сказательскяй творчестваса од темань эвондамась и сонь эсонза традициятнень келиста касомасна.

              Тяниень пингонь устнай народнай творчествась(1частт)

Тя пингста мокшэрзянь устнай творчествать касомац. Сире жанратнеь и тематнень юмамасна и синь вастозост од жанратнень и тематнень эвондамасна. Од моротнень,ёфкснень, валмуворкснень и содама ёфкснень тематикасна. Нюрьхкяня азксонь жанрать шачемац-касомац. Сонь эсонза мокшетнень и эрзятнень эряфста событиятнень няфтемасна. «Вай, воля, воля», «Келу», «Адяда, ялгат, минь масторозонк» моротнень содержаниясна. Ня моротнень эса минь мастороньконь мазы  и козяшинц няфтемасна. Моротнень кяль-валонь козяшисна.

«Колма братт », «Апак кодак карь», «Башка кальдяв, марса пара» од нюрьхкяня азкснень ваномасна. Синь эсост ётаф событиятнень колга лятфнемась.

Од валмуворкснень эса нолатнень и тевонь аф кельгихнень сялдомасна и трудяйхнень шнамасна.

Тяниень пингонь фольклоронь произведениятнеь эса Великай Отечественнай войнать пингста минь народоньконь эряфонц няфтемац.

                              Сказительскяй творчествась (1 част)

Сказительскяй творчествань эвондамань туфталхне. Минь содаф сказителеньке: И.Зорин,  П.Исаев, А. Жулюпкина, А.Назаров, Е. Денисова, Г. Лапин, Е.П.Кривошеева, Ф.И.Беззубова, С.М.Люлякина и лиятне. Учительть нюрьхкяняста корхтамац синь творчестваснон колга. Синь творчествазост устнай поэзиять традициянзон сувафтомасна. Ня традициятнень лангс нежедезь  од моронь, явсемань, азксонь латцемась. Конатнень эса няфтеви тяниень пингста народть эряфоц. Вяре азф  сказительхнень путфкссна минь народоньконь культуранц касомаса и фольклорть од художественнай средстваса и жанраса козякофтомац. Сказительскяй творчествань произведениятнень башка ширесна: авторскяй ушетксне, индивидуальнай творчествань башка ширетне, оцю мялень-арьсемань азондомась, козя кяль-валонь шарьхкодевиксшись.

        

Макар Евсевьевич Евсевьев – фольклорист

«Мордовскяй свадьба» работац (2ч.)

М.Е.Евсевьев – Мокшэрзянь содаф учёнай, просветитель и народнай творчествань произведениятненькочксисна. Сонь эрямань киц, рузонь содаф учёнайхнень мархта сотксонза. М.Е.Евсевьевонь  сембода содаф работанза: «Эрзянь кялень грамматика», «Эрзянь морот», «Мордовскяй свадьба» книганза и веете томса кочкаф произведениянза.

«Мордовскяй свадьбать» кочкамань и сёрмадомань историяц. Свадьбать композицияц. Свадьбать кода драматическяй произведениять образнай системац и действующай лицатнень карань-каршек арамасна. Од ърьвянять образонц няфтемац. Мокшэрзятнень кунардонь пингонь койснон-обуцяснон, эряфонь нравственнай и этическяй традицияснон кърхкаста няфтемасна. Свадьбань поэзиять кода народнай драмать идейно-художественнай ширенза, сонь эсонза национально-поэтическяй и музыкальнай культурань традициятнень ванфтомасна.

Свадьбань поэзиять жанранза: моротне, явсематне, паряфнематне. М.Е.Евсевьевонь «Мордовскяй свадьба» работанц питнишиц.

Ефимия Петровна Кривошеева «Вай, аф удован», «Пиже садса», «Мазы садса» скасне и моротне,

Фёкла Игнатьевна Беззубова «Джамбулонди сёрма» сказсь и «Минь цёраньке богатырь» азкссь

Серафима Марковна Люлякина «Ёфксса ёфнесазь, морса морсесазь» (1ч.)

