Мероприятия «ПРИРОДАСЬ И МИНЬ».
материал (6 класс)

Мероприятия «ПРИРОДАСЬ И МИНЬ»

Ётафтозе: Моисеева Л.М.

ПРИРОДАСЬ И МИНЬ

(Экологияти лемтьф илядь)

Цельсь: -тонафтомс шабатнень природать картинанзон няема;

-няфтемс, кода писательхне и поэттне кельгозь        няфтьсазь природать.

            Оборудованиясь: картинат, фотографият, открыткат, книгат

                                            Сёрматфт валмуворкс:

 «Природать пефтома вийц, а ломанть ёнец»

 «Ся ломанць сембода  вии, кона природать одкс тии»

«Ломанць – природать азороц»

Учительть валоц: «Шабат, кельгость шачема мастороньконь – ванфтость сонь мазы природанц»

Мекольце  кизотнень пяк оцю мяль шарфневи природати. А мезенкса? Да сяс, мес природать эзда ащи ломанть эряфоц, шумбрашиц. Штоба ломанць улель шумбра, тейнза эряви ару кожф, ару ведь. Штоба улель ару кожф, перьфпяле мазыши, эрявихть ванфтомс вирьхнень. Шабат, тинь содасасть, конашка парсна сянгяря ялганьконь – шуфттнень? Вирьхне ляпопнесазь климатть, лездыхть кочкамс модати летькть, кирдьсазь ляйса оцю ведть, юрсна кемокснесазь модать, персесазь карафнень киснон, аролакшнесазь модать срадомда-каладомда, машфнесазь урмань срхкафты микробатнень.

Шуфттне ноляйхть кислород, кона эряви ваймонь тарксемс мастор лангонь сембе эряйти. Сяс тейнек эряви сянгярькафтомс эряма вастоньке, озафнемс вирнят паксява, ванфтомс и касфтомс ёмла вирьхнень. Тянкса тейнек маштома шуфтонятнень озафнема, мельгаст якама. Шабат, тясть юксне шумбрашинь кази ялганьконь. Кда кажнайсь эздонк озафты аньцек фкя шуфтоня, марстонь вийса кеподихть мастор лангса  целай вирьхть.

Перьфпяльть мазышинц ванфтомац ащи аньцек эсь эздонк. Вдь сембонь мяльсна эрямс лац, тарксемс ваймоснон ару кожфса, симондемс ару ведьта. А тянкса, штоба ламос эрямс,  ванфтомс природась тяниень и сай поколениятненди – тя минь васенце тевоньке.

Участникне морасазь  «Вирь» морть, кона ладяф М. Безбородовонь стихотворениянц лангс.

1.Кизонда, вирняй;                     3..Кулхцондан эсот

Пиже лопаняй,                Кода тон увнат

Пси мани шиня                Тифтень лопаня

Шида кяшиняй                  Модати прафнят          

2.Яксян потмоват,                                  4.Мастору лопась.

Шуфттнень ёткова,                        Либордезне прай:

А пингонь-пингонь                         Вай, курок сёксесь        

Ляйге, лоткова                                Якшамть мархта сай…»

5.Тяфта кашторды                    Седись токави  

 Прафкя лопанясь,                             Марять пилеса,

 Алга шашатомста                             Кода нармоттне

Сединь токайнясь                               Морайхть келеса.

        Ученик. Эряфкшу ломаттне мяляфтсазь ся пинкнень, мзярда мокшэрзянь крайть пяк козяль природац: ведюфтольхть и калуфтольхть ляйхне, сянгярятольхть лугатне, вирьхне. Вирьхнень эсоль ламоль  нармоньда и жуватада. Коса тяни тя мазышись и козяшись? Видеста азомс, сон юмси-арси. А кие эздонк аф кельгсы  сянгяря вирть! Ужяль, но республиканьконь виренза керсевихть аф азоркс. Сембе надияйхть, што вирсь аф ломань, киндивок аф пенецяй.  А вдь виртьке ули пец. Содасть, што странасонк эрь секунданя керови 5 гектархт вирь. А вирсь – природать оцюдонга оцю казнец. Сон ванфтома, кода и модась. Тоса, коса улихть вирьхть, модась аф пели коське вармада.

