Карточка по теме "Япала ячĕсен вĕçленĕвĕ"
картотека (6 класс)

Чăваш чĕлхи. 6 класс

Дидактика материалĕ. «Япала ячĕсен вĕçленĕвĕ» карточка

Тĕрĕслев ĕçĕ. 1 вариант

1.Япала ячĕсене çырса илĕр, падежне, хисепне çырăр.

1.Сар кайăкăн савăнасси çаран ути çуличчен.

2.Пирĕн амăшĕсĕр ÿснĕ путек пурччĕ.

3.Пурнăçшăн мар, вилĕмшĕн çапăçу пырать.

4.Эпĕ районтан Шупашкара килме тухрăм.

5.Петя Атăл урлă пăрсем çукрах вырăнпа таврăнма шутларĕ.

6. Офицерсен шухăшне пăравус вăрăммăн кăшкăртни татрĕ.

7.Шăрттана эпир уявсенче хăнасемшĕн çеç тăватпăр.

2. Çак сăмаха падежсем тăрăх вĕçле: юлташ.

___________________________________

Тĕрĕслев ĕçĕ. 2 вариант

1.Япала ячĕсене çырса илĕр, падежне, хисепне çырăр.

1.Халăхпа пĕрле эпĕ те вакуна пулă çĕклесе кĕтĕм.

2.Хиртен таврăнсан Галя шукăль тумланчĕ.

3.Чĕре тата юн тымарĕсем этем организмĕнче питĕ кирлĕ органсем пулаççĕ.

4.Эпир мĕн каç пуличчен утарта пултăмăр, асаннене хуртсем пăхма пулăшрăмăр.

5.Ку йывăçăн çулçи сахăр шывĕ пек: алла çыпăçать.

6.Ирхи уçă сывлăшпа шкула киленсе утатпăр.

7.Номерсĕр самолетсене эпир чылайччен сăнарăмăр.

2. Çак сăмаха падежсем тăрăх вĕçле: куçсем.

_________________________________