Е.П.Кривошеева – мокшэрзянь содаф сказительница. Сонь эряфоц и моронза.

Е.П. Кривошеевать творчестванц жанровай и тематическяй келишиц. Сонь явсеманзон, аварькшнеманзон, моронзон башка ширенза, конат сотнефт устно-поэтическяй традициять мархта.

Е.П.Кривошеевать явсеманзон башка ширенза. Синь цебярь ширесна и афсатыкссна, конатнень няфтезень тяниень пингсь.

Е.П.Кривошеевать творчестваса моронь жанрась. Сонь «Пастухонь морот», «Оцю нармонь», «Колхозонь паксяня», «Пиже садса, мазы садса» моротнень эса трудяй ломаттнень шнамасна, перьфпяльдень мазышить няфтемац. «Мазы Марина», «Адяда, ялгат», «Митянь Кулясь», «Монь пяк кальдяв эряфозе» моротнень эса авать мазышинц, виензон, маштомашинц шнамасна и тяконь мархта аф тёждя эряфонц няфтемац. Моротнень сюжетснон тиевомаснон, эпитеттнень, метафоратнень, сравнениятнень рольсна. Моронь кяль-валонь козяшисна.

Ф.И.Беззубовать кода мокшэрзянь талантливай сказительницать эряфоц и творческяй киц. Сонь вастоц М. Крюковать, Джамбул Джабаевонь, Сулейман Стальскяень и минь мастороньконь лия сказителензон ёткса.

Ф.И.Беззубовать васенце моронзон эса мокшэрзянь авать тевти прафтоманц шнамац.

Сказительницать творчествац Великай Отечественнай войнань кизотнень. Сонь «Сембода пяк удалась минь Армияньке», «Тят аварде, Украина сазор», «Авань бъславама» сказонза. Синь эсост врагть каршес солдаттнень тюремаснон шнамасна и фашисттнень сюдомасна-сялдомасна.

Ф.И.Беззубовать творчествац войнада меле. Сонь «Тячи одукс шачсь мирсь-масторсь», «Эрзянь-мокшень ялгане», «Вай, оцю Моску», «Мора масторозень колга», «Тракторист» моронза.

«Джамбулонди сёрма» сказть содержанияц и кяль-валонь художественнай ширенза. Сонь эсонза нароттнень ёткса ялгаксшить морамац. Сказть художественно-выразительнай средстванза, лирическяй смузец, кялец.

«Минь цёраньке богатырь» азкссь. Сонь эсонза богатырть образонц вельде масторть аф сяськоваманц мормац. Азксса изобразительно-выразительнай средстватне.

С.М.Люлякина эряфонь и творчествань киц. Сказительскяй творчестваса васенце аськолксонза. Сонь творчествасонза мороть жанровай келишиц: величальнай, кельгомать колга и сатирическяй моротне. С.М.Люлякинать «Афкуксонь цёра», «Утя сашендсь Ёрза вели», «Тейть масторозе», «Эрзянь кяль», «Семиричкат-карьхть» моротне.

С.М.Люлякинать «Моронькайгомат», «Минь ялганьке», «Расскажу тебе», «Тейть, Мордовиязе, моран » сборниконза.

«Седи ризкс» азксть содержанияц. Сонь документальнай юронза: лемтьф С.М.Люлякинать Толя цёранцты, кона целинаса сёронь урядамста палсь комбайнаса. Толянь образонц вельде целинаса минь цёраньконь героическяй тевснон няфтемасна. Азксть эса ризфть пачфтемста изобразительно-выразительнай средстватнень рольсна.

Литературань теориясь. Сказительскяй творчествать колга шарьхкодемась.

Литературань творчествась. Сёрмадомс устнай народнай творчествань произведения или жа эсь велень свадьбать молеманц сире ломатнень пяльде.

II.

ЛИТЕРАТУРАНЬ ТВОРЧЕСТВАСЬ. МОКШЭРЗЯНЬ ПИСАТЕЛЬХНЕ НАРОДТЬ ИНГОЛЬДЕНЬ ПИНГОНЬ ЭРЯФОНЦ КОЛГА

Алексей Ильич Кочетков (Мокшони)

«Мянцеф янга» повестсь (1ч.+1ч.+1ч.)