Ученик  Вирсь аф аньцек козяши, сон казенди тейнек шумбраши. Учёнайхне лувозь, што шиньберьф гектар вирсь сиви кожфста 220-280 килограмма углекислай газ, а вастозонза максы 180-220 килограмма кислород.

Ведьгемонь квадратнай  километра вирень площадть вельхксса пуромкшни 50 тонна пуль. А вирьфтома вастса 400-700 тонна. Азф цифратне корхтайхть, што сянгяря ялганьке ванфнесамазь лама  кальдявонь эзда. Содаф, што гектар вирсь аруяфнесы и летьколгофнесы кожфть кемонксть. Шуфттне и кусторксне станя жа машфнесазь кожфста бактериятнень. Цебярьгафнесы вирсь и ломанть прянь  маряманц, кепсесы сонь мяленц.

Ученик   Кулхцондсаськ М. Моисеевонь « Кда керови келуня» стихотворениянц.

Онцтон бта арань акша келунякс,

Шуфтонясь перьфпяле улень тяконя.

Сашендсть алон кельгондема кельгихне,

Эшксозон пси шитнень кяшендсть якайхне.

Тушендсь пизем – алон кяшендсть пиземда,

Коськи - шяпти  варматненьге кирнине,

Шуфтонялень – ашень пеле сиземда,

Шуфтонять вдь моцец – эрьгац виренне.

Сяльде састь пиласа ломатть – керомазь,

И кудряне лаподсть пульти –сокорти,

Шудесь эздон келуведнясь – верозе

Вастозон илядсь круг мархта мокорня.

Ся ульсь он… А тяни арьсян лажназне:

Кальдяв, кда шуфта коса керови

Шуфттнень эзда ули пароц кажнайнять

Аф эрь ломанць ломаттненди эряви.

Ученик. «Тясть аварьфне келуфнень»

Улема, ломаттненди сашендовсь васьфнемс тундань вирьса аварди келуфт. Кой-коста шабатне, а сидеста и оцюфне, керсесазь и гаснесазь шуфттнень ронгснон, симихть танцти ведьстост и кадсазь синь сярядема. Керф вастти курокста эвондайхть унжат, келусь ушеды юмама-арама.

Кда мяльце симомс келуведьта  - тик пеельса аф оцю керфкя, ладяк тоза почконя, келусь пяшкодьсы кядьгонянц. Сипть топодемс. Тяда меле тяк юкста  вадемс керф вастть сёвоньца или модаса.

Участникне морасазь « Луганяса келунясь» мороть.

Ученик.  Кулхцондсаськ  С. Самошкинонь «Акша келу» стихотворениянц.

Веле песа  пиче вирсь,

Тоса акша келу касы,

Мазы, кода акша стирь,

 Од нарядонц коста щасы.

Ляпе сянгяря руцяц,

Щамоц акша ловонь лаца,

Мярьгат, шобда вень кучкать,

Палы штатол оцю садса.

Ученик. А тяни кулхцондсаськ М. Бычковонь «Кда шуфттнень улель кяльсна» стихотворениянц.

Кда шуфттнень улель кяльсна

Пади, тяфта азольхть мяльснон:

« Улихть шабанятка стапт,

Хоть и эздост афи лама:

Аньцек пачкодихть синь вири,

Синдихть байдек, синдихть или.

Налхксезь штафнесазь судняньконь,

Синнесазь тарад-сурняньконь,

Шуфтьке шуди сельмоведец,

Кда ваткаф – судоц-кедец.

Ученик. Ванфтсаськ перьфпяльть!

Природань  кельги ломанць аф ёрдай ведти жестень и клянцеконь банка, кодамовок оржа веща, васендакиге сяс, мес эшелямста, калонь кундамста керови пильгце. Омбоце кальдявсь: жестень вещатне гастясазь ведть, а гастяф ведть аф пяк кельгсазь калхне.

