"Пурнăç çулĕ". Сăвă. С. Васильева.
материал (7 класс) на тему

Васильев Герман Васильевича,

                                                                                                        вăрçă ветеранне хисеплесе.

С. Васильева–Тельмова 

                               Пурнăç çулĕ

Ак ман умра ÿкерчĕк – вăтанчăк ял ачи.

Вăл çемьере пĕрремĕш ашш(ĕ)- амăш(ĕн) шанчăкки.

Граждан вăрçи пĕтсессĕн вăл курнă кун çути.

Кăштах вăя кĕрсессĕн, ĕç вĕрентет апи.

Чăваш ачин кун-çулĕ пуçланнă шав ĕçре.

Атте-аннен сăмахĕ ялан асра, пĕрле.

Яш каччă. Герман – ячĕ. Кунта вун саккăрта.

Пуласшăн пулнă тухтăр, ят тухнă вăрçăна.

Фронтра хăюллă пулнă çап-çамрăк лейтенант.

Ăна амантнă пулнă. Сывалнă та, фронта.

Вăл утса тухнă пурнăç – тумхахлă, йывăр çулĕ.

Вăл хаяр вăрçă курнă, анчах хытман ун чун.

Çапăçусен шăв-шавĕ тухман пуль çав асран,

Шуралнă ун тăнлавĕ Çĕнтерÿччен малтан.

Мăшăрĕпе пĕрлешнĕ, Ишекелле куçсан,

Ачасене ÿстернĕ – пăх-кур: виç ывăл тан!

Ман алăра ÿкерчĕк – хисеплĕ ял çынни.

Сăн-питĕнче хĕвеллĕ çап-çутă йăл! кулли.

Ак тепĕр сăн ÿкерчĕк: кунта вăл ветеран.

Çулланнă çын, кĕрнеклĕ, чунпа хăй ватăлман.

Вăл таврара хисеплĕ, ят-сумлă пулнăран,

Ыр тĕслĕхĕ, халалĕ пулать асра  ялан.

Хуракасси (Эльбарусово).

    Ака уйăхĕн 23-мĕшĕ, 2017 ç.