А.И.Мокшони – мокшень кяльса сёрмады прозаик, кона сась литературати сонь ушедомстонза.

Писательть эряфонь и творчествань киц. Васенце мировой войнаса и сяда меле гражданскяй войнаса улемац. Мордовскяй университетть аделамдонза меле иностраннай тевонь Народнай комиссариатса работамац.

Литератураса писательть васенце аськолксонза. «Фанок», «Тюляй» и «Митрей» азксне. Синь эсост велеса шабатнень эряфснон няфтемасна.

А.И.Мокшонинь очерконза 20-30-це кизотнен. («Лувомань книга», «Книга», «Од эряфти», «Фкя-фкянь инголдазь»).

Писательть сембода содаф произведениянза: «Виде киге» и «Тюляй» азксне; «Мянцеф янга» повестсь.

«Мянцеф янга» повестть сюжетоц. Сонь содержаниянцты библиографическяй материалть сувафтомац и сонь вельденза марнек народть павазонц няфтемац.

Повестьса Алёшка Фокинонь образоц. Сонь арьсемац эсь вийса пачкодемс цебярь эряфти. Разнай сословиянь ломаттнень мархта васьфтнматнень вельде цёранять кеме характеронц панжемац.

Произведенияса портретонь максомась и композициянь контрастнай приемтне. Сонь эсонза реальнай факттнень и художественнай вымыслать сотовомасна.

Литературань теорияс. Художественнай произведениянь образть колга шарьхкодемась.

Фёдор Маркелович Чесноков

«Кафта киге» пьесась и «Сире учитель» азкссь (1ч. +1ч.)

Ф.М.Чесноков – эрзянь содаф драматург и новеллист. Писательть эрямань и творческяй инь оцю сатфксонза. Ф.М.Чесноковонь азксонзон ёткса «Сире учительть» произведениять вастоц. Учительть – Степан Ивановичень образонц няфтемац сонь эрь шинь тевонзон-валонзон вельде.

Азксть композиционнай башка ширенза. Сонь эсонза лятфнематнень вастсна. Степан Ивановичень и Гаврил Ивановичень аф фкя ванфкссна ингольдень пингонь эряфть лангс. Ф.М. Чесноковонь «Кафта киге»  драмац-сембода содаф драматическяй произведенияц. Пьесаса минь народоньконь эряфонц няфтемац гражданскяй войнать пингста. Звонарёфнень семьяснон вельде ся пингоня оржа конфликттнень панжемасна. Алексей и Петя Звонарёфнень образсна. Синь молемасна кафта киге.

Пьесать композиционнай и художественнай башка ширенза.

Литературань теориясь. Драматургиять и драматическяй родонь жанрать колга шарьхкодемась.

Литературань творчествась. Тиемс киносценарий пьесать фкя актонц коряс.

Михаил Ильич Безбородов

«Воляшинкса» поэмась (2ч.)

М. И. Безбородовонь – мокшень литературать ушедыец. Сонь эряфонь и творчествань киц.

М. И. Безбородовонь поэманза («Ёфкс, кона ульсь», «Воляшинкса», «Матовсь кяжец»).

«Воляшинкса» поэмать содержаниянц ваномац. Поэмаса народть эряфонц няфтемац XIX векть песта и ХХ векть ушетксста 1905-це кизонь событиятнень вельде народть валда вавазу эряфонь арьсеманц няфтемац. Поэмать образнай системац. Алда и Анна сазорхнень образсна. Синь образснон вельде оцязоронь Россияса аватнень стака эряфснон колга азандомась. Пингть молеманц мархта аватнень сознанияснон аф ламонь-аф ламонь касомасна.

Тяниень пингонь лувихненди «Воляшинкса» поэмать оцю воспитательнай и историко-познавательнай смузец.

Литературань теориясь. Лиро-эпическяй поэмать колга шарьхкодемась.