А кие эздонт, шабат, аф кельгсы калонь кундамать?! Вдь калонь кундамась мазопнесы идькс пингонтень, лядонды пародонга пара лятфнембялькс.

А конашкава пара  эшелямс ару ведьса! Мяляфтость: ляйхнень арушисна – минь шумбрашиньке.

Ученик  «Ванфтсаськ ведть»

Ведь ули сембе вастса: океанца, моряса, ляса, эрьхкса. Эрь растенияса и жуватаса, модать потмоса и коэфса. Ведсь эряви ломанти симомс, штамс; паксянь, садонь и перень валондомс. Лама ведь тушенды производствав.

Минь республикасонк лама ляйда. Тя – Мокшесь, Сурась, Инсарсь… и лама-лама лият. Минь районцонк тожа шуди лама ляй и ляйня. Кепотьксонди: Парцась, Явассь, Виндрейсь, Лястьмась,  Вадсь… Вад ляйсь  шуди ёфсикс веленьконь малава. Сон лия ляйхнень оряс сяда ару и кельговикс.

Эряви содамс, што Вадоти прай лама ёмла ляйня, эрьхктонга лаймосонза лама. Калуфт веденза Вадоть. Тяса васьфневихть нутрият, ондатрат, бобрат. Ня звернятне сувафтфт Якстерь книгати. Явасонь вирень ваныхне Вад ляйть берякста васьфнесть сяртт, офтт.

Но сембе сяка кода и ламоц ляйхне республикасонк Вадось васток-васток рдазыяфтф. А вдь мзярда–бди Вадга уендсть суднат. Вадось – тя  мазы ляй, сонць Шкайсь максозе тейнек ваймосемс трвасонза, кельксемс мазышинц. Эряви, пяконя ванфтомс сонь арушинц.

Ученик. Кулхцондсаськ М. Бебанонь «Шачем крайняй» стихотворениянц.

Шачем крайняй, панжат оцю садса

Масторсонк эрь шиня

Мазы ронга акша марлю лаца,

Вельхкссот валдоня шинясь.

Тяни валда тяштю тонь судьбаце,

Сядонголе анцинь край!

Келептень орёлонь пацят,

Кона лиема срхкай.

Ученик.  Азондови  (морави) морось  «Марлю» «Сеняш ляйнясь»

Ученик. Азондови А. Малькинонь «Вирень ляйня» стихотворенияц.

Сон лихтибряста, кода  очкста,

Калъюрхнень алга  шуди шанчк

И кати-кинди самста кочкси

Шить мазы цильфста эрек панчфт.,

А шамац инезиса валонтф

И тума судонь шиненяц,

Сон кульсы, кода лаймоть малас

Ювадьсы жольдерди стирняц.

Ки рашкнень ланга цёфкснень васьфнесь,

И тиендсь весяла концертт,

И келунятне мяленц касфнезь,

Эсь мяльснон азонкшнезь веньберьф.

Ученик. Мекольдень пингть пяк оцю мяль шарфневи природати, экологияти, сяс мес тянь эзда ащи ломанть шумбрашиц, эряфоц.

Ученик. Кода араламс панжапнень.

Панжапнень аф стак лемнесазь вирень санитаркс. Учёнайхне лувозь, што фкя  панжам маронь эряйхне маштыхть кизоньберьф кафта  миллионда лама насекомай. Но санитархнень синценьге улихть врагсна. Сембода пельксне – вирень тувотне. Кабатне аф пелихть панжапнень сускомада и сидеста карсесазь марснон и ярхцаяйхть панжамда. Зиянць сатнесыне панжапнень сёксень  якшамста и тялонда. Тя ёткть тувотне срафнесазь панжам  марть и мадыхть кода понацам лангс. Калафтф панжам марсь эйндай педа-пес.

Кода ина идемс панжапнень? Эрявихть персемс мархнень колма-ниле олгса. 120 сантиметрань сереса  перяфксть пачк тувотне аф ётавихть.

Шабат, лездода араламс панжапнень!

Ученик. Куцлхцондсаськ И.Кудашкинонь «Тяшттне Инеркав прайхть» стихотворениянц.

