Урочы темæ: «Къоста! Зæрин фæззæгау фæрнджын у дæ ном! (Номдар)»
учебно-методический материал (6 класс)

Ирон æвзаджы урок 6 къласы.

Урочы темæ:  « Къоста! Зæрин фæззæгау фæрнджын  у дæ ном! (Номдар)»

Урочы нысантæ:

 1. Скъоладзаутæ 5- æм къласы номдары тыххæй цы базыдтой, уый   зæрдыл  æрлæууын кæнын.          

 2.Скъоладзауты зонындзинæдтæ фæарфдæр кæнын номдары тыххæй.

 3. Хъомыладон куыст бакæнын.

Урочы цыд:

I. Бацæттæгæнæн рæстæг.

Мотиваци.

1. Кæцы нымæц у абон?

-Къуырийы бонтæй та цы бон у?

-Афæдзы афонтæй та кæцы у?

-Сымах фæззæг уарзут?

-Цавæр стыр бæрæгбæттæ  фæбæрæг кæнынц ирон адæм  фæзздæжы?

(Фӕззаджы, 15 октябры, райгуырд  Хетагкаты Къоста).

Байгом кæнут  уæ тетрæдтæ , фыссæм абоны нымæц.

Дзырдуат: фæззæг, сывæллæттæ, лæппу, фыййау, зæрватыкк, хърихъупп, мыггаг.

- Ацы дзырдтæм иумæйагæй цы ис? (ис цы дывæргонд æмхъæлæсонтæ, сты номдартæ; ист сты Къостайы уацмыстæй)

2.  Куыд зонут Къостайы царды хабæрттæ, йе сфæлдыстад, уый ныртæккæ базондзыстæм- интерактивон фæйнæгыл ис дзырдбыд.

-Дзуæппытæ æвæрут номон хауæны.

   Дзырдбыды фæрстытæ:

1. Хетæгкаты Къостайы райгуырæн хъæу. (Нар)

2. Алы аз дæр 15 октябры нæ республикæйы бӕрӕг фӕкӕнынц  кӕй райгуырӕн бон? (Къоста)

3. Никуы фенгæйæ кæй сурæт сныв кодта Къоста? (Мад)

4. Кæцы уацмысæй ист сты ацы рæнхъытæ: « Дурты зæй банцад… Йæ фæстаг уынæр кæмдæр комы арфы æрмынæг…. Рыг æрбадт… Тедо цы рындзыл лæууыд, уымæн йæ фæд дæр нал аззад. Бынхафт, бынсæфт æй ныккодта». (дзæбидырдзуан)

5. Къоста къаддæр кары сывæллæттæн ныффыста, уыдонæй иу хæдзарон маргъыл. (уасæг)

6. Къостайы кæцы æмдзæвгæйæ ист сты ацы рæнхъытæ: «Хур судзы, уырыдзы

                                                                                                               Хæрынæн бæззы». (сæрд)

- Чырæгты бынмæ кæсгæйæ цы дзырд бамбæхст, уый куы ссарæм, уæд базондзыстæм абоны урочы цæуыл дзурдзыстæм, уый.

- Абон нæ урочы темæ цы у?

- Цы у номдар?

- Куыд ивы номдар?

- Цавæртæ вæййынц номдартæ?

- Ирон æвзаджы цал хауæны ис? Ранымайут-ма сæ…

3. 45- æм фарсыл раиртæстыл бакуыст.

I I I. Фæлтæрæн куыстытæ.

1. 120-æм фæлтæрæн

- хæслæвæрд: рафыссын номдартæ, фæбæрæг  кæнын  сæ хауæнтæ.

2.-  Куыст интерактивон фæйнæгыл:

 Хауæнты фæрстытæ сæмхæццæ сты номдарты кæрæттимæ, сраст сæ кæнæм тасындзæг кæнгæйæ дзырд «мад» (фысгæ куыст).

IV. Улæфты  минут.

V.  Къордты куыст.

1 къорд- ссар уæлдай дзырд (чиныг, урс, лæг, цъиу)

2 къорд-

VI.  Хъазт «Чыргъæд»

- Бæласыл ис номдартæ æмæ миногонтæ, хицæн кæнæм номдартæ, дæттæм сæм фæрстытæ , æвæрæм сæ чыргъæды.

-Ссарын сæрмагонд æмæ иумæйаг номдартæ.

- Бæласыл баззадысты миногонтæ, иумæйагæй ма сæм цы ис? (кавказаг мыртæ ис алы дзырды дæр).

VII. Ныхасы рæзтыл куыст.

1. Иууон нымæцы номдартæ сæвæрын бирæон нымæцы:

Скъола- скъолатæ,

Æмбал- æмбæлттæ,

Фырт- фырттæ,

Уазæг-уазджытæ,

Арфæ- арфæтæ,

Æрдхорд- æрдхæрттæ,

Дидинæг- дидинджытæ.

2. Интерактивон фæйнæгыл фыст ис æмбисæндтæ, кæронмæ сæ хæццæ кæнынц скъоладзаутæ:

VIII. Хæдзармæ куыст- ныффыссын чысыл  нывæцæн фæззæджы темæйыл.

IX. Бæрæггæнæнтæ сæвæрын.

X. Рефлекси- интерактивон фæйнæгыл ис стъалытæ, кæд абоны урочы уæ куыстæй разы стут, уæд райсут бур стъалытæ, кæд разы не стут, уæд та цъæх стъалытæ.