Литературань творчествась. Сёрмадомс отзыв «Воляшинкса» поэмать коряс стенной газетав.

III.

МОКШЭРЗЯНЬ ПИСАТЕЛЬХНЕНЬ ВЕЛИКАЙ ОТЕЧЕСТВЕННАЙ ВОЙНАНЬ ПИНГОНЬ ЭРЯФТЬ КОЛГА

Александр Константинович Мартынов

«Монь ялгазе» (3 ч.+1ч.+1ч.)

А.К.Мартынов – эрзянь содаф поэт и прозаик. Сонь творчествасонза Великай Отечественнай войнань темась.

Тя темать панжемаса «Монь ялгазе» поэмать вастоц. Сонь идейно-художественнай содержанияц. Поэмаса  тылть и фронтть няфтемасна, эрзятнень и мокшетнень фкя-фкянди лездомаснон, патриотизмань чувстваснон шнамасна. Поэмать сюжетоц, композицияц и геройхнень образсна.

Радай ваня – центральнай образсь. Сонь вельденза мокшэрзянь национальнай койхнень и патриотизмань мяльхнень-арьсематнень кърхкаста няфтемасна. Главнай геройть обуцянзон панжемста оцю событиятнень няфтемасна. Москуть ала, Днепрать инкса тюрематне, фронтонь ялга ёткса сонь обуцянзон кемокстамасна.

Ольга од стирть образоц, сонь ялгаксшинь кърхка чувстванза, Родинать пефтома кельгомац, эряфонц пачк ару кельгоманц кандомац.

Военно-патриотическяй воспитаниянь тевса «Монь ялгазе» поэмать значенияц.

Предметтнень  ёткса сотксне. Рузонь литературась. Рузонь писательхнень творчестваса Великай Отечественнай войнань событиятнень няфтемасна.

Николай Лазаревич Иркаев (Эркай)

«Од радня» повестсь (3ч.+1ч.)

Н.Л.Иркаев – содаф поэт и прозаик. Сонь  эряфонь и творчествань киц. Шабатненди лемтьф произведениянза: «Алёшка», «Алёшка интернатса», «Од радня» и «Шураган» повесттне.

«Од радня» повесть сюжетоц. Сонь эсонза Великай Отечественнай войнать пингста эрзянь шабатнень эрямаснон няфтемасна.

Повесть образнай системац. Мика Учайкин – повесть центральнай героец. Сонь характеристикац: Юрка цёранять мархта ёрай повомс войнас, туфталхне, конат шоряйхть фронту повомаснонды. Сонь мяляфтомац «Од раднятнень» Галянь и Панасонь колга.

Повестень лия геройхнень характеристикасна.

Повесть композицияц. Сонь кяль-валонь мазышиц.

«Од радня» повесть рузонь кяльса лисемац.

Литературань теориясь. Эпическяй произведениянь сюжетть и композициять колга шарьхкодемать кърхкалгофтомац.

Литературань творчествась. Сёрмадомс стенной газетав заметка фронтовиконь колга или жа сонь азондомац.

Иван Никитович Кудашкин

«А Волгась шуди» (2 ч.)

И.Н.Кудашкин – мокшень содаф писатель и поэт. Сонь эряфонь и творческяй киц.

Поэтть «Китнень крайге келуфт» - стихонь васенце сборникоц. Стихнень эса ломаттнень тевснон-валснон морамасна. Поэтть од художественнай приёмонза ломаттнень козя ваймоснон панжемаса. Стихотворениятнень художественнай башка ширесна.

Тя сборниконь стихнень эса авторть мяленза-арьсеманза шачема крайть мазышинц, родинать кельгоманц-ванфтоманц колга.

Поэтть од поэтическяй сборниконза: «Лихтибрятне шавихть пайкт», «Нармоттне лиихть шинь стямав», «Бъславамак, тядяй, кис».

И.Н.Кудашкинонь «А Волгась шуди» поэманц содержаниянц ваномац.

Изобразительно-выразительнай средстватне, конат лездыхть тиемс седиень токай поэтическяй обраст, природань картинат.

