Сценарий "Цаган сар, менд!"
план-конспект

Нәәрин орлцачнр: келн-улсин «Торһа» багин көвʏд-кʏʏкд

Бичкдʏдин эк-эцкнр

Сурһмҗлачнр

ҺАРДАЧ:

           Мендвт бичкдүд! Мендвт ирсн гиичнр!

           Эндр мадн Цаһан Сард нерәдсн байрин  нəəрəн эклҗәнәвидн!  Би тадниг эн байрин нәәрлә йөрәҗәнәв.

                                                Идəн-чигəн элвг-делвг болҗ

                                                Эзнь мөңк нас зүүҗ

                                                Җил болһн Цаһаһан кеҗ.                                                                        

                                                Гем-шалтг уга, дəн-дажг уга,

                                               Амр бəəҗ, амулң эдлх болтха!

          Зурмн гүүҗ ирнə. Энд-тенд һəрəдəд,  ишкрнə.

ЗУРМН:

                Хавр аашна! Хавр аашна! Ирсн  хаврин байрла   йөрəҗəнəв:

  Идән-чигән элвг болҗ

Эзнь мөңк нас зүүҗ.

Эн цаһаһан кеҗ

Олн әмтн

Амулң эдлх болтха!

ҺАРДАЧ:

          Мана бичкдүд хаврт байрлад,    шүлгүд умшхар бәәнә.  

Тимур:

Хавр, сәәхн хавр

Хавр щуугата хавр

Хавр нарта хавр

Харада авч ирнә.

Дима:

Харада ирхлə,

Халун эклнə.

Хамг əмтн

Хəргəд ниргнə.

Коля:                                                    Цасн хәәләд,

Цандгт хүврнә,

Ноһан шавшад,

Нүд байрлулна.

Байса:                                             Эн мандлсн нарн

Эн уняртсн өдр,

Эн хәәлсн цасн,

                                                                Эн – цуһар хавр

«Хавр» - дун

ЗУРМН:  Мини бичкн  күүкд нанта наадцхатн. Би дала шаһас авч ирүв.                    

«Туулас хавстан автн!»- наадн                             

ЦАҺАН САР орҗ ирəд,  күүкдиг болн ирсн гиичнриг сəн  өдрлə йөрəнə:

                               Нəəртн сəəхн болтха

                               Наснтн ут болтха,

                               Бəəсəрн байн болтн

                               Суусарн өнр болтн.

                               Җил болһн Цаһаһан кеҗ

                              Менд амулң бəəтн.

ҺАРДАЧ: 

           Цаһан сар мана бичкдүд бас цаһан сарин нәәрт нерәдсн  йөрәлмүд келхәр бәәнә.

Женя:

Җил болһн иигҗ

Боорцг-тоһшан кеҗ.

Цә-боорцгарн

Дееҗән өргҗ,

Амулң менд бәәтн!

Саран:                                                 Цаһан саран

                                                             Байртаһар тосҗ,

                                                             Эрүл-менд,

                                                             Амулң бәәтн!

Урубжур:

                                                           Идән-чигән элвг болҗ

Эзнь мөңк нас зүүҗ.

Эн цаһаһан кеҗ

Олн әмтн

                                                            Амулң эдлх болтха! 

Бата:          Боорцг-тоһшт

 Элвг-делвг болҗ

 Җил болһн цаһаһан кеҗ

 Менд амулң бәәтхә!

ЦАҺАН САР: Эн өдрлә гиичд одхларн, белг авч ирдмн. Би  бас таднд белг авч ирув.

ҺАРДАЧ: Цаһан Сар,  мана бичкдүд боорцгин тускар ду меднә. Чамд ода эн ду дуулҗ өгх.

        «БООРЦГ» - гидг дун

Үгнь: Шугран Веран                 Көгҗмнь: Далан Зоян

Һуйр элднәв

Һал шатанав

Ачнр-зеенрән

Боорцгар тоонав.

