Физминутки на осетинском языке
картотека по физкультуре

   Физминутки на осетинском языке

ЦАРИКАЕВА А.С.

Тезгъо кодта хъæлдзæгæй кæсаглас,

Хæфсыты иууылдæр фæсырдта.

Узæгау, узæгау (покачался) акодта,

Къæхтæй хъуына астыгъта.

Йæ даргъ къубал разил-базил кодта,

Йæ цæст æппæт зылдыл (округ)ахаста

Йæхи хурмæ сивæзта, сивæзта. 

Айвæзта йæ къабæзтæ,

Йæ мидбылты бахудти

Æмæ хъазты хсæн æрбайсæфт.

Иу-мæ сæр,

Дыууæ мæ къухтæ.

Иу- мæ фындз,

Дыууæ мæ хъустæ.

Хъустæй мах фæкæнæм хъусгæ,

Къухтæй мах фæкæнæм кусгæ

Цæхæрадонмæ мах цæуæм,

Халсартæ æмбырд кæнæм.

Нæ фæндаг у цыбыр , къуындæг,

Нæ къахфындзтыл арæхстгай цæуæм.

Бæлæсты алфамблай æрзилæм,

Азгъорæм ныр сабыргай,

Улæфгæ дæр акæнæм,

Стъолы уæлхъус абадæм!

Иу-сыстæм нæхи аивазæм,

Дыууæ- агуыбыр кæнæм, сæмраст уæм нырта.

Æртæ-æмдзæгъд кæнæм æртæ хаты.

Цыппар-къухтæ фæйнæрдæм акæнæм,

Фондз-нæ къухтæ атилæм,

Æхсæз-сабыргай сбадæм.

Райсом раджы хуры уындмæ

Фестæм мах сæрæн.

Айтындзæм нæ къухтæ ,

Сисæм сæ хæрдмæ.