Литературань теориясь. Метафоратнень колга шарьхкодемать кърхкалгофтомац.

Литературань творчествась. «Тяса мон шачень» темать коряс сочинениянь сёрмадомась.

Предметтнень ёткса сотксне. Рузонь литературась. Рузонь писательхнень творчестваса Родинать колга темась.                                      

Леонид Фёдорович Макулов

«Кранч» повестсь (1ч.+1ч.+1ч.).

Л.Ф.Макулов – мокшень содаф прозаик, конань лама цебярь произведениянза лемтьфт кода оцю, стане и ёмла лувихненди. Писательть эрямань и творчествань киц. Лама киза школаса работамац.

Л.Ф.Макулов творчестваса идень темась. Сонь «Од мичуринецт», «Од ялгат», «Данилка» азксонь сборниконза и «Павазу тунда» повестец.

Иттнень колга произведениятнень ёткса «Саттне панжихть» повесть ваастоц. Сонь эсонза велень шабатнень кизонь тевснон цебярьста няфтемасна.

Повесть образнай системац: трудонь учительть Степан Ивановичень, садонь ванфтыть Михаил Петрович Чалкинонь, сисемце классонь тонафтыть Сергей Шумкинонь, школань директорть Иван Васильевичень колхозонь председательть Игошинонь образсна.

Повесть композиционнай и сюжетнай башка ширенза, сонь изобразительно-выразительнай средстванза. Произведениять содержаниянц панжемаса пейзажть вастоц.

Тяниень пингста «Кранч» повестть оцю воспитательнай значенияц.

Сергей Захарович Платоновонь

        «Кит-ятт» повестсь (2 ч.+1ч.+1ч.)        

С.З.Платоновонь колга учительть валоц. «Кит-ятт» - строительхнень колга. Эсонза аф тёждя тевснон няфтемасна. Сонь сотксоц тяниень пингонь эряфть, нравственнай и морально-этическяй проблематнень мархта. Стройкаса од ломаттнень работамасна. Витянь, Митянь, Сергеень, Варань, Алексеень образсна. Повестьса сире поколениянь ломаттне: Макарыч, Мокей атя и лиятне. Сире и од поколениянь ломаттнень ёткса сотксне.

Повестть композицияц, кялец и художественнай башка ширенза.

Литературнай теориясь. Художественнай образть  и образность колга шарьхкодемать кърхкалгофтомац.

Валентина Ивановна Мишанина

«Ёронь юромста стирня», пьеса (3 частт)

В.И.Мишанинать путфксоц мокшэрзянь литературав. Илья Девинонь лезксоц сёрмадонь тевти кундамста. Москувонь М.Горькаень лемса литературнай институтса тонафнемась. Васенце сборниконц тонафнемань кизотнень печатламац. В.Мишанинать сатфксонза драматургиянь жанраса.

Иттненди сёрматф произведенияса шабань психологиять цебярьста содамац. «Ёронь юромста стирня» пьесаса тяниень пингонь эряфть афсатыксонзон, сталмонзон няфтемасна. Аф пяшксе семьятнень прябаласна. Иттнень пичедемасна. Произведенияса кяль-валонь козяшись.

Литературань теориясь. Драматургиянь и драмань башка жанратнень шарьхкодемасна.

ширетне.

ИНГОЛИ МОЛИ САТФКСНЕ.        

  Личностнайхне:

-шарьхкодемс мокшень литературать вастонц эряфса, фкя-фкянь ёткса корхтамста, перьфпялень ванфтомста

-маштомс кочкаф содамошитнень и сатфкснень нолямс школань и эрь шинь эряфса;

-касфтомс маштомашитнень ялга и оцю мархта прянь вятема; шабрань ломаттнень мархта сотксонь     кирдема;-

- содамс иттненди народоньконь эряфста: мокшетнень эряма койснон, унксснон;

-ванфтомс и кельгомс перьфпяльть;

-аф юкснемс Великай Отечественнай войнаса шавф ломатнень;

- аф обжамс ёмла ялганьконь (нармотнень и жувотатнень).

