Сыйныфтан тыш чара "Күңелле тәнәфес"
план-конспект на тему

Тема:Интеллектуаль бәйге.

(Катнаш дәрес)

Максат:1.Укучыларның татар теле һәм әдәбияты буенча белемнәрен ныгыту.2.Бәйләнешле сөйләм телен үстерү,иҗади фикер йөртү дәрәҗәләрен камилләштерү.3.Татар теле дәресенә кызыксыну хисе уяту.

Җиһазлау:магнитафон,сораулар,карточкалар.

                               Дәрес барышы:

1.Оештыру өлеше.

-Исәнмесез,балалар!

-Хәлләрегез ничек?

2.Өй эшен тикшерү.

1 нче рәт-“Тәнәфестә” дигән темага диалог төзергә тиешләр иде.

2нче рәт-“Дәрестә” дигән темага диалог төзергә тиешләр иде.

Бәйгебезне башлыйбыз.Сезгә дип бик күп уеннар,биремнәр төзедем,сезне төрле яктан сынап караячакмын.Сез дөрес итеп кул күтәреп җавап бирергә тиешсез.

                                     1 нче тур:

а)Түбәндәге хайваннарның балалары ничек атала?

                                      Ат-

                                      Сыер-

                                      Тавык-

                                      Үрдәк-

                                      Кәҗә-

б)Аеру һәм нечкәлек билгесе кергән сүзләр астына сызарга:

      Ямьле, Ильяс, мәсьәлә, дәрья, юньле.

в)”Сүзләр тап”.Хәрефләрне урыннарын  алыштырып,күбрәк сүзләр уйларга.

                                   1 нче рәт-интеллектуаль сүзе.

                                   2 нче рәт-табагач сүзе.

                                  2 нче тур: 

              а)Сүзләрне кушма сүзлә белән язарга:

Ап-ак кош-.....(аккош).

Илнең үзәк шәһәре-.....(башкала).

Матур чәчәкле,чәнечкеле куак-.....(гөлҗимеш).

Таш кебек күмер-.......(ташкүмер).

            б)Орфографик дөрес итеп языгыз:

w а к ъ ы т        й ы л г ъ а       й ү н ә л  э ш         к ъ  а й ы н

            в)Дөрес булмаган хәрефне сызыгыз:

янңгыр   унңган   зәнңгәр    төнңге   мәнңге    тунңган

            г)Артык сүзне сызыгыз:

бүлмә,бүлем,бүләк,бүлү;

сугыш,су,сусыл,сусаклагыч;

бишек,бишле,бишенче,биштән

                                  3 нче тур:

  1) 1 нче рәт-

         (Син  бүген- репортёр. “Тәнәфестә” дигән  репортажны язып бетер.) 

Кыңгырау шалтырады.Тәнәфес.Сыйныф ишекләре ачыла,һәм......

2 нче рәт. “Дәрестә” дигән репортажны язып бетер.

Кыңгырау шалтырады.Без тынычландык.Ишектән укытучы керде......

2)Сүзләрне  башкача ничек әйтеп була?

                 букча-

                 мөгаллим-

                 арык-

                 шаһәдәтнамә-

                 җөмһүрият-

3.Физминутка.

3)Әкият-турнир.

-“Койрыклар”әкиятендә мәченең өзелгән койрыгы кемгә эләккән?(куянга)

-“Сертотмас үрдәк” әкиятендә үрдәккә яхшы киңәш бирүче иң игелекле герой?(керпе)

-Капчыкта бүре башы ничә була?(бер)

-Карчык картны алтын балык  янына ничә тапкыр җибәргән?(биш)

4)Түбәндәге сүзләр кайсы әсәрләрдән алынган?

а)капчык,бүре,урман,бүре башы.

б)колыннар,бүреләр,Сабантуй,Алмачуар.

в)бакча,туксанда бугай,бабай.

г)песи,әби,бакча,зур,бабай.

5)Республика.

а)Дәүләт башлыгы кем?

б)Татарстанда иң зур елга?

в)Татарстанда дәүләт теле?

г)Кайсы шәһәрдә сәгать заводы бар?

д)Нефтьчеләр шәһәре?

е)Камаз машинасы кайда чыга?

з)Казанда ничә район бар?

и)Татарстан президенты кем?

4.Йомгаклау.

-Дәрестә ниләр эшләдек?

-Дәрес ошадымы?Кайсы ягы белән?

5.Өй эше. 

Билгеләр кую.