9нчы сыйныфта Бердәм Республика Тестына әзерлек планы
материал (9 класс)

Тезүче:

татар теле һәм әдәбияты укытучысы                                                                    

                                                                     Рамазанова Илсөяр Барый  кызы                                                                                          

БРТ-на әзерлек эшенең максаты һәм бурычлары:

Шөгыльләр вакытында  укучылар түбәндәгеләрне өйрәнергә тиеш:

• тест сораулары өстендә эшләү (игътибар белән биремнәрне укып, аның формулировкасын һәм мәгънәсен аңларга  тиешләр;  
• биремне аңа  куелган инструкцияләр буенча төгәл итеп башкара белү;  
•  төрле типтагы тест биремнәрен башкара белү;
• мөстәкыйль рәвештә, бирелгән вакытны биремнәргә бүлә белү;
• Үрнәк нигезендә басма хәрефләр белән төгәл һәм дөрес итеп бланк тутыру ;
• Бланкта дөрес итеп җавапларны урнаштыра белү;
• Имтихан бланкына төзәтү җавапларын дөрес итеп урнаштыра белү;
• Озак вакыт аралыгында игътибар белән эшләү күнекмәләре булдыру

Эшчәнлекнең төп максатлары:

• татар теле фәненнән БРТ-ын  үтү өчен кирәкле булган күнекмәләрне формалаштыру
• укучыларның татар теленең фонетик, орфоэпик, орфографик, лексик, грамматик нигезләреннән алган белемнәрне системалаштыру, катлаулырак формаларда өйрәтүне дәвам итү;
• телнең төп грамматик чараларын язма         һәм телдән сөйләм процессында куллануга ирешү;
• укучыларның иҗади һәм мөстәкыйль фикерли алу мөмкинлекләрен үстерү, үз фикерләрен дәлилли белергә күнектерү;
• татар әдәби тел нормаларын һәм стилистик мөмкинлекләрен ачык күзаллауга , аларны тиешенчә куллана белергә өйрәтү;
• -телне тулы бер система буларак күзаллау;
• -текст һәм башка мәгълүмати чаралар белән эшләү, аннан кирәкле мәгълүматны таба белү һәм аны тиешенчә үзгәртә алу күнекмәләрен үстерү;
• -укучыларның орфографик һәм пунктуацион грамоталылыгын камилләштерү.

Бурычлар:

• укучыларның игътибарын телнең эстетик функциясен чагылдыручы әдәби текстка, өйрәнелә торган тел күренешләренең сәнгатьлелек ягына юнәлтү;
• балалар туган телнең матурлыгын күрергә һәм ишетергә өйрәнсеннәр, нинди сурәтләү чаралары аша аның тормышка ашырылуын аңласыннар өчен телнең тасвирлау һәм сурәт ясау мөмкинлекләрен күрсәтү, телнең җанлы халәтен, кулланылыш рәвешен өйрәнеп, сүз белән сөйләм арасындагы бәйләнешнең нигезенә ныграк төшенергә , әдәби әсәрдә һәм автор сөйләмендә сүзнең тәмен, ямен, матурлыгын тоярга, үз сүзен, фикерен әйтә белергә өйрәтү.
• әдәби тел нормаларын күнекмәләрдә дөрес куллана алуга өйрәтү, иҗадилыкка омтылу

Белем һәм күнекмәләр

                                           БРТ-на әзерлек  эшчәнлегеннән соң укучылар белергә тиеш:
а) үз сөйләмеңдә төрле  грамматик кагыйдәләрне    урынлы куллана белү;
ә) белешмә материаллардан, аерым алганда, төрле лингвистик сүзлекләрдән - аңлатмалы, синонимнар, антонимнар, фразеологизмнар һ.б. сүзлекләрдән файдалана белү;
б) мөстәкыйль рәвештә   тикшеренү эшләре язу, язмаларны редакцияләү, үзенең һәм иптәшләренең эшләрен рецензияли белү.

и) үзеңнең сөйләмеңдә һәм янәшәңдә булганнарның сөйләм кимчелекәрен күрә һәм төзәтә белү.

г)алган белемнәрне практикада куллана алу.

2020-2021нче уку елында БРТ-на әзерләнүче укучылар исемлеге:

БРТ-на әзерлек эшенең расписаниесе (Дәрестә һәм дәрестән тыш):

БРТ-на әзерлек планы

Укытучылар һәм укучылар өчен әдәбият исемлеге

1. Гарипова В.А., Шакирова Г.Р. Бердәм республика тесты үтүгә әзерләнү өчен кулланма. Туган телдә (татар телендә) төп гомуми белем бирү оешмалары өчен.-Казан:Гыйлем, 2015.-64 б.
2. Татар теле: Кагыйдәләр җыентыгы. Анализ үрнәкләре./Төз.-авт. Гыймадиева Н.С., Галләмова Р.В.-Казан: Гыйлем, 2012.-64 б.
3. Денмөхәммәтова Э.Н., Вәлиева М.Н., Тарханова Г.И. Җыйнакландырылган изложение һәм сочинение-фикерләмәне ничек язарга: Татар телендә урта гомуми белем бирү мәктәбе һәм рус мәктәбенең татар төркемнәре өчен.-Казан: Гыйлем, 2014.-56 б.
4. Татар телендә гомуми белем бирү оешмаларының 9 сыйныф укучыларына 2020нче елда татар теленнән бердәм республика тесты уздыру өчен үрнәк материалларның күрсәтмә варианты. ТР Мәгариф һәм Фән министрлыгы