- аф юкснемс писательхнень-землякнень;

Метапредметнайхне:

- шарьхкодевиста марямс кайги мокшень кяльть ;

- маштомс  кизекфксонь лангс максома кувака и нюрьхкяня каршек азондома;

- маштомас эльбятьксфтома, выразительнайста и эрявикс интонациянь вятема лувомста,

- кувакаста и нюрьхкяняста азксонь азондома;

- максомс  анализ и оценка тиф заданиятненди;

- маштомс корхтама мокшень литературнай  кяльса;

- маштомс лувома ролень-ролень;

Предметнайхне:

- валрисьмоть потмоса арьсемань канды инь эрявикс валхнень вайгяльса няфтема;

- шарфтомс мяль общечеловеческяй проблематнень панжемаснонды;

- маштомс арьсема. Эсь мяльснон азондома, пара тефнень и афсатыкснень няема;

-маштомс учительть морафтоманц и азондоманц, а станя жа эсь ялгаснон морафтомаснон и азондомаснон кулхцондома;

- устна  ответонь максома фкя темань коряс путф кизефксонь лангс;

-художественно-выразительнай средствань мушендома;

- аф оцю морафтф статьянь пяльксонди лемонь максома;

- эсь тевонь колга азксонь арьсема.

Календарно – тематическяй планированиясь.                  

п/п

    Разделхнень и тематнень лемсна

Урокть

видоц

Мъзяра

пинге

Уроконь ётафтома

              пингсь

арьсефсь

афкукссь

1.

2.

Мокшэрзянь устнай народнай творчествась.

Фольклорсь кода искусства.

  1. Фольклорсь кода искусства.

Макар Евсевьевич Евсевьев – фольклорист. «Мордовскяй свадьба»

  1. М.Е. Евсевьев – мокшэрзянь содаф учёнай, просветитель и народнай творчествань произведениятнень кочксисна.

  1. «Мордовскяй свадьбать» кочкамань и сёрмадомань историяц.

Сказительскяй творчествась.    Ефимия Петровна Кривошеева «Вай, аф удован», сказ, «Пиже садса, мазы садса» мора.    

Фёкла Игнатьевна Беззубова «Стинь чоподава, зорява» азкс, «Арядо, браттнэ,  минек масторов», мор.  Серафима Марковна Люлякина «Седи ризкс», «Ёфксса ёфнесазь морса морсесазь», «Лиихть пъсьмархт» скасне.

      4.  Сказительскяй творчествась.

Е.П. Кривошеевать,  Ф.И.Беззубовать,  С.М. Люлякинать эрямань и творческяй кисна.

Литературань творчествась. Мокшэрзянь писательхне народть ингольдень пингонь эряфонц колга.

Виктор Михайлович Лёвин «Гурьян», повесть.

5.  В.М.Лёвинонь эряфонь и творческяй киц. Гурьян» повестьса мокшэрзятнень ногайхнень и губаттнень каршес тюремасна.

6. Мокшень и эрзянь од ломаттнень аруста кельгомасна.

Фёдор Маркелович Чесноков «Сире неже», Сире учитель» азксне.

7. Ф.М.Чесноков «Сире учитель» азксть содержанияц.

Лекция

Медио-урок

Лекция

Медио-урок

Беседа

Беседа

Беседа

4

1

1

1

1

1

1

5

2

1

1

1

1

Сентябрь

02.09.

09.09.

16.09.

23.09.

30.09.

Октябрь

07.10.

14.10.

п/п

      Разделхнень и тематнень лемсна

Урокть

видоц

Мъзяра

пинге

Уроконь ётафтома

              пингсь

арьсефсь

афкукссь

3.

Алексей Ильич Кочетков (Мокшони) «Митрей», азкссь.

  1. А.И.Мокшони «Митрей» азксса мокшэрзятнень сядынгольдень эряфснон няфтемац, койхне-обуцятне.

  1. Аф класса морафтомань урок. Ф.М. Чесногков « Кафта киге» пьесать коряс.

Мокшэрзянь писательхне Великай Отечественнай войнань пингонь эряфть колга.