Тяса зарятне мазыста палыхть,

Тяшттне Инеркав прайхть – раса цяткт,

Дикай тувотне кяшсть поюналу,

Таргайхть зубратне эстейст кит-ятт.

Тердихть фкя-фкаснон отькорь моралхне,

Эрьхкть трваса тргадсть атясяртт,

Вирень катось эсь кинц верса архты –

Пезфтась сувозить мяштьс оржа сартт.

Сяньге няине шистон, аф онцтон,

Кода офтсь пяярьф лопат кргай.

Тяфта эряй – закононза сонцень –

Вирень кужесь, тайгань ситерькс крайсь.

Сон юкстазень ружьянь кайги гайфнень

И кунара ни юкстазе капканть.

Тяса нумолхнень ашель увайсна,

И аф мадонды весть апак антт.

Бобрать семьяц, а эряйдост байтяк:

Аньцек ёмлада ветешка тряйхть,

Кудсна – пизосна ёфси эрьхкть крайса,

 Порог песост волнатне нюряйхть.  

ВИКТОРИНА

1. Мордовиять кона вастсонза улихть вирьхть и кодама синь парсна?
2. Кодама шуфтть миньцонк лемнесазь якшама ширдень виноградкс?
3. Азомс, мзярс эряйхть модать лангса келусь, пичесь, тумось, пяшесь, кузсь и ушторсь?
4. Мес сяда сидеста  пчкафтомань и ваймамань куттнень строясазь пиче вирьге?
5. Азомс, мезень парсна ульцява касы шуфтонятнень?

СОДАСТЬ СОДАМА ЁФКСНЕНЬ

1. Састь инжикс, азорхнень сявозь мархтост, а кудснон лихтезь вальмава. ( Бредняса калонь кунцихне)
2. Крандазсь арды, ажиянза фкя вастса ащихть ( Ляйсь и беряконза)
3. Стяян кеподи – мадан валги. ( Шись)
4. Шить уды, веть ломатть эвфни (Корожсь)
5. Кинь пиленза сяда оцюфт прянц коряс.  (Нумолть)

АЗОМС ВАЛМУВРКСТ  ПРИРОДАТЬ КОЛГА

1. Нармонць азорондай кожфса, калсь  ведьса, а ломанць сембе светса.
2. Аф фкат ломаттне мирса, кода шуфттне  вирьса.
3. Кизось  кельгсы сёронь касфтомать, а тялось ванфтомать
4. Цебярь азорти  кизоть аш кальдяв пингонза.
5. Кизось работай тялоти, тялось – кизоти.
6. Тялонда лама лешу шида -  кизонда лама кшида.

КОДАМА ПРОИЗВЕДЕНИЯСТА  СЯВФ ТЯ ПАКШСЬ?

-Тонць муворат, аляй. Ков стане кенордать? Кафта-колма шиста сембе пичетне афольхть юма.

Сянь колга валомня, стирькай. Кода афоль сргозе Стёпа. Маряк, пяк кельмось, най шотнай.

-Сяс, мярьгонь, муворат, - тага пшкядсь стирец.

- Служба, стирькай, мезевок аф тият. Государственнай паршить эряви араламс салайхнень эзда сембода  инголе. ( Я. П. Григошин « Вирязонь унокоц»)

Ученик. Природать козяшиц.

Природать  инь оцю козяшиц и мазышиц – вирсь и ведсь. И тейст аш кода фкя-фкафтома. Ведсь араласы куломда  вирть. А вирсь ванфтсыне ляйхнень, эрьхкнень. И аф аньцек  синь. Сон перьсесыне китнень коське  варматненди, шуваронь шаштомати, карафонь и лашмонь щачемати. Вирсь  -  народть козяшиц. А козяшись эряви касфтомс и ванфтомс.

А кода панжи марлюсь!

Мяльцень эса касфни!

Эрь нинге сяда мазопт, виензак!

Тон мяляфтк, ялгай, эряфсонок тяфта

Минь мазышить эсь кядьсонк тиендьсаськ!