Шар боорцгар

Дееҗ бәрнәв

Төрл-садан

Боорцгар тоонав.

Бичкн һарт

Боорцг бәргдх

Баавм болһла

Күүкн бардмн

Давтр:                   Боорцг мини

      Бол, бусл

              Тоста, шикртә

                               Сәәхн зʏстә          

ЦАҺАН САР:

Бичкдүд,  «Кен шулун келкә боорцг цуглулна»  - наад наадхм.

«Кув»-дун

Орчулснь:  Далан Зоя

Көгҗмнь: Филиппенко А..

1. Ээҗ үс цокна

Цаһан тосн болна.

Күв, күв цок, цок, цок

Айта хот  бол.

Күв, күв цок, цок, цок

Тосн, тосн   бол.

2. Ээҗ цаһан тосар

          Ачнр-зеенрән тоона.

Көгҗмин айс дахад, Кеедя өвгн орҗ ирнә. Бичкн күүкдтә мендләд, цаһан сарин йөрәл келнә:

Цаһан сарин нәәрлә йөрәҗәнәв

Ут наста, бат кишгтә болтн.

Гем-шалтг уга бәәтн!

 ҺАРДАЧ: 

Кеедә өвгн, чини хашад дала мал бәәнә, тегәд мана бичкдүд теднә тускар ду дуулх

«Ээҗин хаша дотр»  - дун

Үгнь болн көгҗмнь: Саңһҗин Татьяна

1.Ээҗин хаша дотр

  Дала һалуд бәәнә.

  Га-га, га-га, га-га

  Өдрин  дуусн  хәәкрнә.

2.Ээҗин хаша дотр

  Ямана ишк бәәнә.

  Мә, мэ- мэ-мэ

  Ямана ишк мәәлнә.

3.Ээҗин хаша дотр

  Миисин кичг бәәнә.

  Мяу-мяу, мяу-мяу

  Өдрин дуусн мәәлнә

КЕЕДӘ: Көвүд- күүкд, кен мини хуц деер сууһад довтлна.

«Хуц деер» - наадн

         Эн сəн өдрлə хальмг улс олн-зүсн наадд болн   марһас давулдг билə. Залус болхла чидлəн сөрдг бəəҗ.

«Альд, альд мини һар» - дун-наадн

«Альд бәәнә?»

Орчулснь: Балакан Е.

Көгҗмнь: Ломовая Т.

1.Альд, альд мана һар?

   Альд,  мана һар?

   Эн, бәәнә, эн бәәнә

   Эн мана һар.

2.Альд, альд мана көл?

   Альд,  мана  көл?

   Эн, бәәнә, эн бәәнә

   Эн мана көл.

3.Альд, альд мана күүкд

   Альд мана күүкд?

   Эн бәәнә, эн бәәнә

   Эн мана күүкд.

ЦАҺАН САР: Йир сəн  күүкд бəəжит! Байрта-бахта  бəəҗит. Сəн бəəтн, би цааран йовад, талдан күүкдлə цаһална.

        Бичкдүд  ирсн гиичнртəһəн болн багшнртаһан, сурһмҗлачнртаһан  цаһана халун хальмг цəəһəн ууһад, хавтха хальмг боорцган идцхəв.

Цуг күүкд  босад, Цаһан Сарла  хальмг улсин «Шарка-барка» би биилцхəв.

27 –гч тойгта «Теремок» нертә бичкдʏдин сад

Муниципальное казенное дошкольное образовательное учреждение

«Центр развития ребенка – детский сад №27 «Теремок»

Келн-улсин  балчр багин бичкдʏдтә 

болсн нәр-наадна сценарь

        Белдәд давулснь:

        Бадмин Манҗин Галя

        хальмг келнә багш

                                                                   Базан Бадмин Наталья

                                                                   келн-улсин багин сурһмҗлач

Э Л С Т - 2020