Александр Сергеевич Кадоркин «Давол», поэма.

  1. А.С.Кадоркин «Давол» поэмаса войнань пингонь стака эрямать колга азондомась.

Леонид Фёдорович Макулов «Мокшава», азкс.

  1. Л.Ф.Макулов «Мокшава» азксса войнать сталмонц няфтеманц.

  1. Аф класса морафтомань урок. Л.Ф.Макулов «Учительница» произведениять коряс.

Василий Павлович Арапов «Лункфтаф тяште» азкс.

  1. В.П. Арапов «Лункфтаф тяште» азксса войнань пингонь эряфть лангс од сельмованф.

Анатолий Прохорович Тяпаев «Люкшянь ям», азкс.

  1. А.П.Тяпаев «Люкшянь ям» азксса войнань пингонь велеть эряфонц няфтемац.

  1. К.К. Сочинения «Кяжсь и ляпошись минь эряфсонк» темать коряс.

 Пётр Андреевич Ключагин «Ташта шинель», азкс.

           

16. П.А.Ключагин «Ташта шинель» азкссь.

Беседа

Беседа

Беседа

Беседа

Беседа

Беседа

Медио-

Урок

Творч.

тев

Беседа

2

1

1

8

1

2

1

1

1

1

2

1

1

1

1

21.10.

Ноябрь

10.11.

17.11.

24.11.

 Декабрь

01.12.

 

08.12.

15.12.

22.12.

Январь

12.01.

п/п

      Разделхнень и тематнень лемсна

Урокть

видоц

Мъзяра

пинге

Уроконь ётафтома

              пингсь

арьсефсь

афкукссь

4.

Виктор Леонидович Алтышкин «Синнеф эряф», азкс.

17. В.Л.Алтышкин «Синнеф эряф» азксса Великай Отечественнай войнань событиятнень няфтемасна.

Мокшэрзянь писательхне тяниень пингонь эряфть колга.

Иван Никитич Кудашкин «Мазы морозе – пичень поразе», поэма.

18. И.Н.Кудашкин «Мазы морозе – пичень поразе» поэмась.

19. Изобразительно-выразительнай средстватне и мяляфтови перьфпяльдень картинатне.

Александр Васильевич Арапов «Локстихть лиихть», «Васенцесь – аделсеви морось», «Он», «Ава явси» стихотворениятне.

20. А.В.Арапов «Локстихть лиихть», «Васенцесь – аделсеви морось» ,   «Он», «Ава явси» стихса эсь лацонь ширетне.

Валентина Ивановна Мишанина «Ёронь юромста стирня», пьеса.

21.В.И.Мишанина «Ёронь юромста стирня» пьесать идейно-художественнай содержанияц.

22. Аф пяшксе семьятнень прябаласна. Иттнень пичедемасна.

Леонид Павлович Седойкин «Мекольце пиземсь», «Шубань муськихть» азксне.

23. Л.П. Седойкин «Мекольце пиземсь» азксса эряфть колга мяльхне-арьсематне.

Сергей Васильевич Кинякин «Сёрма мельге сёрма», «Модать ваймоц», «Азорфтома мяльхть» стихотворениятне.

24. С.В.Кинякин «Сёрма мельге сёрма» стихотворенияса тядять и цёрать ёткса кеме соткссь. «Модать ваймоц», «Азорфтома мяльхть» стихотворениятне.

Лекция

Беседа

Беседа

Выраз.

лувом.

Беседа

Беседа

Беседа

Беседа

1

1

17

2

1

1

1

1

2

1

1

1

1

1

1

19.01.

26.01.

 

Февраль

02.02.

 

09.02.

16.02.

 Март

02.03.

09.03.

16.03.

п/п

            Разделхнень и тематнень лемсна

Урокть

видоц

Мъзяра

пинге

Уроконь ётафтома

              пингсь

арьсефсь

афкукссь

Николай Иванович Ишуткин «Шкаень казне», «Инжи», «Кемамань штатол» стихотворениятне.

     25.  И.И. Ишуткин «Шкаень казне», «Инжи», «Кемамань штатол» стихотворениятне.

Юрий Фёдорович Кузнецов «Ёжу», азкс.

  1. Ф.Ю.Кузнецов «Ёжу» азксса нравственностень прябалатне.

  1. К.К. Отзывонь сёрмадомась мяльс туф Ю.Ф.Кузнецовонь азксонц коряс.

Михаил Алексеевич Втулкин «Ширка и Трокскя», легенда.

       28. М.А. Втулкин «Ширка и Трокскя» легендаса мокшэрзятнень эряфснон няфтемасна.

Илья Максимович Девин «Борзиень пизепт», «Кши кочам», «Сярятьф», «Сенемас» стихне.

      29. И.М.Девин «Борзиень пизепт», «Сярятьф», стихотворениятнень эса перьфпялень ванфтомань прябалатне.   «Кши кочам», «Сенемас» стихотворенияса шачема ширеть шнамац, кельгомац.

Григорий Ильич Пинясов «Тядяснонды – больницяв», азкс.

         30. Г.И. Пинясов «Тядяснонды – больницяв» азксса тяниень пингонь прябалатнень колга азондомась.

       31. Обраснень няфтемста психологизмась.

       32. К.К. Сочинения «Монь тядязе» темать коряс.

Михаил Иванович Брыжинский «Идам и Эва», азкс.

      33.  М.И. Брыжинскяень эряфонь и творческяй киц.

      34. М.И.Брыжинский «Идам и Эва» азксса сай пингонь эряфть колга мяльхне-арьсематне.

    35. Резервнай урокт

Беседа

Медио-

урок

Тв.тев

Беседа

Беседа

Беседа

Беседа

Лекция

Беседа

1

1

1

1

1

1

1

1

1

2

1

1

1

2

1

1

1

23.03.

Апрель

06.04.

13.04.

20.04.

27.04.

Май

04.05.

11.05.

18.05.

25.05.

Тематическяй планированиясь мокшэрзянь литератураса 8 класса.

п/п

Разделхнень и тематнень

лемсна

Максималь-

най нагруз-

кась, ч.

Теоретическ.

тонафнемась,

 ч.

К.К. урокт, ч.

Аф класса

морафтома

урокт, ч.

1.

Мокшэрзянь устай народнай творчествась.

4

4

-

-

2.

Литературань творчествась.

Мокшэрзянь писательхне народть ингольдень пингонь эряфонц колга.

5

4

-

1

3.

Мокшэрзянь писательхне Великай Отечественнай войнань пингонь эряфть колга.

8

6

1

1

4.

Мокшэрзянь писательхне тяниень пингонь эряфть колга.

17

15

1

1

5.

Резервнай урок

 Сембоц

34

29

2

3


По теме: методические разработки, презентации и конспекты

Рабочая программа по мордовской литературе 10 класс

Рабочая программа по мордовской литературе 10 класс...

РАБОЧАЯ ПРОГРАММА учебного курса «Мордовская литература» в 5 классе

  Программась ащи фкакс 5-це классонь «Родной литература» тонафнемань книгати общеобразовательнай учрежденияса, книгать автороц Азыркина Е.И., Саранск, 2014к.Родной литературан...

РАБОЧАЯ ПРОГРАММА учебного курса «Мордовская литература» в 6 классе

    Программась ащи фкакс 6-це классонь «Родной литература» тонафнемань книгати общеобразовательнай учрежденияса, книгать автороц Азыркина Е.И., Саранск, 2015к.Родной лите...

РАБОЧАЯ ПРОГРАММА учебного курса «Мордовская литература» в 7 классе

             Программась ащи фкакс 7-це классонь «Родной литература» тонафнемань книгати общеобразовательнай учрежденияса, книгать автороц Азыркин...

Рабочая программа учебного курса «Мордовская литература» в 11 классе

Рабочая программа учебного курса  «Мордовская литература» в 11 классе...

Рабочая программа учебного курса «Мордовская литература» в 10 классе

Рабочая программа учебного курса «Мордовская литература» в 10 классе...